محتاره احذف مواد ولا لا؟؟ ( اللي عنده خبره يدخل)

[منتسبة !!]

السلام عليكم ،،

انا انتساب المستوى التالت معدلي كويس يعني 3.40

بس اتفاجئت انهم نزلولي 17 ساعه يعني 6 مواد

فمره حيرانه هل احذف كم ماده عشان اشد حيلي واحول انتظام لانها فرصتي الاخيره؟؟

او اخلي المواد زي ماهيا واتوكل على الله واجلس انتساب ولو ربنا اكرمني احول مع اني عارفه

موادي كتير ماحقدر على كل دا

والمواد هيا دي :

مبادىء المحاسبه
مبادىءالقانون
مبادىءالاقتصاد الجزئي
الثقافة الاسلامية (2)
مبادىء الادارة العامة
مبادىءالعلوم السياسية

فالله يخليكم اللي عندو خبره او احد يقدر يفيدني يوجهني ايش اسوي؟

[رورو الحنونة]

حبيبتي
انتي شوفي قدراتك اذا تقدري لاتحذفي
واذا ماتقدري وتحسيه فيه شي راح تجيبي فيه
درجة مو حلوة احذفي ونصيحت اذا عشان التحويل
احذفي وركزي على اربعه مواد تكون لكي سهلة وتحسي انك راح
تمشي فيها..
ان شاء الله اكون افدتك
تقبلي مروري
وبالتوفيق بإذن الله

[منتسبة !!]

شكرا ياعسل
انا حاسه اني حمشي فيها لو ماحذفت
لكن ماحجيب معدل كويس واحول انتظام :(

[newnhn]

مساء الخير على الجميع
موادك أغلبها دسمة نصيحتي إذا ناوية تحولين انتظام احذفي بعض المواد . الله يوفقك ويسدد خطاك

[منتسبة !!]

:(

ان شاء الله خير

[دانة جدة]

نفس موادي انا تخصص تنظيم وتصطوير اداري فقلت عشان احول احذف المحاسبه والاقتصاد الجزئي لان فيها رياضيات وانزل الانجليزي الترم الي فات لاني ماخذتو ويصير خمسه مواد كلها حفظ تناسبني وانتي معدلك مشالله حلو بس انصحك لو تبغي تحولي اخذفي المحاسبه لانها مرة صعبه وركزي على الباقي وبالتوفيق انشالله ودعواتك ليا اني احول انتظام

[بنت الشريف3]

حبيبتي من قلك انها فرصتك الاخيره ؟؟لازم علشان تحولي ماتكوني تجاوزتي 64ساعه..ونصيحتي لك احذفي المواد العلميه وخلي المواد الي يبغالها حفظ ونزلي من المواد الاختيااريه تراها سهله شوفي في ملتقى الاداره ةالاقتصاد يتكلموا عنها وبالتوفيق حبيبتي

[foras]

سوال : هل سمعت بطالب لم يغير اي مادة في الجدول ولما نزل جدول الاختبارات وجد تعارض ؟
جواب: لايجد احد.
لماذا لان الجامعة تعد جداول الاختبارات على المواد نقول الافتراضية .
نصيحة كل ماتستطيعون ان لاتغير اي مادة ليكون هناك تعارض وبالتوفيق للجميع .

[العلم والعالم]

المشاركة الأصلية كتبت بواسطة foras سوال : هل سمعت بطالب لم يغير اي مادة في الجدول ولما نزل جدول الاختبارات وجد تعارض ؟ جواب: لايجد احد. لماذا لان الجامعة تعد جداول الاختبارات على المواد نقول الافتراضية . نصيحة كل ماتستطيعون ان لاتغير اي مادة ليكون هناك تعارض وبالتوفيق للجميع .

الأضافه والحذف مربوطة بجدول الأختبارات ومواعيد المحاضرات الموجود في الجدول كلها لضبط التعارضات

أنا لي ثلاث سنوات في الجامعة كل فصل أقلب الجدول فوق تحت إلأ الفصل الأول فقط ما عمري حصل لي تعارض

عادي تحذ ف وتظيف ولا عندك مشكلة ولو فيه تعارض ما راح يقبلها النظام

[WHAT]

الأخت منتسبة
الناس طلعت القمروانت محتار في كم مادة , استخيري ربك وتوكلي على الله
تحياتي