۞ ضروري جداً أو راح أستقيل من عملي (( أرجو الأفادة من الجميع )) ۞

[عذب الكلام]

السلام عليكم ورحمه الله

أسعد الله مساكم أو صباحكم بكل خير

عندي أستفسار مهم جداً وضروري

أنا طالب منتسب وأحب أستفسر إذا فيه أحد سبق ومر في هالمشكلة

أنا موظف في قطاع خاص وللأسف في حال سلمتهم الأفادة بأني طالب ومحتاج للأجازة

أعتقد اللي من غير السنوية أفادوني بأنه مافيه أمكانية ولاحتى من رصيدي السنوي

يعني بمعنى أنهم رفضو الأجازة بكل الحالات علماً أني من أهل الرياض وأفادوني

بأننا لانرغب بطلاب لدينا

يعني بالعربي (( أستقيل أحسن لك )) ..

المهم الآن أبي أحذف هالترم ولاني عارف اذا فيه أمكانية أستعادة الرسوم المدفوعه للدراسة

أو يتم تأجيلها لترم أخر يااااااااليت وأرجوكم تردون علي بأسرع وقت ممكن ..

لأني بجد عانيت ويمكن أقرر أني أستقيل أو أشوف حل أخر ..

ماحبيت أني أجيبها بسياسية القوة والمشاكل لأنهم بالأول هم أصحاب الشأن وبيدهم

قطع رزقي ..

الآن قررت أني أقدم أعتذار عن هالترم ولكن سؤالي المهم هو هل أستطيع أستعادة

الرسوم وكيفية الطريقة بالكامل ..

شاكر ومقدر لكم جميعاً وأرجو الأفادة منكم ..

فمان الله وبأنتظار الردود

[abusalman30]

اخي العزيز اولا عندما سجلت لاباجامعه هل اخذت موافقة جهة العمل؟ طبعا اذا الجواب بنعم فليست لديك اية مشكله لان نظام العمل والعمال يلزمهم بالاجازه....واذا اجابتك بلا فهنا يجب ان تعود للعقد وشروطه بينك وبين الشركه يعني لو فيه بند يقول انك ما راح تأخذ اجازه دراسيه الا بموافقه مسبقه من الشركه فأظنها صعبه شوي ولكن ممكن تطلع لاعلى سلطه في الشركه وتتفاهم معاه لانه يحق لك تأخذ وتعطي الشغله ممكن تمشي بالتفاهم .
انا موظف قطاع خاص مثلك واخذت الموافقه من الشركه خطيه وطبعا بعدها كل ترم اعبي اجازه قبل الاختبارات ويوم ارجع ارسلها مرفقه مع افادة الحضور

[عذب الكلام]

شاكر ومقدر لك أخووووي الغالي على هالأفادة

للأسف كان خطاب الأذن من جهه عمل أخرى بحيث أني الآن أنتقلت لدائرة أخرى للعمل

غير مجال العمل الأول ..

وتفاجأت بأنهم غير متساعدين بها الخصوص

طيب الآن تأكدت من معلومة الأعتذار ..

أبي أسأل الآن هل فيه أمكانية أني أقدر أقدم على التيرم الصيفي من دون المرور على الترم الثاني

بالنسبة للسنة الدراسية الحالية .؟؟

أرجو الأفادة

[abusalman30]

في هاذي اتوقع الاخ يلدرم ممكن يفيدك اكثر واحد

[أبوفهد1]

إذا لم تعتذر في الوقت المحدد للأعتذار ولم تحضر الاختبار تعتبر درجاتك كلهها صفر وبالتالي المعدل يطيح طيحه الله يستر من تاليها .. ارجع إلى إدارة ولازم تحضر الاختبار ضروري قبل لا تروح عليك الرسوم فشوش أو غدا السبت اذهب إلى مكتب العمل والعمال واعرض عليهم اوراقك من الاداره السابقه واخبرهم بأنهم رفضو لك إجازة الاختبار وهم يتصرفون .. والحل الثاني كما قال لك الاخ اذهب إلى أعلى سلطه عندك في الشركه وبالتفاهم والكلام الطيب وهو طبعا يعرف انظمة العمل والعمال .. احرص على اخذ حقك بالقانون وليس بالمضاربه ..

طبعا الاعتذار إذا كان تقدر ادخل على صفحتك وإذا رأيت ايقونة الاعتذار اضغطها وبهذا يتم الاعتذار وتحتسب لك الرسوم في الترم القادم .. واما الصيفي فلا اعتقد بأنك يمديك لانك لم تنتهي من الخمسين ساعه المقرره والله اعلم
ابوفهد

[عذب الكلام]

والله ماني عارف شلون أشكركم من جد على كل هالأفادات ويني من زمان عن هالمنتدى

عموما أخوي أبو فهد ولاهان كل شخص أفادني بمعلومته أنا أتخذ الأجراء اللي أفدتني فييييييه

وقدمت الأعتذار وعلى ماأعتقد أنه تم ترحيل المبلغ الى الترم القادم إن شاء الله

وبها الشي أكون ضمنت أني ماأخسر درجاتي ولااخسر عملي ولا أخسر دراستي

ترم إن شاء الله أنه ماراح يضر

بس يعلم الله أني أنقهرت من هالطريقة اللي تعاملو معي فيها

ووظيفتي مو حساسة أبداً لو أخذت أجازة لكن الشكوى على الله ..

نفذنا اللي يبونه والله يوفق الجميع

أكرر شكري وتقديري للجميع على مساعدتهم وأفادتي

والله لآيحرمنا منكم جميعاً

[الطاير]

الي فيدي اقوله الله ييسر لكـ كل خير

[هملول]

بسم الله الرحمن الرحيم
ما أنصحك ابداً إنك تترك دراستك لأنها مستقبلك، وبما أن جهة عملك الخاص ما تساعدوا معك الحين فلا تتوقع إنهم ممكن يتساعدون معاك بعدين لما -الله لا يقدر- تقع في اي مشكله حتى لو إنها مو مقصوده، يعني وظيفتهم ما راح تعمر لا معاك ولا مع غيرك والافضل انك تحصل على الشهادة وبكرا تقدم على افضل شركة ان شاء الله وتتوفق، أما بالنسبة للإختبارات فأنا كنت مثلك زمان ولكن لله الحمد إختباراتي بالفترةالمسائية، وحاول انك تطلب من مديرك انه يتساعد معك إنسانيا وكلمه انك تخطط لمستقبلك -اقصد مديرك السعودي، وإذا كان على الأجنبي وده يقطع راسك قبل قطع رزقك ويجيب اي اجنبي آخر أسوأ منك وأقل كفاءة بس لأنه أجنبي-
أسأل الله لك ولي ولكل شبابنا التوفيق والسداد وانصحك مره أخرى انت في مقتبل عمرك كافح من اجل الشهادة لأن مثل الوظايف البسيطه ما فيها مستقبل وبأي ظرف من الظروف راح يستغنون عنك عاجلاً أم آجلاً والعزة للبنقال

[عذب الكلام]

صح الله لســانك وأنا خيييك والله لآيهينك على هالأفااادة

وعسانا مانخلى ولا ننعدم من الناس الطيبة شرواك