أسئله

[ضوضائيه]

السلام عليكم
اول سؤال في استاذه طالبه مننا نسويلها بحث عن اي موضوع حابينو ويتعلق بالماده وبما اني سنه اولى كنت انتساب فانا مو عارفه الطريقه هيا قالت اكيد بحث يعني صفاحاتو ماتقل عن 4 او 5 صفحات وصراحه انا ماعرف كيف اسويلها بحث يعني لازم في البحث اكتب كلام من عندي ولا كلو من النت عادي ولا لازم اخذلها من كتب واكتب لها المراجع الي رجعت لها في بحثى ياليت احد يساعدني ويقولي كيف الطريقه
وعادي لو اقدملها هوا على سي دي لأنو هيا ماحددت اذا تبيه في اوراق او سيدي ولمن اسويه في اوراق لازم احطو بملف ولا عادي ادبسها

غير كذا البنات خوفوني قالو لي ان الاختبارات الدوريه ممكن يصادف اختبارين في يوم واحد صحيح كلامهم

[salonas]

بخصوص البحث اسئلي الاستاذه كيف تبغاه
اما بخصوص الاختبارات صح فاحسن شي ذاكري اول باول
تقبلي مروري

[Ξxтяα ςάѓαмεζ]

ايوآآآآآآآآ تخيلي انا عندي اختبارين فيوم وآحد


بس البنات قالو روحي عند وحدآ تأجلك هوآ


ويمكن ماتأجلو عشان حيكون يوم سبت


بس قالو لو وسط اسبوع ممكن تآجلو الله يستتتتررررررررررر

[Ξxтяα ςάѓαмεζ]

وانا كمان حقت القانون طالبة مننا بحث مني عارفاااااااااا شي =(

[ضوضائيه]

المشاركة الأصلية كتبت بواسطة salonas بخصوص البحث اسئلي الاستاذه كيف تبغاه اما بخصوص الاختبارات صح فاحسن شي ذاكري اول باول تقبلي مروري

سألتها قالت بحث يعني مايقل عن 5 صفحات ويكون موضوع من الماده نفسها واعطتني امثله يعني مادتي اسمها علم الانسان قالت لي مثال عن ايش ممكن يكون موضوع البحث وهيا الخرافات عن الانسان قديماً بس هذا الي قالتو وانا ماعندي الا خلفيه وحده عن البحث من اسمو بحث يعني ماراح اكتب شي من عندي كلو بيكون بحث من برا واكتب
بس انا ماعندي اي فكره عن كيف اعد بحث اكيد هوا يبيله ترتيب وفيه اشياء مهمه لازم اسويها عشان هيا الي عليها الدرجات ياليت اذا كنتي تعرفي او احد كان يعرف يقولي كيف يتسوا البحث بالتفصيل

المشاركة الأصلية كتبت بواسطة Ξxтяα ςάѓαмεζ ايوآآآآآآآآ تخيلي انا عندي اختبارين فيوم وآحد بس البنات قالو روحي عند وحدآ تأجلك هوآ ويمكن ماتأجلو عشان حيكون يوم سبت بس قالو لو وسط اسبوع ممكن تآجلو الله يستتتتررررررررررر

تأجلو لكي انتي لحالك كويس ولله يارب مايطلع عندي اختبارين دوريه بيوم واحد ويقولو كمان الاختبارات النهائيه كمان ممكن تكون بيوم واحد تخيلي ولله يوم كنت انتساب كنت في دلع

المشاركة الأصلية كتبت بواسطة Ξxтяα ςάѓαмεζ وانا كمان حقت القانون طالبة مننا بحث مني عارفاااااااااا شي =(

ياليت تساعدونا :( ننتضركم ترى :(

[ضوضائيه]

up
up
up

[salonas]

شوفي يااختي روحي مكتبه وقوليلهم ابي بحث خاص رح يكلفك شوي لانه خاص
وقوليله ايش تبغى الاستاذه بالضبط وريحي نفسك

[بنت الرياضيات]

اسمعي حبيبتي لاتخافي هذا شي عادي مو الماده علم انسان عام انا اخذت الماده واخذتها مع الاستاذه عواطف رجب

اذا اخذتي معها او مع وحده تانيه عادي هو نفسه بحث واحد انا خفت مره بس الحمد لله

اعطتني الدرجه كامله انا اقولك شو تسوي اكتبي في ورقه خارجيه كل الي طلبته الاستاذه منك

يعني مثلا تبي البحث مايتعدى 5 صفحات يكون يتكلم عن موضوع (ــــــــــــــــــــ)

يكون فيه بعض الصور الموضحه مثلا مايكون كل الكلام دش وبنفس اللون المهم تكتبي كل شي تبينه

وتحطيه بأي مكتبه وتنبيه عن الالتزام بالشروط الي في ورقتك وهوه يسويها لك نفسها ومايتأخر

يعني بالكثير يومين.

انا تكلمت عن الهنود الحمر مره كان الموضوع روعه والصور حلوه واي استفسار حبيبتي انا

حاضر

[ضوضائيه]

salonas
شكراً اذا مافهمت كيف طريقته بنفسي احتمال اروح المكتبه

بنت الرياضيات
تسلميلي ياقمر توي اشوف ردك سوري اذا انا الي كنت بكتب الكلام واحط الصور ليه اوديه المكتبه ماطبعو في البيت ولا لازم يكون فيه غلاف شفاف مقوى ومثل هيك يعني اذا الكلام والصور من عندي المكتبه اش حتسوي فيه بس تتطبعو ليا

[ღღღبيـــاض الثــلـجღღღ]

وعليكم السلام ورحمة الله وبركاتة...

أختي ضوضائية ...بالبداية لاتقلقي وتشيلي هم ووكلي امرك لله وان شاءالله سهالة ...

ثاينا الي طالبة الاستاذة هذا تكاليف لانة البحث وكلمة بحث كبيرة واي بحث يتطلب دراسة علمية معمقة وماتقل صفحاتة عن 50 صفحة وراح تشوفي هذا الشي ان شاءالله في مادة قاعة بحث وبحث تخرج مستقبلا....

التكليف معنااها تتكلمي عن اي موضوع يخص المادة تبعك بصورة مبسطة وهيا طالبة 5 او 4 صفحات اواذا كانت الاستاذة محددة من قبل المواضيع يعني انتي ماتبداي في موضوع الا والاستاذة عندهاا خبر فيه...

والافضل انك تجمعي المعلومات من مصادر علمية موثوقة عندك المكتبة المركزية وعندك النت بس في النت ادخلي مواقع علمية كمان اما المنتديات كثير استاذات يرفضوا المعلومات منه وهذا صحيح لانها تكون اجتهادات شخصية مالها اي صحة احياانا اومصدر

انتي اعملي عن اي موضوع ودعمي التكاليف بالصور ووثقي معلوماتك بعمل فهرس المراجع في اخر صفحة ..... والله يوفقك ان شاء الله


وكمان على حسب استاذتك اذا تبغى البحث مطبوع في ورق او تكتفي بسي دي ...وفي استاذات يطلبوا الاثنين...



اما بالنسبة للاختبارات فعلا قد يصادفك اختبارين دوريين في نفس اليوم ...بس انتي ذاكري بااستمرار ولاتراكمي المنهج عليكي وحاولي تخلصي من بحوثك بسرعة عشان لاتشغلك عن المذاكرة...

بالاخير اتمنى اكون افتدك...

تمنياتي لكٍ بالتوفيق...