أنا محتار بين هالتخصصات الي يساعدني بدعيله من قلبي ..

[abdulkreem]

أنا محتار بين هالتخصصات في التعليم عن بعد
أبي حد يساعدني وش التخصص الي له مستقبل
من نواحي عدة

- أكمال الماجستير
- الفرصة الوضيفية
- الإبتعاث للخارج

تخصص تربية خاصة
تخصص دراسات إسلامية
تخصص لغة عربية
تخصص لغة إنجليزية
تخصص علم إجتماع
تخصص تاريخ
تخصص جغرافيا
تخصص إدارة أعمال


أنا .. بإذن واحد أحد
عازم إني أدخل في واحد من هالتخصصات
الله ينور درب من يفيدني ..

[هاجسية العلم]

بصراحه احس دا القسم له مستقبل
تخصص تربية خاصة

والله يووووفقك

[aziz-m]

اول شي الموضوع يرجعلك انت
لأن لو ما كان لك رغبه بالقسم اللي دخلته ما راح تنتج

انا في قسم اللغة الإنجليزية

وانصح

1- إدارة الأعمال + إدارة عامة
2- الإنجليزي
ـــــــــــــــــــــــــــــــــــــــــــ
أدرس إدارة أعمال أو عامة + تاخذلك لغة إنجليزية معاها في معهد وتكمل الماستر في الإدارة ترى مررره شي حلو


بالنسبة لتخصصات اللي تحت
ــــــــــــــــــــــــــــــــــــــــــــــــــ ـــــــــــــــــــــ
تخصص دراسات إسلامية
تخصص لغة عربية
تخصص علم إجتماع
تخصص تاريخ
تخصص جغرافيا
ــــــــــــــــــــــــــــــــــــــــــــــــــ ــــــــــــــ
معليش هذي التخصصات ما يحتاجها سوق العمل لأن المتخرجين كثير ( رحيمي متخرج عربي وبمعدل 3.80 توظف مدرس وحطوه آخر الدنيا ومرمطوه من الشرقية الليث جدة وبعد 9 سنوات و6 اشهر نقلوه مدرس في نفس المدينة اللي عايش فيها مكة )

المفروض الجامعة تفتح تخصصات جديدة يحتاجها سوق العمل عندنا


اما اذا كنت موظف وتبحث عن علاوه خذ الأسهل وتوكل على الله

[نجوله>>]

ادارة اعمال وعامه تتوفر فيهم المزايا الي تبغاها من ناحية الماستر والابتعاث الخ بس الابتعاث له شروط كثيره من ضمنها المعدل والعمر وعمر الشهاده وحاجات كثيره غير التخصص بالنسبه لي ادارة اعمال ان شاءالله واذا ماحصل عامه موارد بشريه والله يوفقك ولاتنسى الاستخاره ثم الاستخاره وربي بيختارلك الخيره الطيبه

[M-LRL]

تخصص إعلام مسار علاقات عامة
تم إفتتاحه قبل عام فقط لطلاب الإنتساب وتعتبر جامعة الملك عبدالعزيز الجامعة الوحيدة التي تدرس هذا التخصص ضمن برامج الإنتساب
مجالاته الوظيفية كثيرة سواء في جميع الشركات أو الإدارات الحكومية
وبالنسبة لإكمال الدراسات العليا
فبإمكانك عن طريق جامعة الملك سعود وكذلك جامعة الملك عبدالعزيز سوف تفتح المجال في الدراسات العليا بهذا التخصص في القريب العاجل إن شاء الله أو التقديم على نظام الإبتعاث الخارجي

مع تمنياتي لك بالتوفيق

[جـــووودي]

رأيي مثل رأي الأخ aziz-m واضيف عليه انو طلع قرار من وزارة التربيه و التعليم انها ماتوظف خريجين و خريجات الإنتساب ما عدا تخصص اللغه الإنجليزيه...

انا علم نفس دخلته بس عشان ارفع المعدل و ان شاءالله راح احول ع الإنجليزي السمستر الجاي وادا ما حصل نصيب إدارة أعمال أو إداره عامه...


موفق يارب

[abdulkreem]

يعطيكم العآفيه ماقصرتوا
وبإنتظار .. بقية النصائح من أصحاب الخبرة

[daniah]

طيب انت اصلا ايش تخصصك

[النديم]

السلام عليكم ورحمة الله وبركاته ..

أخي الفاضل لك ما طلبت ....

أولا انت ؟؟؟ ما هو توجهك ماذا ترى نفسك ....

معلم - اخصائي - إداري

لكن ما أراه اليوم سوق العمل والإجتياجات الوظيفية تتجه نحو الإدارة.
الحقل الإداري متعطش ومازال يحتاج إلى مبدعين .
سواء على الصعيد الحكومي أو على الخاص .

الإدارة العامة و إدارة الأعمال تعتبر من المسارات الرائدة ومازالت توجد بها فرص كبيرة وعظيمة ..

وكا مثال بسيط أنا خريج معهد الادارة العامة (علميات بنكية) والان موظف في إحدى الشركات العملاقة وأعمل في وظيفة ليست في تخصصي نهائيا ..

لكن الشي اللي متأكد منه إني توجهت للدراسة الجامعية نظرا لإحتياج قطاع الاعمال للإدارة .

أتمنى من الله العلي القدير لي ولك ولسائر الإخوان والأخوات بالتوفيق في حياتهم والسداد ..

تقبل مني وافر التقدير ...

[رامي الأمير]

انا اشوف ادارة اعمال والله يوفقك يارب