المعانااااه مع البرزنتيشن ...

[M!sS chocolate]

السلام عليكم ورحمة الله وبركاااااته ...

يوم السبت حيكون البرزنتيشن حقي دعوااااتكم أبغى منكم بس كم نصيحه للي سبق واختبروا
وأبغى أسألكم لازم نحط عرض بوربوينت وفيديو لأنو التيتشر حقي قالت ايوه عليه درجااات
وأنا خلاص اخترت فيديو بس وقف لي شيء حجزني من أمس ...

كيف أقدر أحفظ العرض اللي من اليوتيوب حاولت بأكثر من رابط أخذته من جوجل
برضو مانفع ووحده من الروابط حملي الفيديو بدون صووت ...
خليت وحده من صحباتي تحمللي هو جيت أبغى أشغله عندي ماإشتغل جربت
بجهاز أخويا برضو مااشتغل طيب والحل ... خلاص شويه وباكسر اللابتوب
لو ماإني حنضرب واللا كان من زمااان كسرته <<شريرره ...

وصحيح اللي سمعته ياحلوين انو في درجه على الثقه بالنفس يمامي أنا خوافه ومن النوع اللي أرجف
لمن أكون زي كدا جربت قبل كم يوم وقفت نفس مكان ماتوقف التيتشر وشوفت الكلاس حسيت
بخوف قولت كيف أجل يوم البرزنتيشن اش باسوي ...

[زهرونيه]

هااااي m!ssا انا عضوه جديده بالمنتدى ومررررره حاسه فيك بس ما أعتقد انه ع الثقه بالنفس درجات بس في نفس الوقت ما تكونين مرتبكه مرررررره وما ينفهم منك شيء خخخخخ

بس ممكن سؤال لو سمحتي ؟ من وين ما خذه البرزنتيشن ؟؟؟ <<< من غير أمر

[bandoory]

مو شرط تجيبي فيديو وكدا ... <<يمكن عند البنات غير !

اهم شي تتكلمي وانتي وااااثقه (صوتك عال_راسك مرفوع_حركات الايادي) وانتبهي من اه امم مم اا
اضمنلك درجه طييبه


الله يوفقك

[M!sS chocolate]

هلا زهرونيه .. والله ياحبيبتي من تجميعي جمعت من كذا مكان وفي حاجات أنا من عقلي جبتها
إستعنت كثييير بمترجم جوجل بحيث اني أكتب الكلام بالعربي وهو يحولها لإنجلش بس في بعض
الكلمات كان نقله لها غلط واستعنت بويكيبدا مدري اذا كتابتها صح وفي حاجات أخويا قللي عنها

[M!sS chocolate]

بندوري خخخخخخخخخخخخخخ هيا هادي الداهيه كلمة امممم وهادي أنا دايما على لساني ..
الله يعين بس .. بحاول بوقف قدام المرايه وأدرب كذا مرره ..

[bandoory]

اختاري موضوع انتي تحبيه يعني ممكن تفتي من عندك لمن تقولي البرزنتشين وقت ماتتورطي عشان ما تقولي امم

وفي طريقه حلوه وزعي موضوعك على شكل نقاط رئيسيه
يعني مثلا انا بتكلم عن جده
* الحدود
وتحتها اكتب انو يحدها من الشمال كيت كيت ...
*العدد السكاني
وتحتها اكتب عدد السكان ... واغلبهم مسلمين ووو ...
*التجاره
جده من افضل المدن لانتاج ... وو ..بدات ..

مرا حلوه الطريقه تحفظي بسهوله وممكن اذا نسيتي نقطه تروحي لنقطه تانيه وترجعي ..

اتمنى انك فهمتي وترى الدكتور ما يتوقع بروفيسور قدامو بيقول برزينتيشن

[M!sS chocolate]

أنا موضوعي عن الراب وحلوه فكرتكي حبدأ فيها من دحين صح كلامك الطريقه هادي تساعد كثيييير ..
تمام انك قولتي لي عليها ...

أنا دحين الداهيه عندي الفيديو اللي من اليوتيوب لازم أحطه لانو يتكلم عن
موضوعي <<فيس زعلان ..

[Roo7i]

لاتخافون انا كان الاربعاء والحمد اللة ارتحت منة واللة كانت المس متعاونة معنا يعني عادي معك الورقة بس مو كل شوية تقري يعني بين فترة وفترة تسترقي النظر خخخخ اللة يوفقكم ويسهل عليكم

[M!sS chocolate]

دوووووووبني خلصت من البرزنتيشن الحمد لله حفظته وجلست أدور في الغرفه يعني يعني
إني في الكلاس وجلست أقوله بس باقي لي أحط النقاط الرئيسيه في ورقه صغيره ..

أما بخصوص الفيديو ليش ماحد راضي يساعدني فيه مرره ضروري محتااجته ..
<<فيس مررررره زعلااانه ..

[مهبول في عالم مسطول]

احبائي انا سويت الزفت اللي ماينسمى شاب شعري منه



سويت 10 جمل عن الصداقه تكفي

طيب لازم اسوي عرض والا عادي اذا ماسويت اضمن الدرجه كامله