قصة عشقك لناديك

[لمعة الألماسة]

السلام عليكم
صباحكم خير وسعاده

اكثرنا يعشق نادي لسبب او لأخر ولكل شخص بداية في التشجيع

والعشق يصعب التخلص منه
قد يكون السبب تقليد لشخص في العائلة او بطولات النادي او المدرسة او بسبب نجم تألق في ذلك النادي



1// بداية تشجيعك كيف كانت؟؟؟ ماهي القصة
2// في البداية هل عشقت نادي غير ناديك ولماذا ذلك التحول
3//هل وصلت لدرجة كبيرة من العشق والتعصب لناديك
بحيث (كمثال) يجعلك تذرف الدمع الغزير لأجل خسارة بطولة ما ؟!!

4// هل تعرضت لمواقف صعبة او طرائف بسبب تشجيعك لناديك ؟؟؟؟
5// ذكريات لاتنسى واجمل لحظات التشجيع ؟؟
6// لاي نادي تميل بعد فريقك ؟؟ والسبب

تحياتي
ولي عودة لكتابة عشقي للزعيم

[الكريم ابن الكرام]

المشاركة الأصلية كتبت بواسطة لمعة الألماسة السلام عليكم صباحكم خير وسعاده

وعليكم السلام ورحمة الله وبركاته

مسائك خير وسعادة

المشاركة الأصلية كتبت بواسطة لمعة الألماسة 1// بداية تشجيعك كيف كانت؟؟؟ ماهي القصة

حب الإتحاد تعلمته من أيام ما كنت طفل كانوا يعلموني عنه أقاربي اللي أكبر مني وبعض الأحيان يشيلوني معهم الملعب

المشاركة الأصلية كتبت بواسطة لمعة الألماسة 2// في البداية هل عشقت نادي غير ناديك ولماذا ذلك التحول

لا وألف لا، غير الإتحاد لا يمكن

المشاركة الأصلية كتبت بواسطة لمعة الألماسة 3//هل وصلت لدرجة كبيرة من العشق والتعصب لناديك بحيث (كمثال) يجعلك تذرف الدمع الغزير لأجل خسارة بطولة ما ؟!!

متعصب لحد الجنون لكن مستحيل أذرف دمعة وحدة من شأن بطولة أو خسارة مباراة.. وبعد المباراة وقتها تبدأ الألفاظ الحسنة وبقووة

المشاركة الأصلية كتبت بواسطة لمعة الألماسة 4// هل تعرضت لمواقف صعبة او طرائف بسبب تشجيعك لناديك ؟؟؟؟

كثيييير ومن ضمنها جلست في مدرج الفريق اللي يلعب ضد الإتحاد لإمتلاء مدرج الجمهور الإتحادي وما قدرت أتحمل الوضع، لكل هدف لي أحاول أفرح لكن اللي حولي راح يكتشفوني وفي نفس الوقت هم إذا جابوا هدف كلهم يفرحوا وأنا ساكت،، ما قدرت أكمل المباراة وخرجت على طول

المشاركة الأصلية كتبت بواسطة لمعة الألماسة 5// ذكريات لاتنسى واجمل لحظات التشجيع ؟؟

بطولة كأس آسيا أمام العين الإماراتي والبطولة اللي أمام الصفاقسي التونسي كلها كنت وقتها حاضر في الملعب

المشاركة الأصلية كتبت بواسطة لمعة الألماسة 6// لاي نادي تميل بعد فريقك ؟؟ والسبب

النصر.. السبب لو ذكرته ممكن أخلق جو من الشحناء في موضوعك ولا أحب أخرب عليك، عشان كذا أكتفي بذكر النادي

المشاركة الأصلية كتبت بواسطة لمعة الألماسة ولي عودة لكتابة عشقي للزعيم

بانتظارك

المشاركة الأصلية كتبت بواسطة لمعة الألماسة تحياتي

دمتي كريمة

[pharm.d .s]

