بليز اللي درست صحة بيئه ومجتمع تدخل تفيدني

[رجـــــاوي]

مسا الخيرآت
انا اول ترم ليه بدراسات طفوله والحمدلله عاجبني
بس اتنكبت بماده اختياريه الي هيه
( صحة بيئة ومجتمع )
هيه حلوه الماده يعني معلومات مره تفيدنا بسسسسسسسس
تكاليفها تقص الظهر
ابحكي معاناتي لكم
عندي بحث لازم اسلمو الاربعاء اشتغلت فيه شوي بس مرره ملخبط وناقص
هوه مقارنه بين السعوديه وامريكا يعني احصائيات السكان والامراض والرعايه الصحيه
ما ابغى اطول عليكم
اللي اخدت هادي الماده وعندها هذي الاحصائيات تعطيني هيه لاني مرره صراحه عانيت وانا ابحث
ظهري وجعني من كثر الجلسه ع النت من غير فاديه مالقيت الا ابغاه
تقلي الدكتوره لو انك تبحثي بلانجليزي كان سهل عليك
بس الكارثه اني ما اعرف ولا اشي بالانجليزي
بلييييييييييييييييييييييييييييييييز ساعدوني

[ساكنه في بيتنا]

احلفي انك اول سمتسر و ماخده صحه بيئه ومجتمع

يا بت ايش الانتحار دا ..

انا اخدتها في السمستر السابع وحاسه اني بمووووووووووت منها ..

ولا تقولي كمان تاخديها مع نداء .. عشان تكون كملت الحفله

الله يعييييييييييييييينك من كلللللللللل قلبي و الله ادعيلك ..


الماده بجد حلوه و معلوماتها جيده بس من جد كرررررف ..

نحن وقتها كنا نعمل على بحيره المسك عشان كدا و الله مقدر اساعدك ..

ان شاء الله تلاقي اللي يساعدك ..


حاولي تترجمي المواقع اللي تدخلي عليها من مواقع الترجمه .. صح الكلام حيكون مقربع بس على الاقل اهون من لاشيء ..


الله ييسرك واجبك يارب ..

[رجـــــاوي]

يعني عانيتي زينا بالتكاليف آخ يآربي
اذا تقدري تجيبي بحث بحيرة المسك لانو كمان طلبت مننا بحث يعني بشوفه يمكن آخد منو اي شي يفيديني
وتسلمي قلبو ع الرد ربي يوفقك ويسعدك

[ساكنه في بيتنا]

و الله يا بنتي صحبتي هيا اللي كانت مسؤوله عن تجميع البحث آخر شي يعني عندها البحث كامل مو عندي ..

ان شاء الله اكلمها اذا لسى موجود عندها ولا طيرتوا ..

[رجـــــاوي]

اوك قلبو تسلميه الاسبوع الجي وان شاء الله تلاقيه
هالحين حايسين بتسليم بحث الامراض كل هاالماده تكاليف ~_~

[alyatemah]

يارب يوفقك يلغالية

[ليوناردو]

المشاركة الأصلية كتبت بواسطة رجـــــاوي اوك قلبو تسلميه الاسبوع الجي وان شاء الله تلاقيه هالحين حايسين بتسليم بحث الامراض كل هاالماده تكاليف ~_~

بالنسبة لهذاي الجزئية حليتها لك .. لكن شدي حيلك وكمليه .. وصراحة ما معاك وقت ... لان بكره
التسليم .. عموماً راح أدخل في المغرب أو بعد العشاء .. وأحاول أساعدك حتى تخلصين التكليف وأي أستفسار أنا جاهز ...أما عن الموضوع بتفصيل تحصليه في قسم الاعلام في موضوعك ...

[رجـــــاوي]

تسلم اخوي ماقصرت شفت الموضوع وعساه يكون في ميزان حسناتك يارب
والله ما ادري وش اقول بس مره مره شكرا وربي يوفقك وييسرلك كل امورك