الصيدلة تحت المجهر ..>>وجهة نظري

[pharm.d .s]

بسم الله
دا موضوع للناس الي عندها اهتمام بالصيلة وحابة تدخل صيدلة
انا الصراحة راح اقولكم تجربتي من واقع طالبة مستواها جيد جدااا ومعدلى فوق الاربعه
بسم الله نبدا باول خطوة طبعا انا تخرجت من الثانوية بامتياز ونسبة ممتازة وكنت حابة ادخل اسنان والرغبة التانية ادراة واقتصاد
بعد ماسجلت في جامعه ام القرى عبد العزيز طبعا قبل 5 سنين كان احتبار القدرات والتحصيلي ما علية ضجة ولا كنت اعرف اصلا اش ممكن اتسال فية سددت الرسوم وقريت كم كتاب والحمدالله جبت درجة كويسة
دخلت الاختبار في عبدالعزيز وانقبلت في جامعتين في ام القرى بشري وعبدالعزيز صيدلة والصراحة انا اعرف ما اقدر اتحمل ادخل بشري فدخلت صيدلو وانا كلي ايمان اني راح احول اسنان ولا فكرت اجلس في الكلية

نبدا مشوار الدراسة
سنة اولى
اكتئاااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااب
ممكن تقولى اخس من التحضيري اس 10
كنت تبع النظام القديم وكان اول 6 اسابيع انجليزي بس ومعامل
كانا ناخد كمياء وفيزياء واحياء وانجليزي وحاسب
وبعا كليتنا تختلف عن بية الكليات انو احنا ناخد الكمياء على مكثف في مادتيت الكمياء العضوية
والتحليلية
ناخد نبذة عن كل مادة <<<النظام القديم كنا ناخد المواد على نظام سنة
الفيزياء ثاني اصعب مادة والراحة من جد كنت اخاف ارسب فيها والصعب لما شخص يكون متفوق ويفكر ياخد فل مارك فجاءة يخاف يرسب شعور مرا بطال وخاصة لما نشوف 7 او 8 بنات بيعيدوا سنة في دي المادة
الاحياء وانا كنت بسميها بتاع كلوا
يعني بندرس كل المواد فيهااا ولما وصلت خامس برجع ادرس اشياء اختها في سنة اولى في دي مادة
يعني بندرس جينتك على هستولوجي على باثولوجي على شوية امبيريولوجي كمان بايوكمستري وفسيولوجي باكتريولوجي بارسيتولوجي انتومي والادهى والامر نحفظ اشياء في دي المواد ماكنا مطالبين فيهااا لما نجي ندرس المادة في كورس خاص
طبعااا كلاستنا كانت مع اسنان وكان المدرج كبير يعني لو ماجلسنا في الصف الاول مستحيل نفهم
ههههههههههههههههههههههه
ماشاء الله بنات الاسنان مرا شطار وكانو الصفوف الاولى دايما ياخدهااا وفي بنات يجلسوا على الارض او حتى يجبوا معاهم كراسي
الكمياء
ودي المادة الصراحة اخف واحلى مادة كانت بالنسبة ليا في الصيدلة
كان منهجها سهل وحلو واول مرا افهم كمياء في حياتي حبيت المياء وانا من جد كنت اكرهااا والصراحة الدكتورة اميمة والدكتورة فوزية والدكتور عبدالقادر الله يرحموا كمان الدكتور ليلي من جد فهمنوا اش يعني كمياء وتأسسنا صح
حاسب درسنا على ترم وكان حلو وكنا نحفظ الصح والخطا والاختيارات وكانت تجينا وما كنا نعرف اش في في المادة اصلا
انجليزي
هههههههههههههههههههه
هههههههههههههههههههههههههه
وماادراك ما الانجليزي
كان 7 كتب يوم الاختبار مانحلق نزاكرهم كلهم بس بجد تعذيب وهلاك الصراحة احمد ربي اني نجحت بس بجد استفدنا من المصطلحات الطبية ولما دحين بتفيدنا في دراستنا وانا انصح الي ما اخد مصلحات طبية ياخد كورس فيها لانو راح يبطل يحفظ اشياء كتير ومرا تفرق مع الشخص
لانو انا وانا سنة خامس تمر عليا امراض ما عمري سمعت عنها بس افهم معناها لانو احلل السفكس والرفكس والكلام داااا
كان عندنا مقدمة في علم الصيدلة ودا اتوقع تاخدوها في تانية مادة حلوة ولزيزة في جزء منها بالعربي

