ضرروري للأخوان الموظفين بالنسبه للإفاده احد يفيدني

[ابو صالح16]

السلام عليكم ورحمه الله وبركاته

انا جدولي من الخميس 9 الى الخميس القادم 16 وش رايكم اداوم السبت ولا استمر مع الجدول الى يوم 23 واخاف الافاده توضح ان ماعندي الا من 9 الى 16 ولا وش رايكم ابي احد متمرس

[سعود المهندس]

انا موظف في جهة حكومية وقد صارت لي وسحبت عليهم بس اهم شي مايكونوا يعرفوا ان اختباراتك لمدة اسبوع

[الوثلاني]

اسحب وما جاك عندي انا نفس طريقتك وما راح اداوم الا يوم 24
زملائي سووها قبلي العام الماضي محد درى عنهم

الافادة تقول تكليف من 9 الى 23 وانت اذا طلبو منك الدرجات ما راح
يكتبون اختبر في اليوم الفلاني هذي من حسنات جامعتنا تعطينا وقت ننسى هم الاختبار :)

[albadr999]

قفلوا الموضوع لا أحد يدري

[أبو إبراهيم الرياض]

ما عليك منهم يا أخوي أبو صالح الأفاده ألي تأخذها من موقع الجامعه الألكتروني (odus) يعطيك أفاده من بداية الأختبارات لحد نهايتها وتقدر تطبعها قبل الأختبار علشان تتأكد ولو قالوا وين جدولك عطهم الجدول العام وقل عندي ماده هنا وهنا ومش أمورك وعليك منهم أنا مره سويت نظامي وداومت ألين أخر يوم وتبهذلت بالسفر والسكن ولا ريحت وكنت معلمهم عن أيام أختباراتي تصدق يوم عديت يومين غصب عني بخصوص حجز الطيران ما لقيت حجز والله أنهم نشبوا بحلقي يقولون تعال بأي وسيله لو بالسياره ما علينا بعدها قلت أنا أوريكم بس ربك عليم سبحانه صارت تجي أختباراتي كلها بأسبوع واحد وأخر ماده تجي بالأسبوع الأخير يعني غصب صرت أجلس وأتحمل مصاريف علشان ماده والله يعيين الجميع يا رب ويوفقنا وأياكم ونتخرج ونفتك من هالجامعه شكلي بعدها بقعد 20 سنه ما راح أجي جده علشان أنسى الجامعه وهمها وكل شي يتعلق فيها كل هذا علشان ورقه بس هالورقه شأنها كبير والله يكتب ألي فيه خير للجميع ،،،

وأعذروني على الإطاله ... بالتوفيق

[النديم]

يالربع لا تدهوروا الرجال مو على كل حال تمشي هي على حسب الشخص اللي عندة الموضوع لو عنده فكرة عن
طريقة الافادة راح يطلب جدولك صحيح في الغالب الإدارات الحكومية تمشي لكن لاصار فيه واحد مستقعد بيضيق
عليك بس .
كل واحد ادرى بإدارتة لا تعطون نصايح للغير ممكن تضرهم ..

تقبلوا مني وافر التقدير ...

[ولد نجران]

انا بمعهد الاداره العامة موظف ومامشت عليهم يقولون لازم جدولك انت مو جدول كل التخصصات واشر على المواد وفوق ذلك جب لنا الجدول الدراسي كنت ناوي اسحب بس ماش مامشت عليهم هم اكاديميين ويعرفون ماينضحك عليهم بسهولة

[أبو إبراهيم الرياض]

المشاركة الأصلية كتبت بواسطة ولد نجران انا بمعهد الاداره العامة موظف ومامشت عليهم يقولون لازم جدولك انت مو جدول كل التخصصات واشر على المواد وفوق ذلك جب لنا الجدول الدراسي كنت ناوي اسحب بس ماش مامشت عليهم هم اكاديميين ويعرفون ماينضحك عليهم بسهولة

أخوي ولد نجران أنتم يا أهل معهد الإدارة آخر ناس تستعملون البزوطه مثل ما قلت أكادميين وعندكم نظام غير طبيعي بكل شي يكفي مره حضرت دوره عندكم أحد المدرسين الله يذكره بالخير كان يطفي الجهاز بعد أنتهاء الفتره الأولى من المحاظره ويعيد تشغيله كأنها حصه ثانيه وثاني معه ساعه في منبه يوقت الوقت بالضبط ،،،

بس ماش من تالي ما عطيتونا فرصه نحضر عندكم مع أن رئيسنا مرجعك الأساسي بعد الله ،،،

بالتوفيق للجميع ،،،

[abo.zeer]

ابو صالح على حسب القطاع ألي أنت في !
يعني إذا الاترام الي راحت طلبوا مع الافادة جدول الاختبارات + جدولك الدراسي الخاص فيك
هذي مشكلة ماتقدر تغيب .
وإذا هم ياخذون الافادة لحالها ، لا تحضر لدوامك لأن مسجل في الافادة من تاريخ 9 الى 23
والنظام معك ، اجازه الاختبارات معتمدة من الخدمة المدنية يعني غصب عليهم

[ابو صالح16]

بيض الله وجيهكم وتسلموون والله يوفقكم دنيا وااخره يااارب بس انا عطيتهم الجدول ولا يدرون وش المواد وشكلي ببلفهم بس اشغلوني بالافاده يعني مايمدي اطبع لهم افاده بأسمي هالوقت