بنات الانظمه مساعدتكم شويه بخصوص الدكاتره

[MNMO0ONA]

السلام عليكم ورحمه الله وبركاته

بنات الانظمه لو سمحتو ابغاكم تساعدوني شويه
انا الحمدالله انقبلت قانون
واليوم طبعا نزل الجدول
فابغا مساعدتكم شويه
حطيت قانون تجاري يوم السبت والاتنين والاربعاء من الساعه 10 ل 10:50
سؤالي في العاده مين الدكتوره اللي تكون ماسكه الشعبه دي ؟؟
لانو صراحه من كتر من اشوفكم بتحذرو من الدكتوره ليندا وورده يزيد خوفي
وحطيت مباديء قانون يوم الاحد والثلاثاء من 9:30 ل 10:50
نفس السؤال مين تكون بالعاده معاها الشعبه دي ؟؟
وكمان عندي احوال شخصيه من 1 ل 1:50 يوم السبت والاتنين
وجزاكم الله الف خير

[بحر الحرية]

افتحي الأودس..
وجربي وشوفي الأعوام الماضية كيف كانت الأسماء..

وإنشاا الله ما تتغير..

موفقة؛؛

[nova09]

اولا مبروووووووووووك

وبالنسبة لسؤالك كل ترم يتغير الأساتزة فمافي استازة لوقت محدد للأسف حتعملي جدولك على العمياني زي حالتنا وتدعي انك ما تاخدي معاهم . بس تقدري تشوفي المادة فين المبنى ازا كان t09 معناتو مع استاذ مو استاذة بس هادا اللي تقدري تتأكدي منو

[Patricia]

حبوبة ..
كلنااااا سويناااا جداولنا وايدناااا ع قلوبنااا ...

بس سؤآل .. شلون نغير شعبتنااا .. لأن عندي محاضرة وقتها مو تمام وابي شعبة ثانية ..

شلون أقدر أبدل قبل الطيور ماتطير بأرزاقهاااااا ...؟؟؟

ووووشكرآ ..

[:::Zaza-.-MaZaza:::]

حتططري تحذفيها وتضيفي الشعبة الي تبغيها ..
بس حاسبي اذا شعبتك والشعبة الي تبغي تضيفيها على الاخرر يعني قربت تسير فلل خدي بالك لا تحذفي شعبتك وتروحي للشعبة الي تبغيها وتلاقيها سارت فل وترجعي لشعبتك الاولانية تلاقيها راحت عليكي .. ف تأنـــــي اذا في مساحة جيدة في الشعبتين انطلقي اذا لاء انصحك لا تغامري !

[Patricia]

زآزآ ..

والله كنت حآسه ان السالفة فيهااا حذف وبعدين اضاااافة ..

بس خاااايفة أغآمر .. وأرجع الاقي الدنيااااا فــــــــــــــــــــــــــــل ..


ثانكس .. زوزو