انا ما حطيت تفاصيل عن المواد واش بندرس فيها عشان انتوا تقريبا عديتوا دي المرحلة

سنة تانية احلى سنة واسهل سنة في الكلية
فسيولوجي بالعربي علم وضائف اعضاء
دي المادة حلوة واساسية ولازم تفهموها كويس ناخد فهيا جهاز جهاز وتشرح تركيب الجهاز والوضائف وطريقة العمل ودي الاشياء طبعا تكون مرتبطة شوية بالانتومي
الانتومي ..>>>علم تشريح
بالمختصر المفيد كل جهاز اش اسمو بالانجليزي ووضيفتوا فيها هستولوجي علم انسجة وطبعا تدرسوا مثلا العظام اش تركبي الانسجة فيها وهيك طبعا لازم تربطوا بين الانتومي والفسيولجي عشان ترتاحوا من الحفظ الكتير
البايوكمستري
وما ادراك ماهذة المادة
تعتبر اصعب مادة تقريبا في دي السنة لانو دا القسم يحب حشو المخ بالكلام الفاضي
في الاول درسنا الجلوكوز والفات والبروتين وكيف يتكون في الجسم وكيف يتكسر بس الترم التاني سار اسهل لانو اخدنا فيه جنتك
الكيمياء
العضوية:دي نترس فيها المركبات العضوية والكلاسات حقتهااا بالتفصيل وتعتبر مادة اساسية مهمة تساعدنا في مواد سنة تالت ورابع
التحلية : من اسمها يعني كيف نحلل المواد يعني لو كان عندنا مواد قاعدية كيف نقدر نحللها نحط عليها حمض ونكون ملح ويخرج موية طيب لو كان ماكنا لاحمض ولا قاعدة عندنا lاش المعامل تبعتها مهمة للناس الي تبغى تشتغل في مصانع
الصيدلانيات :
انا كنت اعتبرها اصعب مادة بس من جد الترم الاول الحسابات مرا مهمة يعني مستحيل تكوني واقفة في صيدلية وما تجيليك حاجة تحسبيهاااا ودا الشيء مرا مفيد
الترم التاني نبدا تدخل في الاشكال الدوائية وراح يكمل معانا لماااااا سنة 4 يعني الحبوب الشراب الكريم الكبسولات ندرسها بالتفصيل من 2-4 واش المميزات العيوب المشاكل وهلم جرة
الرياضيات كان اشياء بسيطة وسهلة وتقريبا درسنها في المدرسة ترم اول
الاحصاء مرا مهم ومفيد ويفيدكم مرا في 4-5 ترم تاني

[pharm.d .s]

