متى تنزل جداول الإمتحانات النهائية للمنتسبين 1430هـ ــ 1431هـ

[سلطان العاشقين]

السلام عليكم ورحمة الله وبركاته

أسعد الله صباحكم بكلً الخير والمودّة

وفّقنا الله وإيّاكم ان شاء الله يا إخواني وأخواتي

وان شاء الله ما يضيع تعب كل من اجتهد

يا جماعة تكفون اللي عنده خبر متى تنزل الجداول يبلّغنا

وإذا نزل ارسلوه لي ع طول لأني ما أتابع المواضيع بشكل

دائم وأخاف ينزل وأنا ما أدري ، عشان العمل طالب مني

الجدول عشان أطلع الإمتحانات ويبغونه بدري الله يسامحهم

واللي يرسله لي أنا بخدمته بأي شي .

أخوكمــ/ سلطان العاشقين

جامعة الملك عبدالعزيز بجده

المستوى ( الخامس )

إدارة الأعمال ــ إدارة الموارد البشرية


العمل : الخطوط الجوية العربية السعودية ــ مطار الملك خالد الدولي بالرّياض


مع خالص تقديري وشكري ودعواتي الصّادقة للجميع بالتوفيق والسّداد

[rosaline]

وفقك الله أخي لكل خير وكان الله في عوننا على الإختبارات الجايه
حسب علمي راح ينزل يوم الثلاثاء او الأربعاء
حسبنا الله عليهم ندفع من جيوبنا وما نلاقي جداولنا في الوقت المطلوب
حتى دورة الإنتساب دايما آخر الترم قريب الإختبارات يعني مافي وقت حتى
الواحد يرتب نفسه ويعرف كم ماده ياخد في الترم

الإنتساب مالهم حساب في الجامعه
ما نقول الا حسبنا الله ونعم الوكيل

[دايم العز]

هلا والله اخوي سلطان .. اجل نفس التخصص

تسوي لي اب قريت بالحجز واعطيك الجدول خخخخخخخخخخخخخخخ

عموما الجداول تنزل قبل الاختبارات باسبوعين تقريبا يعني اذا ماخانتني الذاكره باقي اسبوع وبالتوفيق للجميع

[saudi cooool]

الجدول ينزل في موقع عمادة القبول والتسجيل بعد اقفال الحذف والاضافة

[مازن السلامه]

طيب بعتقادي
تقدر تاخذ إفاده
ومذكور فيها موعد الاختبار
شفت القائمه اللي فيها الخطه والحذف والاظافه والجدول
انزل تحت تشوف فيه الافادات
ان شاء الله تفي بالغرض
تقديري

[سلطان العاشقين]

يا لبى قلوبكم كلكم والله

والله تعبنا من أن نكون آخر ناس تفكّر فيهم عمادة شئون الطلاب

ولكن راح الكثير وما بقي ألا القليل عسى ربي يعينني ويعين

اخواني وأخواتي المنتسبين والمنتظمين في تحقيق طموحاتهم

وإنهاء دراساتهم .

دايم العز : ابشر باللي تبي يا قلبي ، هذا الخاص مفتوح

وارسل لي إذا بغيت شي ومالك ألا اللي يرضيك يالغلا

للجميع خالص التحية والإحترام

أخــوكـمـ/ سلطان العاشقين........

[سلطان العاشقين]

هلا والله اخوي مازن ، أشكرك على تشريفك لموضوعي واستفساري اخوي

بالنسبة للإفادة ، هي مطلوبة برضو مع الجدول الدراسي يقلبي

لو الموضوع موقّف ع الإفادة كان حنا بخير ، لكن ربّي يعين

خالص تحياتي وودّي لك

أخــوكــ/ سلطان العاشقين.......

[RAUL 7]

المشاركة الأصلية كتبت بواسطة سلطان العاشقين هلا والله اخوي مازن ، أشكرك على تشريفك لموضوعي واستفساري اخوي بالنسبة للإفادة ، هي مطلوبة برضو مع الجدول الدراسي يقلبي لو الموضوع موقّف ع الإفادة كان حنا بخير ، لكن ربّي يعين خالص تحياتي وودّي لك أخــوكــ/ سلطان العاشقين.......

يالذيب اذا توهقنا بحجوزات الطيران لجده والا طلعت انتضار ترا نبيك تفزع لنا لانك الحين صديقنا العزيز ..

<< مايسمع بالاصدقاء بالخطوط والاتصالات والمرور والجوازات ..

<< مصلحجي الولد هاه خخخخخخخخخ

[سلطان العاشقين]

هلا قلبي raul 7 : أنا عن نفسي راح أطلع ع سيارتي لــ جده والله ، لأني أحتاج السيارة
هـنــاك في قضاء أموري .

أبشر يالغالي ، إذا ما حصلت حجز ارسل لي ع الخاص ولا لك ألا تطلع بإذن الله
في اليوم اللي انت تبغاه ، كم عندنا من raul 7؟

احترامي وودي يالغلا

أخــوكــ/ سلطان العاشقين........

[خالد بن عبدالعزيز]

الله يكون بالعون عساهم وينزلون الجدول بدري ويروحو العالم