اسكان .. تصميم داخلي ؟؟؟

[mEnO_o]

السلاااام عليكم

انا حاابه استفسر عن اسكان - تصميم داخلي ؟؟

كيف يعني هوا زي التصميم الداخلي العادي حق العلمي ولا ايش

ياريت احد يفيدني

وكمان حابه اعرف دراستو كيف حلوه يعني ولا لا

يعطيكم العااافيه

[لؤلؤة*]

نفس مشكلتنا بموضوع التغذيه اش نظامه وبتجينا اخبار غريبه ولسه ماعرفنا مصدرها

لو تاكدت من موضوع التخصصات برد عليكي ان شاء الله

[Rana Hesham]

إيش الفرق بينه وبين التصميم لانه يقولون يشبهو بعض

المساااارين دولي يندرجو تحت قسم واحد الي هو الإسكان وإدارة المنزل .. لا هما ما يشبهو بعض كتير بس يمكن يكون في تشآآآآبه بسيط بينهم .. لانو التصميم الي بيدرسو كانو بيدرس هندسة ديكووور يعني الي تتخرجي منو تعرف تصمم عماير وهيكـ وبمقاسات معينه .. اما تخصص إدارة السكن والمؤسسات بتدرسي شي إداري من ناحية السكن او من ناحية المؤسسات آكتر ما انك بتدرسي هندسه ومقاسات ورسم .. وكمان التصميم بس لبنات العلمي .. ونفس الشي لإدارة السكن بس لبنات الاداري .. في إدارة السكن رآح تدرسي مادة من مواد التصميم آسمها سكن وتآثيثه مرآآآ حلوهـ الماده ماده عملية ومنها راح تفهمي ايش هو تخصص التصميم الداخلي رآح تتعلمي في دي المادة اساسيات التصميم ودمج الاالوان والظل وكيف تقرآي بلان = خريطة أو خطة لشي مصمم ..
منقووووووووووووول من موضوع تجمع مستجدات إدارة سكن عن Twix

[mEnO_o]

R.H.M

يعطيكي العافيه

بس انا سالت وحده اعرفها هيا علمي اقتصاد منزلي نزلها برضو

اسكان تصميم داخلي ..

يعني هوا نفسو علمي ادبي ولا ايش الوضع كدا تلخطبت مره

:s

ياريت احد يفيدنا

[Rana Hesham]

القسم علميييييييييييي مايقبلو اداري الجامعه منزله كل التخصصات عشان ماتتعب نفسها , انتي إذا كنتي تبغي تصميم لاتحطيه أول رغبه , أول شي رتبي الأقسام الإداريه بعدين العلميه ولمن تتخصصي روحيلهم الجامعه وقوليلهم تبغي تحولي من القسم إلي أنقبلتي فيه لتصميم لأن لو حطيتيه أول رغبه محا يدخلوك هوا , وللمعلوميه الأقسام العلميه مايقبلوا اداري إلا في النهايه لمن يكتفوا من العلمي ويبقى محل ذيك الساعه يقبلوك يعني ممكن في نص الترم يقبلوك بس إذا كان عندك فيتامين (و) خلاص خليه يخصصك من البدايه وبالتوفيق ^_^

[mEnO_o]

ياااربي ايش الطفش دا :s

انا جاني اكتئاب تحمست ع الفاضي يعني

الله يعين بس

[Rana Hesham]

ياشيخه من جد الله يعين بس انتي لاتكتئبي ولاشي , روحي الجامعه أول يوم دوام وأسأليهم قوليلهم تبغي تتخصصي تصميم وشوفي ايش يقولولك وبالتوفيق