تقريري المختصر عن أول يوم للدورة التأهيلية خطة (ب)

[Mr.Perfect]

صباح/ مسا الخير

حبايبي رفاق الدرب في مشوار الألف ميل <<<<< حلوه هاذي رفاق الدرب .. طبعاً أمس كان الحضور غير طبيعي زززحمه مررره وباين إن الطلاب متحمسين للدراسه وإن شاء الله يظل حماسنا هذا على طول .. المهم أمس كان فيه هجووووم عنيف وغزو مركز لمبنى 125 وبالنسبة لي أنا وصلت للمبنى الساعه 3:45 ما شاء الله جاااي متحمس ولقيت المبنى من جوا ملياااااااان .. بعد كذا استنينا شويه لين ما جات الساعه 4 فقاموا موظفين الجامعة بتوزيع طلاب الخطتين فخلوا طلاب الخطة (أ) في قاعة محاضرات الدور العلوي وخطة (ب) في الدور السفلي ، وكانوا يطلبون من الطلاب أنهم يدخلون القاعات بشكل عشوائي وبالتدريج لين ما يصير العدد (50) وبعد كذا يحولوا العدد الزايد لقاعات ثانية .. المهم أنا كنت في قاعة (101) فأول ما دخلنا أعطونا ورقة ومرروها على الطلاب عشان يكتبون فيها الاسم والرقم الجامعي والتوقيع .. وكانت أول محاضرة لي هي مهارات الاتصال وأستاذ المادة كان د. فهد الجابري صراحة شخص حبوب وارتحت له كثيررر وكانوا الطلاب متفاعلين معاه في الشرح .. وحدد بعد كذا الفصول المحذوفة وهي: الفصل الثاني ، الفصل السادس من صفحة (146) إلى صفحة (154) ، الفصل التاسع (الجزء الثاني) وباقي الكتاب طبعاً كله مطلوب معانا.

المادة الثانية كانت إنجليزي (101) وكانت عند د. طارق مقبول (باكستاني) ما أدري نفسياً كذا ما دخل مزاجي ولا هضمت طريقة شرحه وأحس إنه غير متمكن في المادة بحكم إني ضليع في اللغة الإنجليزية المهم قعد يشرح وللأسف الطلاب ما كانوا متفاعلين معاه اللي نايم واللي ترك المحاضرة ومشي ما أدري يمكن طريقة شرحه لها دور .. الزبدة وبعد ما سألته قالنا إن الكتاب كله مقرر عليكم بكامل فصوله التسعه وما فيه أي شي محذوووف ونصيحة يا شباب لأني سألت أستاذ المادة أمس بخصوص كتاب الإنجليزي طبعاً أغلبكم عارفين إن الكتاب المطلوب هو North Star تأليف John Beaumont بس الجديد في الموضوع عشان لا أحد يتورط فيكم قبل ما يشتري الكتب إن الكتاب المطلوب هو بس الكتاب الأساسي وهو القراءة .. يعني الكتابين الثانية وهي كتاب الكتابة وكتاب الاستماع غير مطلووووبه معانا لأنها تخص الطلاب المنتظمين بس.

وسلامتكم .. وأوعدكم إني راح أزودكم بأخبار الدورة أول بأول وأيش الجديد اللي راح يصير فيها .. وموفقين إن شاء الله