بنات كيمياء حيوية للصيفي

[مياسة العود]

سلام ..كيفكم بنات

سمعت انه الصيفي ممكن يفتح بس لازم نطلب

من القسم او نسجل عندهم انه نبغى صيفي

اللي عندها الخبر الأكيد تقولنا...

شي تاني

ايش المواد اللي تبغوها بالصيف

عني ابغى طاقه ومناعة وحرة...

[الشيخه كرزه]

وعليكم السلام .. تمامز الحمدولله

والله ياليت يفتحوا ترم صيفي .. أبغى أتخرج خلاص

أنا آخر مره سألت قالولي تعالي نهاية الترم يكون عندنا الخبر الأكيد

شكلي بروح أسأل يوم السبت ..ان شالله

والمواد ..راح أخذ ثقافة وعربي وتطبيقات حاسوبيه وماده حره <تكمل 9 ساعات صح؟

[مياسة العود]

اللي أعرفه انه مسموح لك بس بـ 9ساعات

والله ودي أخذ مواد من التخصص في الصيف

[DNA..~]

انا سألت سكرتيرة رئيسة القسم..

عن الترم الصيفي لأن قلت لها سمعت ان هالسنه في صيفي..

قالت : " لسه ما جانا خبر و على نهاية الترم يبان "

يعني مو دحين رددوا يا ليل ما أطولك :(

[مارية]

ياليت يفتحون ترم صيفي ..
ابغى أخذ أيض 2 .. و غير عضوية ..

[NoNa al7ellwa]

أنا كمان ابغى ايض 2 في الصيفي .. اكيد لازم نقدم طلب عشان يشوفو عدد الطالبات و يفتحوو
لازم كلنا نروح لرئيسة القسم و نكلمها ..

[M!Ss AmoOoLa]

اليوم كلمت سكرتيرة (رئيسة القسم )عن دا الموضوع
قالتلي تعالي نهاية السمستر:s
على فكرة غيرو وكيلة الكلية صارت الدكتورة رويدا الحارثي
نفسي انزل 9 ساعات بالصيف بس شكلو مايمديني عشان التدريب الميداني

[معالي]

الله يعين

[مياسة العود]

بنات سئلت سكرتيرة القسم وكانوا وقتها متجمعين كل مشرفات الدفعات

قالت لي اول شي بنشوف الاستاذات اللي بتعطي صيفي بعدين نشوف البنات

غير كدا وحده صحبتي قالت

انه في بنات بينزلوا صيفي غير عضويه وكتابوا اساميهم وجمعوها

اللي تبغى دي الماده او اي ماده تانيه تجمع البنات اللي يبغوها ويسجلوا

اساميهم وتوقيعهم انه يبغو الصيفي والمواد اللي يبغوها

[شــهــد]

ان شاء الله يكون في صيفي :)

كل مرة يقولو نفس الكلام ولمن يبدأ الصيف يكون مافي شي :(