بنات الابلايد مع منال ادخلوا ضروووري

[OrKiDia]

بنات اليوم رحنا لدكتور منال على امتحان الابلايد سالناها وقالت بالحرف الواحد اذا في بنات حامتحن واذا مافي ماحتعطي امتحان فانا وصحباتي مضربين عن الامتحان ونباه يتاجل فعشان كدا ماحنحضر لانو والله حال بعض البنات يحزن الي فقدت بيتها وكتبها يعني عالاقل شوية تقدير للناس الي راحو في السيل الله يصبرهم بس واحنا نبغاه يتاجل شويتين لانو النفسية مرة باااااد والاوضاع تخوف فايش رايكم يتاجل الامتحان وكمان يكون لنا وقت نذاكر اكتر بدل الاتنين واحنا مو مهيئين نفسيا للاختبار؟؟

[redcandle]

والله انا معاكي والله ماذكرت مزبوط من الشتات انا في حي السامر وطلعونا ومارجعنا الا امس وحالتي النغسية زفت من الخوف الله يسعدكم يابنات خلونا نقدر ظروف بعض

[ana w bas]

الله يعينكم يااااااارب ويسهل اموركم


لو تخليه السبت احسن وانا عني ماراح اذاكر بس راح احضر لانه اكيد كل البنات راح يعارضون

[أملي رحمة ربي]

انا معاكم كمان... بس راح احضر واعارض... لان المذاكره معاي زفت..
:(

[صبوحة]

السلام عليكم ورحمة الله وبركاتة

اتمنى انو الجميع يكونوا بخير والله يستر علينا ويتولانا برحمة يارب
انا فشعبة الأبلايد لدكتورة منال التاودي
اللي أختبارها حيكون هذا الأثنين
وبجد كلنا نتمنى ان الأختبار يتأجل لأننا مو مستعدين لا نفسيا ولا ذهنيا لأننا نذاكر هذا الأختبار

أتمنى لو أي وحدة من البنات كلمت الدكتورة أو عرفت أي خبر عن التأجيل
تعطينا خبر

والله يوفق الجميع يارب

[Al Dona]

بنااات والله منجد نبيه يتأجل وبقووووووووووه بعد .. عني انا ماذااكرت ولا كلمهع وكثييير خايفه خصوصا ان البلايد دسم موب هين ..

شــــــــــــــــــــــــــــــــــرايكم ..
كلنـــــــــــــــــــــــا

نوحد كلمتنا ونقولها تخليه الربوع الجاي لان السبت عندنا سمانتكس والاحد فكشن فأنسب شي لنا الربوع او الشبت الثاني .. شرايكم بنوتاااااااااااااااااات !!!

[Ignor]

هاااااااااااااي صبايا كل عام وانتم بخير الله يسعدكم على هالأخبار الحلوه كلنا نطالب بالتأجيل لأن الماده صعبه ونبغى نراعي ظروف بعض خصوصا بعد الكارثه بجده وكلنا بنوحد كلمتنا ونبغى وقت نذاكر ونجمع أسئلة الأترام الفايته ونستفيد منها لأنها قالت أغلب الأسئله بتكون فراغات من بين السطور ومحتاجه تركيز وأهم شي نأجل الأختبار للأسبوع الجااااااااااااااااي بليز لأن الأربعاء عندنا إختبار فونولوجي مع دكتوره منال التاودي وصعب نذاكر مادتين مع بعض أووووكيه صبايا وين تفاعل الشعبه بلييييييييييييييييز

[وناسة]

السبت الجاي او الأثنين أو الأربعاء كلها مناسبة بس اتفقوا على يوم عشان توافق اوكي...

[rosana alyousif]

والله لازم يتأجل الاختبار تقدير لظروف البنات .. اللي تعرف عن موضوع التأجيل ترد علينا ضروري..وشكرا

[فتو2009]

ان شاء الله يتأجل ..بس أفضل شي يكون يوم الأربعاء ..او على الأقل يتأجل ليوم الإثنين ..لأن السبت عندي اختباربويتري..