كل طلاب السنة التحضيرية (أ & ب)

[د.جولي]

بسم الله الرحمن الرحيم
السلام عليكم ورحمة الله وبركاتة ...
اتمنى من كل شخص ان يقراء الموضوع كامل ويبدي الرأي السديد في القضية ..
انا خطة ب بس الكلام للجميع
اخواني الطلاب والطالبات مارايكم في الدرجات ؟؟؟؟؟؟وبذات درجات الكيمياء والاحصاء ؟؟؟ وكيف درجات الاحصاء ؟؟؟؟؟ تخيلو الكارثة >> لمن سمعتها حسيت بشيئ واحساس لا يذكر تخيلو تقول الدكتورة انو نسبة النجاح في الا حصاء تقريبا صفر في المية في الدوري التاني والله ويشهد الله انا ذاكرت مزبوط وقلت اكيد الفل المارك ومو بس انا كثير من صحباتي
يعني في الدوري الاول قلت اكيد انو العيب فينا بس طلع عكس ذلك تماما العيب في الاسئلة ويلي بيحطوا الاسئلة في الاحصاء بالذات يحسبونا مدري ايش والله
والله الدكتورة حقتنا حطت كم سوؤال ولا واحد منها دخل الامتحان بنفس الصيغة قالت الدكتورة والله ماعرفت اني انا يلي حطيتها بس الارقام نفسا بس طريقة طرح السؤال ابدعو فيها حتى الواحد مو فاهم ايش المطلوب في السؤال يعني جايبين وحدة من بريطانيا تحط الاسئلة>> بالله عليكم ازا الواحد درس 12 سنة بالعربي كيف حيعرف المطلوب في السؤال اقل شي يجيبو نفس صيغة الكتاب وقال جايبين مسألتين من جد مال امها داعي ماتعرف ايش المطلوب حقت الغسالات والاطباق
وفي دكاترة ما قصروا اشتكو قامو قالولهم ليش تشتكو دام انو الطلبة ساكتين يعني لمتى حتسكتو واختبار الفاينل على الابواب من سكت عن حقة شيطان اخرس
يعني مع دي الرجات لا تحلم بطب ولاهندسة >كلو في المشمش والاحلام >> تقولو اني متشائمة دي الحقيقة المرة
والله حلمي ادخل طب بس مع دا الحال امكن ولا كلية تقبلتي درجات منحطة في ناس يحسبو 20 كويس والله مو كويسة بس بالنسبة للعموم ماشي حالها واما تحت العشرين مادري ايش اقول >> ايش العمل وفي ناس يتكلمو عن تحميل المواد كانو شي عادي والله مدري ايش اقول حاسه اني حنفجر شويتين معليش طولت عليكم احبائي بس من القهر خلونا يد بيد عشان نعمل حاجة
( اتمنى اي واحد يعرف مين هم السؤولين عن السنة التحضيرية وكيف نوصلهم يقولولنا ) والله الموفق

[أمــير الـــروح]

هم كده ما يبغو الا عدد قليل يعدي السنة التحضيرية

[DndoOoOoOoona]

السلام عليكم ورحمه الله وبركاته

كلام جولي صح احنا سكتنا الدوري الاول والتاني علبالهم عاجبنا الوضع لانو محد اتكلم والفاينل مابقي عليه شىء
خلص مستقبلنا ضايع في الجامعه هاذي مايبغو الااعداد قليه وليه طيب يقبلونا من البدايه الله يأخذهم ان شاء الله ..

[DndoOoOoOoona]

جايبين وحدة من بريطانيا تحط الاسئلة>> ياااااااااااااااااارب تنشل يدينها قبل ماتمدها ع اسئله الفاينل
حسبي الله عليها,,,,,,,

[مالي بالدنيا سواك]

آآآآآآآآآآآآآآآآآمين الله يأخذهم

حسبي الله ونعم الوكيـــــــــــــــــــــــــــل

[amgd999]

الله يعينكم

ويوفقكم في دراستكم

ولايوفق كل من يعقد طلاب وطالبات العلم

انا ابي اعرف شي واحد سبب التعقيد وبالذات في التخصصات العلمية لمصلحة من ؟

اليس الاختبار هو لقياس مدى فهم واستيعاب الطالب او الطالبة للمادة ؟

اليس من المفترض محاسبة من يتعمد تعقيد الاختبارات ووضع اختبارات تعجيزية الغرض منها تطفيش الطلبة وابعادهم

عن الجامعة وبالتالي ازدياد نسبة البطالة وعندما تزداد نسبة البطالة يضطر الطالب الى العودة للدراسة مرة اخرى ولكن

في تخصص مختلف لأنه ذاق الامرين في تخصصه العلمي الأول

ولكن هذه المرة عودته لتخصص اخر و عن طريق الانتساب وعن طريق دفع رسوم ارى انها مبالغ فيها وليس لها داعي

وفي النهاية اتمنى لصاحب الموضوع التوفيق وان ينصره الله على من ظلمه

والسلام عليكم ورحمة الله وبركاته

[طالب كسلان]

يوهه طفشنا واحنا نناديهذا الكلام لكن لاحيات لمن تنادي
انا ااخذت اول سنه انتساب وقالو الاسئله سهله احنا مراعين انو انكم تشتغلو وقالو وقالو......... ولكن على قول المصاريه ( بؤ )
وعدة والحمد لله وانا الان منتظم وخليها على الله مهي ماشيه الى بالبركه

[Dr-A]

أقول .. إرضو باللي يصير العاام سوينا حمله على اليوتيوب ومانفع شي ..

[dark fantasy]

حسبي الله ونعم الوكيل

حسبي الله ونعم الوكيل

[DndoOoOoOoona]

المشاركة الأصلية كتبت بواسطة dr-a أقول .. إرضو باللي يصير العاام سوينا حمله على اليوتيوب ومانفع شي ..

نرضى ع الظلم الي قاعد يصير فينا !!؟؟؟؟
حسبي الله ونعم الوكيل