بنات اللي داوموا مع الانتظام ممكن طلب ...

[*sweet smile*]

السلام عليكم

خلنا نغير جو بدل ما نفكر كثير في النتائج

انا ان شاء الله رح ابدأ من الترم الجاي احظر مع الانتظام

و حابه اخذ رايكم عن الحظور مع الانتظام

يعني مثلا كيف رتبتي جدول حضورك ؟

و كيف اول يوم ؟

و كيف استأذنتي من الاستاذة ؟ اروح لمكتبها ولا ادخل في احد محاضراتها ؟

يعني زي كده

لاني خايفة من اول الايام

وماني عارفة احظر او لا ؟؟؟ :(

و مشكورين مقدما

[SeЙorita]

صراحه انا كنت احضر معهم بس مافيه شي استفدته
اولى شي نحنا مو زي الانتظام لان الانتظام الاستاذات تمشى في المنهج على اقل من مهله
اذكر حضرت محاضرت رياضيات مدة شهر شهر كامل والاستاذه بتشرح الباب الاول
بعده بطلت وقعدة في البيت حملت محاضرات واسائلة اختبارات وقسمة المنهج وخلصته قبل السنتراء بكم يوم
وصار السنترا مراجعه ويفهمونى الاشي االى مافهمته
والحمدالله اختباراتى كانت تمام التمام

[عالية ناصر]

انا نفس الشي كنت احضر مآث بس بصراحة استفدت كثير كثير
فيه اشياء جات بالاختبار مانشرحت بالسنترا وانشرحت بالجامعة
بس للاسف يوم بقى فصل واحد وقالت لنا الاستاذة انهم منعو حضور طالبات الانتساب
قالت انا ماعندي مشكله روحو كلموهم راحو مجموعة بنات بس ماظن رضيت
والله يوفقك

[رنوو^_^]

مووووووووفقه يالغلااا

[شذى الوجدان]

انا اعرف نااس كثير والكل يقولون مانستفيد شي
عندي بنات خالتي نفس خطتي بس هما انتظاام وانا انتساب
والمشكله انو انا اللي اشرح لهم يعني اللي يدرسونهم ماعندهم سالفه
في البدايه قلت احضر معاهم بس مالها داعي والله سوا انك تغيرين جو
بكرا لما احول انتظام متاكده اني راح اندم على الايام اللي حضرتها
نفسي اظل انتساب على طول بس فيها فلووس ومين يدفع
يعني اذا ممكن نحضر ياايام المراجعه هنا نستفيد ونروح للاستاذه حقتنا عاد هي تفضى لنا وتراجع لنا

[بياض الندى]

بالنسبة للدوام مع طالبات الانتظام
انا انصحك فيه .. عن تجربة
لكن مو كل المواد
مثلا انا كنت احضر محاضرات الاحصاء في الجامعة ومرررة استفدت احسن من السنترا
اما بالنسبة للتفكير والاتصال لانو يعتمد على الحفظ والافضل لك السنترا
والانجليزي على حسب فهمك له
والترم الثاني انا حداوم مع الرياضيات والعربي
اما الثقافة في السنترا
والحاسب رح يسو له دورة تدريبة

[غدوووره...]

بصراحه يا عسل انا اشوف انك بتستفيدي كثير..

بالذات المواد اللي زي الرياضيات والاحصاء مرره احسهاا ضرورية على الاقل منهاا تقدري تسألي وتلآقي جواب سريع..

وانا عن نفسي الترم الجاي ان شاء الله بأداوم مع الانتظام ..
ولو تبغي اي مساعدة ياقلبي اعطيني خبر لأني اعرف بنات في الجامعة انتظام وانتساب

وبالتوفيق يارب والله يعينك

[روح الروح2020]

بارب زوجني وزوج كل بنت عزباء تحتاج الى الزواج يارب ادعولي تكفووووون بالزواج

[نانا99]

شوفي ياعسل
ما انصحك في الحضور صح اني ماجربته
بس أعرف كذا بنت أفضل من أختي بكثييييييييييييير ايام الثانوي
وجالسين يحضروا مع الإنتظام
وأختي هي كسلانه كانت تذاكر في البيت وماراحت للجامعه إلا وقت الأختبار وحلت أحسن منهم اللهم الانجليزي ماحلت

إذا بتستفيدين ممكن في الرياضيات والإحصاء

[*sweet smile*]

مشكورين كتير :)

طيب اللي فهمتوا منكم

اني الافضل احظر مع الانتظام في مادة الاحصاء والرياضيات و اللغة الانجليزي

اممممم ...

طيب كيف استأذن من الاستاذة

هل ادخل لها في احدى محاضراتها او اروح لمكتبها ؟

اخاف ادخل عليها في احد محاضراتها تطردني :(

او مالاقي لي مكان في القاعة و وقتها اتفشل << فيس محتار

اش رايكم ؟؟

و الله يوفقنا جميعا ^^