شباب التخطيط دفعه 200 ضروري

[aljokar20]

بسم الله الرحمن الرحيم

كيفكم شباب ومبروك التخصص بس يا شباب في مشكله صايره بالكلية انتو تعرفو ان السنه دي قبلو عدد كبير وصلو الى 60 طالب تخطيط . انا امس رحت لرئيس القسم د.حسان شاولي فقالي احتمال ان يخلو ال60 كلهم باستديو واحد شعبه من 7 الى 1 الظهر والثانيه من 1 الى 6 المغرب معناها ان الواحد ماله احقيه بالاستيديو ولا يقدر يعمل فيه شي لانه ما عنده مكان مخصص وتخيلو كمان نهايه الترم ومع المشروع النهائي اكيد نحتاج نقعد بالاستيديو عشان نستفيد من بعض بالشغل تخيل تروح الاستيديو تلاقي 59 واحد وما تلاقي لك مكان.


فعشان كده لازم نعبر عن رأينا واتمنى كل واحد فيكم يروح ل د.حسان ويعبر عن رأيه ويذكر له النقطه الاخيره بالذات وبالتوفيق يا شباب

[xanaza6]

نكد حيصير, لا حول ولا قوة اللا بالله, مو معقوله كذه. إن شاء الله تلقونلكم حل او ان اموركم تتنظم إن شاء الله وتعدونها.
بالتوفيق لكم

[م.دافووور]

المشكلة هذي لآزم تنحل ..

لأنهآ ترآكمية مع نظام قسمكم الجديد الافقي ..

اللي حيصير انو ال60 شخص حيكونو سوا في 200
وحينتقلو سوا الى 300 الى 400 الى التخرج

يعني حتكون المشكلة دي لأربع سنوات قدآم ..

الله يكون في عونكم ..

[احمد ربيعة]

والله مشكلة بصراحة ماني متخيل 60 طالب في استديو واحد الله يعينكم.وزي ما قال م.دافووور انو مشكتكم افقية مدري عمودية (ماني فاهم وش يعني) بس هذي مشكلة .


الحمدلله الله مريح علينا في قسم العمارة 8مراسم واغلبها الترم هذا فاضية لانو السنة الي فاتت المراسم في بعضها اخذ طلاب والاغلبيه اخذت طالب او طالبين وبعضها ما اخذ طلاب نهائياً فجت محاسن الصدف على سنتنا انو المراسم فاضية وكل واحد له مكان مضمون...


والسلام اخررررررالكلام

[م.دافووور]

الطيب اللي فوقي ..

فكرة مبسطة عشآن تفهم عليآ :)

المراسم في الكلية ماشية بنظامين رأسي وافقي

الرأسي زي قسم العمارة .. كل استديو فيه طلاب من 200 و300 و400 وتخرج برضوو
بدكاترة مشرفين من بداية التخصص الى التخرج ..

اما الافقي زي اللاندسكيب والتخطيط من الترم الماضي وهو ان كل دفعة في مرسم مستقل ..
وكل سنة ينقلو لمرسم جديد ودكتور جديد ..

فهمت عليآ ؟؟

[احمد ربيعة]

^^^^^
ايو ايوة فهمت عليك الان ولوووو

يعني التخطيط مسوين زي المدارس كل سنة ينتقلو لمرسم تاني الى ان يتخرجو...

والله نظام قسم العمارة كويس لانو فيه جميع المستويات في مرسم واحد وممكن نستفيد من الي اكبر مننا كمان؟؟

بس مافي مشكل تصير بين الدفعات يعني 200 او 300 زي كدة ؟؟