هل الاجازة امر ملكي؟؟!!! مهم للكل ارجو المشاركة

[mr-kash]

صباح الخير للجميع
موضوعي هو عن الاجازة التي تعطى للموظف الحكومي او الاهلي خلال فترة الامتحانات هل هي منة من المدراء والشركات ام ماذا؟
لاني والحمدالله منتسب لي الان سنتان ووضعي من احسن مايكون وانا اشتغل في شركة بريطانية تابعة للقوات الجواية لصيانة الطائرات الحربية وماشي في الجامعة من احسن مايكون واخذ اجازتي حقت الاختبارات اروح اختبر واجيبلهم الافادة لكن وللاسف الحساد كثيرين جاني اليوم مديري (البريطاني وللاسف) وقالي ترى موضوع اختباراتك هذا مو عاجبني والمفروض ماتاخذ اجازة الا في يوم الاختبار (مع العلم انه يدري ان الجامعة في جدة وانا في الرياض ) وترى انا راح اراجع الموضوع - طبعا انا مارديت عليه الا اني ماعندي اي كلام اقوله فقلت له معليش اتحملوني كلها سنتين واخلص إن شاء الله وحاولت اسايسه على قولهم .
لكن هل من شخص عند خبرة او خلفية لو ازمت الامور بالنسبة لي ؟ لاني طبعا ماراح اوقف الجامعة الان وانا في منتصف الطريق عشان خاطر عيونه الزرق
ولا راح توصلني المواصيل اني احاول ارفع خطاب لصاحب السمو الملكي الامير سلطان او الملك اذا استدعى الامر
ارجو من كل من لديه خلفية او يستطيع ان يساعد المشاركة
الله يوفقنا جميعا

[jed]

السلام عليكم ورحمة الله
يوجد في نظام مكتب العمل والعمال مادة رقم 115 الباب السادس شروط العمل وظروفه
تفيد العامل المنتسب الى مؤسسة تعليمية باجازة مدفوعة الاجر

وهذا هو الرابط
http://www.mol.gov.sa/mol_site/p49-62.pdf
وفالك التوفيق

[dr_m]

أخوي مستر كاش
بنسبه للشركات فلاجازه هي بس الايام الفعليه للاختبارات يعني ايام الاختبار بس

وما بين الايام فهيا من رصيدك . هذا النظام الشركات .

ما للحكومه ما عندي اي خبر .

واول واخيرآ كلها تجي وتروح علي حسب الرئس المباشر لك . يعني اذا راضي عنك مشها لك من اول اختبار الي اخريوم تختبر فيه اخر ماده .يعني الايام الي مابين ايام الاختبار يحسبها من ضمن الاختبارات .

واذا راضي عنك مرررررررررره عطاك اسبوعين كامله :) :)

انا الان اعيش نفس المشكله انا اخذ بس ايام الاختبار والايام الباقيه من رصيدي رغم اني من الشرقيه
وخوي معاي في نفس الشركه بس الرئيسه غير يعطيعه اسبوعين كامله !!!!!!!!!!!

بختصار خذا معاك ( اذا حبتك عين ما ضلمك الدهر)

[mr-kash]

اي مشاركات اخرى ياشباب ممكن استفيد او نستفيد منها في هذا الموضوع عشان مانخسر اجازات

[خالد بن عبدالعزيز]

الاختبارات تاخذ اجازة غصب عليهم انا عندي قرار من مجلس الوزراء اذا تبي نسخه منه عطيتك اياه مو على كيفه ولاتحسب من الرصيد بعد ؟؟؟؟
انا شغال في بنك الشباب الي في الجامعة المفتوحه صحيح ياخذون الايام بس اما الي خارج الرياض ياخذون المده كامله ليه فاضي انا اروح واجي على حسابي علشان خاطرهم

[mr-kash]

الله يجزاك خير اخوي خالد .... والله اذا ممكن تخدمني وترسلي صورة من الخطاب لعل وعسى اني استفيد منه
والله يوفقنا جميعا
هذا ايميلي amjad_kashkari@hotmail.com

[خالد بن عبدالعزيز]

اخوي مستر كاش الخطاب ينص على نفس الماده الى وضعه احد الاخوان جزاه الله خير
لاكن اذا تبي الخطاب نفسه ارسلي رقمك وانا راح اعطيك اياه مناوله لان للاسف ماعندي سكنر

[mr-kash]

اذا نفس المادة ماظن يحتاج لكن اذا فيه اي توضيحات اخرى تفيدني او اختلاف ممكن اخذه غير كذا الله يعطيك الف عافية وشكرا على مشاركتك

[fahad14]

الاخ خالد بن عبدالعزيز

ياليت لو تقدر تسوي سكان للورقه اللي عندك لانها مهمه وضروريه جدا

ولو ماتقدر لاي سبب

ياليت لو ننسق وتحط لنا نسخه منها فاي مكان يناسبك

مكتبه عامه ومعروفه مثلا او باي طريقه تناسبك

جزاكم الله خير

[فارس الشمال]

هل أنت أخذت موافقة من جهة عملك للأنتساب بالجامعة يوم سجلت بالجامعة ؟؟



أخوي اللي أعرفه أن الأختبارات إذا كانت في داخل مدينتك تاخذ يومها أجازة فقط

أما أذا كانت خارج مدينتك فهي أجازه لك من أول أختبار الى آخر أختبار :)

طبعا مايلزمك ترجع للدوام لو ماعندك الا أول يوم أختبار واخر يوم أختبار :)

وفي خطاب تطبعه الحين من الموقع الألكتروني إفاده أن عندك أمتحانات بالجامعه
وفي الأفاده اللي تطبعها بآخر شي أنك حضرت :)

طبعا هالموضوع إذا كان العمل معطينك موافقة على الأنتساب فمو على كيف أبو عيون زرق يمنعك

الاستفسار: هل يلزم الموظف الحاصل على إجازة لأداء الامتحان الدراسي بالحضور في حالة كون الامتحان يوماً بعد يوم؟ الــرأي: يلزم الموظف الذي يؤدي الامتحان في مقر عمله بالحضور في اليوم الذي لا يؤدي فيه الامتحان، أما إذا كان يؤدي الامتحان في مكان آخر غير مقر عمله ولا يستطيع الحضور في اليوم الذي لا يؤدي فيه امتحاناً فتكون إجازة الامتحان من بدايته إلى نهايته وتدخل فيها الأيام التي لا يؤدي فيها امتحاناً لأنها لازمة لأداء الامتحان وذلك بما يتمشى مع نص المادة (28/9) من اللوائح التنفيذية لنظام الخدمة المدنية.

طبعا هذا بنظام الخدمة المدنية

المادة الخامسة عشره بعد المائه : للطالب المنتسب الى مؤسسة تعليمية الحق في أجازة بأجر كامل لتأدية الأمتحان عن سنه غير معاده تحدد مدتها بأيام الأمتحان الفعلية, أما أذا كان الأمتحان لسنه معاده فيكون للعامل الحق في أجازة بدون أجر لأداء الأمتحان , ولصاحب العمل الحق في طلب الوثائق المؤيدة لطلب الأجازة وكذلك مايدل على أدائه الأمتحان .

وهذا كلام وزارة العمل :)