اللي كانت بقسم وحولت للغات

[عانيت بذوق]

ممكن اللي مرت بنفس وضعي تفيدني انا كنت ابغى ادخل قسم اللغة الانجليزية بس درجتي في المستوى الاول تحت ال90 وسجلت دراسات سؤالي هل ممكن بعد المستوى الثالث في الدراسات الاسلامية اقدر اغير القسم للانجلش

[nour al3mr]

من شروط القبوا في القسم ..
أن يكون درجات الالكـا 95
و المعدل 4.5

لكــــــن الأفضل تستشيري القسم ..
فمن الممكن أن يتم قبولك باختبار اجتياز ..

كتب الله لك التوفيق و سدد خطـــــــــاك,,

[عانيت بذوق]

الله يسعدك
طيب نسيت اقول ان انا انتساب كيف وضعي

[عانيت بذوق]

ايش تقصدي بدرجات الالكا95

[nour al3mr]

اللي اعرفه ان الانتساب زي الانتظـام ..في الشروط ..

أما درجات الالكـا فهي درجات الانجليزي اللي درستيه في التحضيري ..
انقلش مستوى 101 و 102

[عانيت بذوق]

الحمد لله على كل حال
مالي نصيب في هالقسم درجتي في 101 81 مع انو سهل بس مادري شو اللي حصلي
الله يجزاك خير

[nour al3mr]

ياقمـر لا تيأسي..

أسالي و جربي يمكن سبحان الله ربي ييسر لك ويكتب لك القبول ..

[ام حمدان]

المشاركة الأصلية كتبت بواسطة عانيت بذوق الحمد لله على كل حال مالي نصيب في هالقسم درجتي في 101 81 مع انو سهل بس مادري شو اللي حصلي الله يجزاك خير

ياعسل الشروط هذي العام كانت مطبقه على دفعتي انتظام وانتساب
لكن هالسنه فالانتساب صار المعايير المطلوبه اقل

الالكا لازم مايقل عن 90
والمعدل لايقل عن 4

واذا كان اقل
وكنتي مصره تدخلي القسم
راح يكون قدامك خيارين

ياتختبري تحريري--يجيبولك موضوع تعبري عنه عشان يختبروا كتابتك كيف
ولو نجحتي فيه يعملولك مقابله يتكلموا فيها معاكي في اي موضوع عشان يختبروا لغتك كيف --وممكن مايعملوا لك

وان مانجحتي في الاختبار

اخر حل تقعدي وراهم الين مايقبونك على الاقل قبول مشروط
يعني تنقبلي بشرط انك تنجحي في الريدنق والرايتنق بدرجات لاتقل عن جيد
واذا مانجتي لاقدر الله راح يطلعوكي من القسم


هذي كل المعلومات الي اعرفها عن استفسارك


ومثل ماقالت عزيزتي نور العمر لاتيأسي رحمة ربك واسعه


بالتوفيق

[بنوتة هلالية]

بناااات ابغى موقع يساااااااعد ع كتابة برجرااف