مــ هـ ـــم لطالبات د. حنان الشاذلي ((مادة الأحياء )) خطة ب

[MiZ RoRy]

السلام عليكم وهااااي

جمعة مباركــة يا رب <<< ادخلي في الهرجة طوالي

المهم .. انا ما ادري كيف المذاكرة مع الدكاترة التانيين

بس انا مع دكتورة حنان شاذلي في خطة ب

سوو .. لو في خطة ب تانيين بس مو الدكتورة نفسها ونفس الاسلوب عادي اتفضلو في الموضوع

<<< مدري لو الجملة دي صح ولا لأ

المهم .. حسب ما شفت.. المذاكرة اعتقد راح تكون من السلايدات حقت المحاضرة

وانا شايفة انو دا شي متخلف !! ليه ما قالو من اول عشان الواحد لا يصرف فلوسو

ويشتري الكتاب ابو بومة دا !! واللهي حرام .. صرف فلوس عالاخر

المهم ..انا نزلت المحاضرة من دا الـ course compass

بس لمن فتحت الـ power point لقيت ما شاء الله الفصلين

التاني والتالت 123 صفحة على ما اعتقد

وانا ما اعرف اذاكر من اللاب حقيقة .. ما احسها مذاكرة

بس عشان اطبع .. لازم طابعة وحبر .. ودي حاجات صعبة شويا حاليا

عشان الطابعات يا سبحان الله كلها خرفت دحين

ولمن رحت صورت الفصل الاول من بنت تانيا .. كانت كاتبة عليه الملاحظات

اللي من نفس الكلاس بخط يدها .. والحقيقة انا ماا احب اخد ملاحظات ناس تانيين

ما اعرف اذاكر منها

سوو اللي اباه من الهرج الطويل العريض دا <<< الحمد لله !!

انو ابا كم بنت معايا في الكلاس .. يسير كلنا نتفق قبل ما ندخل في الشابتر الجديد

اللي هوا 4 .. نجمع فلوس يسير وحدا مننا تطبعو

ويكون نظييييف وحلو ومافيه شي .. وبعدين تصورو وتحطو في مكتبة

يسير قبل ما نادخل في الشابتر 4 .. تكون معانا السلايدات

ونقدر نكتب ملاحظاتنا بنفسنا ..

ويسير مو بس دا الشابتر .. كل الشابترات الجاية ان شاء الله

يسير مررا وحدا اتعرف على بنات جداد .. عشاني مسكينة الى الان ما كونت صداقات

<< شي يحزن صح ؟!

وبس سلامتكم

وحتى لو ما اكنتو في كلاس د. حنان

لو تعرفو اي احد هناكا ممكن تقولولو

عشان الحقيقة كدا نوفر على بعض ونساعد بعض

[سحر الغرام]

حلوووه الفكره وأنا كمان ما احب اذاكر من اللاب
انتي بفرع البنات او بعبد العزيز ؟
أنا بفرع البناات

[Majest!C]

من بيذاكر اصلا من السلايدات !

أمسكي التست بنك وذاكري لأن الاختبار منه مو من السلايدات !

السلايدات تصلح للفهم والشرح فقط

[sula]

يا ريت نسوي زي كدا !


من جد قبل شويهـ حملت السلايدز جاني اكتئاب ="(

كمان ما تدري يمكن ع الأسبوع الجي تغير رأيها وتقول تبغانا نزاكر من شي تاني

واحنا نفضل رايحين جيين من مكتبهـ لـ مكتبهـ زي المساكين ="(
..

[mishkar]

صحيح كتير قالو عن التست بنك بس كانه ابدا ما يكفي كتير معلومات تضيع .
لمن فتحت الكتاب وقرأت الاسئله كانت معقده بس التست بنك اسهل .
ان شاء الله يكون الاختبار سهل .

[MiZ RoRy]

المشاركة الأصلية كتبت بواسطة سحر الغرام حلوووه الفكره وأنا كمان ما احب اذاكر من اللاب انتي بفرع البنات او بعبد العزيز ؟ أنا بفرع البناات

انا في عبدالعزيز

بس ما فرقت !!! عادي ما دام نفس السلايديات ونفس المادة d=

بس انا ما عندي طابعة !! عشان كدا الفكرة دي جات في بالي

يسير وحدا من البنات تطبع وتسيبها في مكتبة !!

[MiZ RoRy]

المشاركة الأصلية كتبت بواسطة Majest!C من بيذاكر اصلا من السلايدات ! أمسكي التست بنك وذاكري لأن الاختبار منه مو من السلايدات ! السلايدات تصلح للفهم والشرح فقط

انا برضو سمعت انو من التست بانك

بس مرررا ما احب اعتمد على كدا

يمكن صح من التست بانك

but BETTER SAFE THEN SORRY , right ?!

انا قلت كمانا ازاكر من الكتاب .. بس مرررا دش وما الاقي الحاجات اللي تتكلم عنها الدكتورة

[MiZ RoRy]

المشاركة الأصلية كتبت بواسطة sula يا ريت نسوي زي كدا ! من جد قبل شويهـ حملت السلايدز جاني اكتئاب ="( كمان ما تدري يمكن ع الأسبوع الجي تغير رأيها وتقول تبغانا نزاكر من شي تاني واحنا نفضل رايحين جيين من مكتبهـ لـ مكتبهـ زي المساكين ="( ..

هيا اصلا ما جابت سيرة انو من السلايديات ولا التست بانك على ما اظن

بس يللا . ادخلي معانا في هرجة الطباعة والمكتبة

[MiZ RoRy]

المشاركة الأصلية كتبت بواسطة mishkar صحيح كتير قالو عن التست بنك بس كانه ابدا ما يكفي كتير معلومات تضيع . لمن فتحت الكتاب وقرأت الاسئله كانت معقده بس التست بنك اسهل . ان شاء الله يكون الاختبار سهل .

انا قلت كدا .. ما احب اعتمد على شي واحد

وفي النهاية .. الكلام دا اللي بناخدو راح يفيدنا بعدين !!

سوو راح ازاكر من السلايدات .. وكمانا مو كل الدش اللي في السلايدات

بس اللي تتكلم عنو في الكلاس

[MiZ RoRy]

اي احد !؟!؟!؟