1// بداية تشجيعك كيف كانت؟؟؟ ماهي القصة

بصراحة بابا كان مرا يحب الاتحاد وطبعا كنت لما يسالوني اش تشجعي اقولهم اكيد زي بابا الاتي والسنة الي بديت اشجع فيها من جد واتابع كل المباريات سنة اخد كل البطولات حتى السوبر السعودي المصري
وكان اول نادي سعودي ياخد كل البطولات مو فاكرة اي سنة كانت بصراحة
2// في البداية هل عشقت نادي غير ناديك ولماذا ذلك التحول
لالالالالالالا طبعا
3//هل وصلت لدرجة كبيرة من العشق والتعصب لناديك
بحيث (كمثال) يجعلك تذرف الدمع الغزير لأجل خسارة بطولة ما ؟!!

انا ما اقدر اشوف المبارات الحساسة والمهمة لانو اتوقع ممكن يجني هارت اتاك وخاصة السنة دي لما نور ضيع ضربة الجزاء من جد كنت راح اموت

4// هل تعرضت لمواقف صعبة او طرائف بسبب تشجيعك لناديك ؟؟؟؟
توتر المباريات مرا شيء صعب من كتر ما اتحمس ماما تقول حشى مو بنت ولد
5// ذكريات لاتنسى واجمل لحظات التشجيع ؟؟
-
6// لاي نادي تميل بعد فريقك ؟؟ والسبب

النصر لانو بصراحة اكرة الهلال فعناد اشجع النصر لو لعب ضد الهلال

[سكووت]

1// بداية تشجيعك كيف كانت؟؟؟ ماهي القصة
مافي قصة بس من طفولتي هلالية رغم انو كل العيلة اتحاديين مافي غير انا واختي وعمي وولد عمتي وولد عمي يعني تقريبا 5 هلاليين من بيين عدد كبير اتحاديين خخخ
2// في البداية هل عشقت نادي غير ناديك ولماذا ذلك التحول
لا ..
3//هل وصلت لدرجة كبيرة من العشق والتعصب لناديك
كنت كدا ايام زمان واذا خسر الهلال يجيني اكتئاب واسحب على المدرسة واذا فاز اعمل بارتي تاني يوم مع صحباتي ..بس من يوم دخلت الجامعة خلاص فقدت احاسيسي خخ
بحيث (كمثال) يجعلك تذرف الدمع الغزير لأجل خسارة بطولة ما ؟!!
زي ماقلت اول زمان بس مو بكي قوي يعني دمعتين خفيفة خخخخ ..ممكن ابكي من القهر على المنتخب ..افتكر في مبارة خليجي بين الامارات والسعودية وخسرنا وكان عندي اختبار ايام الثانوي من جد جاني جنااان وماقدرت اذاكر ..عاد قريت بالجريدة تاني يوم انو انخفض اداء الطلبة داك اليوم يعني الحمدلله مو بس انا
4// هل تعرضت لمواقف صعبة او طرائف بسبب تشجيعك لناديك ؟؟؟؟
مممم موقف صعبة اني كل ماينهزم الزعيم لازم اسكر جوالي عشان عندي اهل هوايتهم الحش وتنتيف خلق الله خخخخ
5// ذكريات لاتنسى واجمل لحظات التشجيع ؟؟
مافي شي معين ..
6// لاي نادي تميل بعد فريقك ؟؟ والسبب
الشباب...مافي سبب معين يعني احسو نادي مظلوم اعلاميا خخخ ومستواهم حلو نادي راقي بصراحة ..

