طـلاب قسم القانون انــتم السباقون دائما لـكل خير

[يوسف الزويلعي]

بسم الله الرحمن الرحيم

كمـا عهدناكم ياحلوين تدلون دائما بنصائحكم الثمينه وتوجيهاتكم القيمه لاحـرمنا الله منهــا فياليت ياشباب الي يعرف الدكـتور:((علي حمد مهدلي النـاشري)) استاذ مادة الأحوال الشخصيه ISLS333 يفيدنـي ولكـم مني خالص الشكر الجزيل والأمتنان الوافر ملاحظه: حبـايبي اللي يعرف شيء عن الدكتور يفيدني.. طيب واللي مايعرف _علشان لايطلع بلوشي بدون مايدلي بدلوه _اذا كانت عنده خلفيه عن الماده ودرسها من قبل يفيدنــا ((يعني يكلمنا عن مدى سهولة المادة واين تكمن الصعوبه؟ والمباني الأساسيه للماده ويتكلم شويه عن فلسفة قانون الأحوال الشخصيه والأبعاد الحياتيه الي تناقشها الماده بإختصار انت أخذت هالماده طيب بإيش استفدت منها في حياتك العمليه والعلميه)) ولك عزيزي ولكل من شارك في الموضوع بمرور وتعقيب الأجر الجزيل والثواب المديد

[legalman]

السلام عليكم ورحمة الله وبركاته اخي يوسف الزويلعي بالنسبه للماده سهله والمنهج قليل تقريبا لا يتجاوز 30 صفحه
والكتاب المقرر عليكم هو الروض المربح ولكن للاسف ماخذتها عند الدكتور الرائع جدااااااااااااااااااااااا على الناشري ومن حسن حظك انه اخذ الماده ولو ادري ماكان نزلتها عند الدكتور فايز حابس وانا اتوقع انك تاخذ +a بالراحه ان شاء الله ولكن بشويه مذاكره ولا تسالني كيف لانني لدي تجربه مع الدكتور الرائع الناشري في مادة المواريث وانشاء الله قد افدتك

[عاطل بس دافور في القانون]

هلا أخوي يوسف
ترا ماده الأحوال الشخصيه ماده جدا سهله ومتعه وما يحتاج منك إلا جهد بسيط
وبالنسبه للدكتور علي أنا أتوقع انك حتجيب معاه أحسن درجه ممكن تجيبها في الجامعه
مع التحــــــــــــيه

[laloo]

يابختكم <<<< بتحسدكم على اساتذتكم وال30 صفحه هههههههههههههههههههههههههههههههههههههه

اخذتها يمكن قبل سنه ونص ... مع دكتوره صحيح شرحها زين ....لكن كانت تعقدنا بالتكاليف ...

والاسئلة كانت كلها مقالي حتى ورقة الاجابه خارجيه ... والله مدري كيف جبت بي .....الحمدلله

<<<< فتحت لك نفسك بهالكلام ...

ماعلينا هاذي كانت استاذتنا...

ولا ترى المادة حلووووه ... << كل شيء عندها حلو
الصدق المادة ..طلاق. زواج. اسباب الفسح ....الخ من هالمواضيع .. واعتقد انو كل الناس عندها خلفية على المواضيع هاذي...

بالاخير ان شاااء الله اكون افدتك ... وبالتوفيق يارب

[يوسف الزويلعي]

أخــي legalman وعليكم السلام ورحمة الله وبركاته و مشكور والله يعطيك العافيه ويوفقك للخير صراحه ريحتني بارك الله فيك

[يوسف الزويلعي]

عاطل هلا فيك زود حـبي وشـاكر مرورك الكريم وتوجيهاتك ولك مني أجمل تحيه

[الحربي111]

هلا أخوي انا بصير ملقوف وبساعدك.

لأنك قلت طلاب القانون وانا من طلاب الدراسات.

الناشري نزل عنده وانت مغمض عيونك لاكن فايز ابعد عنه ولاتحاول تحتك فيه ههههههههه

أشطر واحد عندنا اخذ الترم الماضي 60.

لاكن انا بسأل كل اللي يدخلون صفحتك عن الدكتور الغامدي تبع ميادئ القانون وش رايك فيه.

[يوسف الزويلعي]

هلا أختي LALOO افدتيني كثير الله يجعل الجنه من نصيبك ويوفقك لطاعته

[يوسف الزويلعي]

هلا الحربي يازين لقافتك والله والحمد لله الي ربنا وفقني ونزلت عند الناشري

وبالنسبة للغامدي والله ما اعرف عنه شيء اسئل واردلك ان شاء الله
شاكر مرورك

[محامية المستقبل]

اخوي الدكتور علي الناشري اتعب اقولك رائع انسان من جد اخلاق ومحترم وشرح 100 % ماشاء الله عليه

انا اخذت معه مواريث ووصايا والحمدلله امتياز بتفوق الله يسعده ويجزاه عنا كل خير اما بالنسبة للمادة فهي سهلة

وبالراحه تاخذ فيها امتياز الله يوفقك ويوفقنا ...