طبعا خلصنا اول سنتين وكانت مواد عامة بس ترى مهمة وراح نفيدنا خلال دراستنا
نجي للسنوات الاساسية
تالت
طبعا ولازم اقولكم انو هيا عنق الزجاجة
الفارماكولوجي
الي موحلو فيها انو ندرسها بس في سنة وحدة ودا شيء بطال
طريقه التدريس فيها على شكلين على حسب المرض او على حسب الجهاز
مثلا الجهاز العصبي اش في امراض
بس في امراض ماتعتمد على جهاز معين زي الاورام والمضادات الحيوية
دا المادة تعتبر الحجر الاساس ومرا مهمة كل شيء في دراستك يعتمد على معرفة الادوية
لازم تركزوا على الاشياء المهمة وعلى الحفظ اول باول
المعمل
يكون عبارة عن الفار نحقنوا بادوية ونشوف التأثير عليها
الترم التاني يجبو لنا وصة من امعاء الارنب ونحنا نحط عليها ادوية ونشوف كيف تأثر على حركتهااا من خلال الشارت الي على الكمبيوتر
المايكروبايولوجي
دي مادة فيها 5 اقسام
اول قسم الفارماسيوتكل مايكربيولوجي ودا شيء يعتبر سهل مرا يتكلم مثلا عن طريقة التعقيم واشياء مهمة في في الصيدلة
تاني قسم اميونولوجي <<<< المناعه ودا يهمنا كصيادلة مرا بس طبعا للي يفهم دا العلم
لانو في ادوية تزود المناعه في اشياء تنقصها وكدا
بارسيتولوجي عن الديدان الي تسبب امراض <<< الكورس مظلوم مرااا انا عن نفسي مازاكرتوا
بكتيريولوجي دا عن البكتيريا وعن الامراض الي تسويا مهم مرا الواحد يعرف انواع البكتيريا لانو على اساس النوع نختار المضاد الحيوي ومرااااااااااااااا مهمة
انا الصراحة ما كنت اهتم فيها بس لما كنت بتسال عن انوعها في المستشفى سرت اركز فيها
فيرولوجي دي عن الفيروسات وطريقت علاجهااا
المعمل يكون في الترم الاول عن كيف الواحد ممكن يزرع بكتريا على البليت وكيف يضبغهاا ومرا حلووو وكمان كيف نتعرف عن الديدان
الترم التاني كيف نتعرف على البكتريااا من شكلها ولونها وكدا
الناتشورال برودكت <<<نواتج طبيعية
يتكلم عن النبتات والادوية الي تستخرج منهااا واش الفوائد تبعتهااا
المعمل
يكون النبات نتعرف على شكلوا تحت المجهر عشان نعرف لو كان هوا النبات الصح ولا مغشوش ولا ممكن يكون يشبهوا بس في الشكل ويكون سام في بعض الاحيان
الباثولوجي
انا من قناعتي الشخصية مستحيل الواحد يفهمها لو مكان يعرف فسيولوجي وفاهموا كمان
وهنا بنعرف كيف بسير المرض مادة ممتعة ودكتورها ممتاز
المدسينال كمستري <<<كمياء الدواء
في الاول في مقدمة مرا مهمة واساسية لازم تكون في ذهن الواحد طول العمر
بعدين ندرس الادوية واحد واحد كيف شكلهااا الكميائي خواصهااا وكيف ممكن نغير في الشكل عشان نقلل من الاعراض الجانبية دي المادة تساعدنا كتير في حفظ اسماء الادوية والاعراض الجانبية
المعمل
يشبة معمل الكمياء التحليلية الفرق في انو احنا نشتغل على ادوية بس في التحليلي ماكنا نشتغل على ادوية
رابع
سنة المواد الكتيرة
اول مادة
المدسينال وكتير نخاف منها لانو مافيها معامل ولانو ساعتها اكتر من تالت
نكمل فيها الادوية الي ما اخدنها في تالت على نفس الطريقه
ثيرابيوتكس
طبعااا دا المادة بدرسونا هيا كلنيكل فارمسي
بناخد في الامراض بالتفصيل الممل
يعني المرض والباثوفسيولوجي الاعراض وكيف نقدر نكتشف المرض التحليل الي لازم تعملهااا
وخطة العلاج وتكمل معانا في سنة خامس على نفس الطريقة
الفايتوكمستري
دي زي النواتج الطبعية بس ماتركز على النبات تركز على المادة الي مستخرجة من النبات
والخواص الكميائية للمادة طبعاااا تدرسي مثلا الالكلويد اش الخصائص حقتهااا اش انواعهااا اش الامراض الي تعلاجهاا وكدا وكمان ندرس الطرق والاجهزة الي نقدر نحلل فيها النبتات
الفارمسيوتكس زي ما قلنااا
الكاينتك<<< حركية الدوا
ودي تتكلم عن الادوية من يوم ماتدخل الجسم لما تخرج اش يسير فيها واش الاشياء الي تأثر على الادوية
كولتي كنترول
دا مادة تساعد لما الواحد حاب يشتغل في مصنع يعني الادوية تعتمد على التحليلية والاحصاء في رائي
كيف ناخد عينة عشان نحللها اش الاشياء الي لازم تكون متوفرة في المصنع واشياء كدا
بايوكمستري ونترشن ترم اول
النتريشن
دا مع البايوكمستري وندرس اشياء كتير معادن فتامينات اشياء تانية ما افتكر اش دخلها بالمنهج اهم شيء ندرس ويقولوا انو اخدنهااا <<< التيومر ماركر والبرقننسي ماركر ترم اول
فرست ايد وفزيكال اسيسمنت
دي مرا صغنونة نتعلم فيها الاسعافات الاولية وكمان كيف لما يجي مريض نعملوا تفيم لحالتوا بمعنى كيف ناخد التاريخ الطبي والخ
فارمسي سمينار
ودي نتعلم كيف نعمل برزنتيشن ترم تاني
بايو تكنولوجي
تقنية حيوية
مادة تكلم عن كيف نعمل المضادات الحيوية القاحات كيف نزرع الانسجة النباتية والحيوية وكيف ممكن نستخدمهاااا للتجارب ولتصنيع الادوية عن البكتريااا كيف نستخدمها في صناعه الادوية
بالنسبة ليا ممتعة

