خريجوا الثانوية يطلبون الفزعة منكم تكفووووون يالربع وين نروح؟؟؟

[سفير الشرقية]

أولاً: السلام عليكم ورحمته وبركاته جميعاً..
ثانيا: ياجماعة الخير أنا متخرّج من ثالث ثانوي ولا أدري وين أغدي بتسئلون وتقولون تبي تدرس جامعة وبقولكم نعم توني متخرج هالسنة من القسم الأدبي بتقدير : ممتاز وألحين مدري وين أروح خبروني شيروا علي أفتوني يالربع والله إني حاير داير ما أدري وش أسوي وأنا أحب التخصصات التالية:
العلوم السياسية.
إدارة أعمال عامة.
اللغات والترجمة"فرنسي ـ إسباني ـ أردو"
وش تنصحوني فيه وكيف وش أسوي .
يالربع والله إني محتار وكل ما سألت واحد قال أقرأ دليل القبول ودليل القبول هبّل براسي تقول مجلد الفقه عندنا و بمصطلحات ما أعرفها ...
تكفوووون يامسئولين و ياطلاب علموني خبروني....