لو سمحتوا يا دكاترة تاجلوا اختبارات السبت والاحد ..

[ana_al7elwa]

السلام عليكم ورحمة الله وبركاته

كيفكم شباب وبنات؟!؟
انا بصراحة عندي اختبار مبادئ قانون يوم السبت مع الاستاذة ليندا..
واهلي ماراح يخلوووني ادااااوم ابدا..
واكثر الطلاب ماراح يداوموا
يعني ياليت لو اي احد عندوا رقم الدكتوراوالدكتورة ويكلموهم ..يكون افضل..
يعني بجد باي نفسية حنقدر نذاااااكر..
والله مو هين عندي يرووح الاختبار عليا..بس الصراحة تنقال..
هذي مسالة حياة او موت ..يعني مو لازم ياجلوها اسبوووع..عالاقل يومين لين ما نتطمن اكثر ..
ولو افترضنا ما نزلت المطرة بكرا..فالاحتمال الاكبر حتنزل يوم السبت ونحنا في الكلاسات ..
والله حرااااام عليهم ..من جد احس اننا في حرب ..
الحمدلله انا مافقدت شئ في الكارثة الماضية..بس غيري فقد اخ او اب او صديق او ممتلكات او كتب ..يعني مانكون انانيين ..نفكر شوية في غيرنا ..مادري اذا في احد يوافقني الرأئ؟؟

[عماد الحسن]

وعليكم السلام ورحمة الله.

ما سيحدث في الغالب هو : سوف يداوم عدد كبير من الطلاب والطالبات يوم السبت القادم.
وسوف يتغيب عدد كبير من الطلاب والطالبات يوم السبت القادم وهو أول يوم دراسي بالجامعة.

والصورة ستكون واضحة خلال أول يومين بحول الله، ولو كان هناك تكاليف أو اختبارات فسيقوم الدكاترة غالباً بإعادتها لأن عدد المتغيبين الكبير يفرض عليهم ذلك.
ولا يعني هذا أنني أشجع الغياب فأنا حريص على الدوام ولكن كل إنسان له ظروفه الخاصة ، والله يعينكم.

[سكووت]

انا مو شايلة غير هم ليندا ..اخاف تجبر البنات يختبرون بالسطوح او على قوارب ..
مدري اخاف على روحي ولا على الاختبار ..

[امل يعقوب]

^

امااا


هههههههههههههههههههههههه


وربي شيي يحير

الله يعينكم بنآت

^؛^

[d7ommy]

والله ياريت المشكلة عندي مناقشة مشروع التخرج يوم الاحد كدا ولا كدا متدبس

[بنت العمودي]

الله وفقكم يارب ويكتبلكم اللي فيه الخيييييييييييير يارب ..


:)

[عاشقة المستحيل]

و انا معاااااااااااكم

فهل من مجييب ؟؟؟