وختاما في قصة حقولها انو بمحاضرة قانون اداري في بنت بس ترسل ليا بلوتوث صور الهلال ومانعرف بعض بس دايم نتراسل بدي المحاضرة ونتناقش بالرياضة وبعدين على نهاية الترم شفنا بعض وكشفنا عن هويتنا

[توووbearooيتي]

[quote=لمعة الألماسة;2466862]السلام عليكم

وعليكم السلام والرحمة والاكرام ,,


صباحكم خير وسعاده

وصباااح ـكـ ي ـآرب ,,,



اكثرنا يعشق نادي لسبب او لأخر ولكل شخص بداية في التشجيع

والعشق يصعب التخلص منه
قد يكون السبب تقليد لشخص في العائلة او بطولات النادي او المدرسة او بسبب نجم تألق في ذلك النادي



1// بداية تشجيعك كيف كانت؟؟؟ ماهي القصة

أبدآ ما في قصهـ بابا يج ـلس ع ـالتلفزيون يتابع المـبارهـ وأج ـلس مع ـآهـ


2// في البداية هل عشقت نادي غير ناديك ولماذا ذلك التحول

ما وصلت للع ـشق نشج ـع الفريق اللي بيستاهل ويظل الح ـنيين لأول نادي شجع ـتهـ ,,


3//هل وصلت لدرجة كبيرة من العشق والتعصب لناديك
بحيث (كمثال) يجعلك تذرف الدمع الغزير لأجل خسارة بطولة ما ؟!!

نص ونص ,,, ايااام التانوي كانت تصير بس دح ـين صرنا قدآتـ زي مابيقولوا البع ـض ,,

4// هل تعرضت لمواقف صعبة او طرائف بسبب تشجيعك لناديك ؟؟؟؟

يب اتضربت من م ـآم ـي آخ ـرهآ في كأس الع ـالم الاخ ـير خخخ ,,


5// ذكريات لاتنسى واجمل لحظات التشجيع ؟؟

في ذكرى ح ـلووهـ بس ما تنفع ع ـالهوآء ,,,


6// لاي نادي تميل بعد فريقك ؟؟ والسبب

صارو كولهم زي بعض ما بتفرق ,,,


تحياتي

أهنن أهنن ,,

[لمعة الألماسة]

مرحبا كريم طلعت اتحادي صميم ومتعصب بعد
بس اغلب الاتحاديين يوقفون مع النصر بعد ناديهم مدري اش السبب ؟؟؟
بالنسبة لموقفك صراحه صعبة بمدرج الفريق المنافس الحمد لله ماسار شي وطلعت


pharm

مرحبا نورتي

سكووت
منورة انتي طلعتي صحبتي في تشجيع الزعيم توقعتك تقولي اشجع سامسونج الكوري ^^

تويتي

هلا فيك طلعتي مشجعه مثاليه في عالم الاحتراف اهم شي بعيد عن التعصب

[لمعة الألماسة]

1// بداية تشجيعك كيف كانت؟؟؟ ماهي القصة

طبعا من يوم انا صغيرة كنت احضر المباريات في الملعب مع ابويا مره كانت في مباراة بين الهلال والاتحاد ابويا اتحادي صميم من البيت معاه شعار الاتحاد انا عند البوابة اشتريت شعار الهلال مع اني ماكنت اعرف للتشجيع بس الظاهر كانت الشرارة ^^
2// في البداية هل عشقت نادي غير ناديك ولماذا ذلك التحول

كنت اتحاديه زي ابويا وباقي الاهل بس عرفت انو لو تبي تستريح شجع الزعيم
3//هل وصلت لدرجة كبيرة من العشق والتعصب لناديك
بحيث (كمثال) يجعلك تذرف الدمع الغزير لأجل خسارة بطولة ما ؟!!

اتفرج واتحمس وازعل بس بدون دموع او تعصب

4// هل تعرضت لمواقف صعبة او طرائف بسبب تشجيعك لناديك ؟؟؟؟
مره فاز الهلال على الاتحاد وكنت مبسوطة جا ابويا قفل التلفزيون
5// ذكريات لاتنسى واجمل لحظات التشجيع ؟؟
اممم يوم نهائي كاس الابطال
انهزم الهلال
طبعا مابينا كلام انا وابويا بس رسايل بالجوال ارسلت له مبروك ورد لي هارد لك

6// لاي نادي تميل بعد فريقك ؟؟ والسبب
الشباب نادي بعيد عن التعصب ومظلوم اعلاميا