[pharm.d .s]

الثربيوتكس
زي ماقنا في رابع بس الساعات تزيد والمنهج يكبر والدرجات تكتر
TPN
تغذية الوردية ودي تتكلم كيف نحسب كمية الجلوكوز والموية والبروتين والدهون لمريض مايقدر ياكل فنعطية الاكل عن طريق الوريد
والحالات الي مانعطية TPNونعطية انترنل نترشن ونوع الفورملا وكمان الكمية والحسابات ممتعمة جدا ترم اول
صيدلية المستشفى
ندرس في اشياء عن ماركتينق, HR,كنترول عن اليونت دوز الكلنيكل فارمسي وكيف الواحد ياخدهااا معلومات كتير تساعدنا في شغلنااا ترم اول
فارماسيوتكس ويتكلم عن اندستريل
عن المصانع والاجهزة الي فيهااا بالتفصيل ترم اول
فارمسي سمينار
نعمل برزنتيشن ونتقيم عليه ترم اول
تكسوكولوجي
عن سمية الادوية وتاثيرها على الانسان والادوية واحد واحد كيف نعالجها لو حصل فيها تسمم
كاينتك
ويتكلم بعض الادوية الخطيرة الي تحتاج ننتبهة لو اعطينهااا لمريض لو حركيتها شاذة مو زي بقية الادوية وتكون خطيرة مرا ترم اول
صيدلية معاصرة
ودا مادة كوكتيل فيها كورسات عن الانثربولوجي مرا حلوة في اكونتينق وكمان ماده تساعدنا في الشغل ترم تاني
اخر مادة هيا درق انفورميشن
ودي مادة تعلمنا كيف نقيم المصادر الدوائية وكيف نجيبهااا ترم تاني
قانون واخلاقيات المهنة
دا بندرس فية الائحة التنفيذية لنظام المنشات والمستحضرات الصيدلانية
وكدا خلصنا سنوات الدراسة في الكلية
سنة سادس ما اقدر اقولكم عليهااا لانو انا مو بسمع من كل بنت كلام غير
بس هيا 8 رواند
كل رواند شهر
تعتبر سنة امتياز والمكافئاة 3500
الروندات الاجبارية 7
العيادات خارجية وصيدلية المستشفى وصيدلية المجتمع ومعلومات الدواءوامراض باطنية ووحدة رواند تختارها المستشفى لكي الي تتدربي فيهااا
يبقى وحدة وهيااا الشخص يختارهااا على كيفيواااااااااااااا
دا الاكيد وباقي الاشياء مو متاكدة منهااا
في مشروع التخرج
الدوام 4 ايام في المستشفى ويوم في الجامعه عشان المشروع
دي الاشياء الي افتكرتهااا ولو في شيء تاني راح ارجع اكتبوااا
بقلم pharm.d.s

[pharm.d .s]

