الرجاء الدخول للاهميه

[so natural]

السلام عليكم ورحمة الله وبركاته
الف مبروك للي حولوا انتظام وعقبال الباقيين وانا معاكم
دحين باختصار موضوعي هو:
انا طالبه خلصت السنه التحضيريه انتساب وتسكنت بكليه الاعمال برابغ الاسئله:
1-اذا درست هادا الترم انتساب فين رح تكون دراستي بجده ولا برابغ؟
2-اذا كملت السنه كلها انتساب وين رح تكون دراستي بجده ولا برابغ؟
3-اذا حولت الترم التاني انتظام وين رح تكون دراستي؟
بصراحه اسئله محيرتني ابغى اعرف راسي من رجولي عشان اعرف اتصرف رحت سألت استاذه ابتسام طبعا وسط الزحمه تقول استني يابنتي اسألك "مرررره مو فايقتلي"
رحت كليه القتصاد ولاداره وحده تقول لا هيه فرع من كليتنا تبعنا يعني اذا حولتي رح تجي علينا تقوم اللي جمبها التانيه تقول لا انتبهي روح اسالي العماده بما انه مكتوب فرابغ اذن فرابغ عندك مواصلا ت ومدري ايه المهم تقولي روحي اتاكدي


قلنا نستنى وكليه كلية القتصاد ولاداره برضو مهي فايقتلي من عند الباب تسألها السكرتيره عن الموضوع تقول والله تعرفي الموضوع لسه جديد ولسه مانعرف ماعندنا خبر ومدري ايه بس احنا جايينا امر انه ما...."قالت حاجه معناتها نه ماندخل بتدريس بنات رابغ شي زي كده يعني"

فياريتاي احد من الشباب او البنات يقدر ياخدلنا كلمة حق فده الموضوع لايبخل علينا بالرد
لانه في بنات كتير زي وعشان نلحق نحول من كليه رابغ لكليه الاقتصاد والاداره
في انتظار ردودكم