طبعا الي يتخرج بشهدتناااا يعتبر دكتور صيدلي مو كلنيكل فارمسي
اش الفرق بين الاتنين
عشان الواحد يسير كلنيكل لازم ياخد رزدنس
الرزدنس = الزماله
الزماله = سنتين شغل سريري يعني الزماله تعتبر تطبيق عملي
طيب لو اتخرجنا ومعانا فارم دي اش راح نشتفل <<<<<<صيادلة ودا حسب اللائحة التنفيدية لنظام المنشات والمستحضرات الصيدلانية في المادة الاولى
انو الصيدلي هو كل من حصل على شهادة البكالوريوس في العلوم الصيدلية او شهادة دكتورصيدلة من احدى كليات الصيدلة في المملكة او ما يعادلهاااا
طيب الكلنيكل اش يشتغلوا <<<< راح يكونوا استشارين

[NaSeM]

تسسسلمي يعطيكي الف عافية

قرأت على عجل

لكن سوف أعود لأعيد القراءة وأستفسر:)

[super mo6awa3]

جزاك الله خير ويعطيك ألف عافية , بصراحة أفدتيني كثيييييييير وحببتيني أكثر وأكثر للصيدلة , أنا صراحة كنت محتار بين الطب وطب الأسنان والصيدلة , بس بصراحة بعد ماقريت موضوعك صارت رغبتي الأولى كلية الصيدلة
الله يوفقك , وتكفييييين أدعيلي دعوة في ظهر الغيب بين الأذان والاقامة أو في الليل , لأني صراحة خاااااااااااااااااااااااااااايف ودرجاتي ما تضمن لي اني أدخل صيدلة بس لسه في أمل بإذن الله ,
أتمنى من كل قلبي انك تدعيلي لأني والله والله والله نفسي نفسي نفسي نفسيييييييييييييييييييييييييييييي أدخل صيدلة
الله يأجرك على موضوعك ويرزقك ويوفقك لكل ما تتمنيه

[FoshYa]

مرا شكرا ياعسوله والله
مرا افدتيني لاني انا مرآ احوب الصيدله وامنيتي اني اتوفق واتخصص صيدله

الله يوفق جميع المسلمين ويسهل امورنا

[pharm.d .s]

المشاركة الأصلية كتبت بواسطة nasem تسسسلمي يعطيكي الف عافية قرأت على عجل لكن سوف أعود لأعيد القراءة وأستفسر:)

انا ان شاء الله اكون في الخدمة
ولا تخلي شي في نفسك

[pharm.d .s]

المشاركة الأصلية كتبت بواسطة super mo6awa3 جزاك الله خير ويعطيك ألف عافية , بصراحة أفدتيني كثيييييييير وحببتيني أكثر وأكثر للصيدلة , أنا صراحة كنت محتار بين الطب وطب الأسنان والصيدلة , بس بصراحة بعد ماقريت موضوعك صارت رغبتي الأولى كلية الصيدلة الله يوفقك , وتكفييييين أدعيلي دعوة في ظهر الغيب بين الأذان والاقامة أو في الليل , لأني صراحة خاااااااااااااااااااااااااااايف ودرجاتي ما تضمن لي اني أدخل صيدلة بس لسه في أمل بإذن الله , أتمنى من كل قلبي انك تدعيلي لأني والله والله والله نفسي نفسي نفسي نفسيييييييييييييييييييييييييييييي أدخل صيدلة الله يأجرك على موضوعك ويرزقك ويوفقك لكل ما تتمنيه

يارب ربي يوفقك وتدخل صيدلة وتحقق كل امنياتك
وكمان خلي ثقتك في الله كبيرة
لانو ربنا يقول في الحديث القدسي انا عند ظن عبدي بي
فخلي ظنك بالله كويس والدرجات ابدا لا تفكر فيهااا اهم شيء شد حيلك وبس

[pharm.d .s]

المشاركة الأصلية كتبت بواسطة foshya مرا شكرا ياعسوله والله مرا افدتيني لاني انا مرآ احوب الصيدله وامنيتي اني اتوفق واتخصص صيدله الله يوفق جميع المسلمين ويسهل امورنا

بالتوفيق يارب ويارب نشوفك في كليتنا السنة الجاية