يومين مروا علي

[تسألوني]

السلام عليكم ورحمة الله وبركاته

كيفكم حبايبي مستانسين <<<<< ايه يمه مستانسين بس عطنا وش عندك


بصراحة انا حضرت امس واليوم والان انا في قمة التحطم لدرجة اني ودي اشغل سيارتي وارجع اكمل اجازتي في الرياض

كنت في غاية الحماس وقلت حضوري للدورة راح يسهل علينا كثير

بس اللي شفناه صار العكس

كل ماقلنا لدكتور احذف شي بسيط او عطنا اسم اي مذكرة تساعدنا

قال لا والكتاب مطلوب من الجلده للجلده

اصلا الكتاب مافيه جلد وانت دكتور وباقي ماتعرف

وازعجونا الاختبار كله خيارات وصح وخطأ

طيب يعطوننا شي مفيد او لايحذفون شي بس يقولون ركز على اشياء معينة والباقي نمر عليه


والله يااخوان اني اكتب وانا مرفوع ضغطي ومو القصد اني احطمكم او شي لاوالله

بس لو نفكر فيها مافيه الا ثلاث شهور والوقت يمر والكتاب ابو جلده ماخلص

وقلنا للدكتور احذف لنا عشان الوقت انت عارف دوام وحاله قال ( من طلب العلا سهر الليالي)

بالله عليكم هذا رد ...... قال طلب العلا ..... ماحد طلب العلا طلبنا تحذف شي وتفكنا من القلق والهم اللي عايشينه



اتمنى ياشباب اننا نتعاون ونقلقهم لو مايحذفون لنا الا حرف واحد بس

ويارب تمر هالاسبوعين على خير ونستفيد حاجه على الاقل


تحياتي للجميع

[D3is]

أخوي أنا أشوف عكس كلامك .. صراحه

والدكاتره والله ماقصرو .. لكن انت مادري والله

[alhomodi]

اذا انت ودك تشغل وترجع لرياض
انا اقولك والله من القهر والكلام اللي شفناه منهم ومن سوء تنظيمهم
وكل دكتور يدخل يقراء من الكتاب ويطلع
معاد دكتور واحد وهو حق الرياضيات بصراحه راية بيضاء وما قصر
احلفلك يمين لو اني مو حاجز في الشقه
ودافعلهم قيمة 10 ايام والله لا ارجع لرياض من بكره
وفي بداية مشواري وانا جاي كنت اقول حرام بيفوتني مباراة الهلال والوحده ومنقهر
والان اقول الحمد الله انها يوم الثلاثاء لان من الان مبيت النيه ان الثلاثاء اوف من راسي
وفعلا والله شي يقهر ويرفع الضغط وحتى اليوم كان عندنا دكتور يقول مدام مافيه الا دورة وحده لكم
من الفترض من الجامعه ان تسترجع لكم 1500ريال ويبقى لكم 1500 ريال لانه يقول اول كانت على فترتين
والسنه هاذي حطوها على فتره وحده او بـ الاصح دوره واحده
وبصراحه انا اقول مافيه امل يرجعون لك ريال واحد الا الله يستر ما يخذوون منا زوووود
ولكن مااقول الا حسبي الله ونعم الوكيل فيهم وحسبي الله ونعم الوكيل عليهم
هذا بدال مايسهلونها لنا يصعبونها لنا
والجد الجد ان الانتضام احسن وابرك مننا لان فيه شي ينحذف عنهم وفيه ملخصات لهم
اما انا مأكولين ومذمومين

[بـحــر]

والله خوفتونا يا شباب بمواضيعكم

وبصراحه ما كانت هقوتي

أنا بعد انصدمت يوم شفت المفردات

كل ما افتح رابط ماده .. أحصل ان الماده مطالبين فيها كامله

ارحمونا يابشر احنا منتسبين ووضعنا غير

أتمنى من الاخوان اللي حاضرين الدورهـ يحاولون يطالبون بمساعدتنا


تحياتي لكم والله يعين

[عاشق الاورج]

والله انا من جدة اذا انت بترجع الرياض انا برجع بيتنا لانه الحضور مامنه فايدة واهمال وخليها عالله قدنا ورطنا فيها يعني نكمل الترم والباقي عالله وش بنسوي ولعلمك حتى الكتب فيها اختلافات كثيرة

[تسألوني]

مشرفنا العزيز D3is

اولا اشكر لك مرورك

وثانيا ماشفنا شي من الدكاتره بس يقرون من الكتاب ويقولون الاختبار كله اختيارات وصح وخطا

وش شفنا غيره وانا ماودي الا اننا نستفيد جميعا ونعدي هالترم على خير

وامنياتي للجميع بالتوفيق

[تسألوني]

alhomodi

بحر

عاشق الاورج


اشكر لكم مروركم وان شاء تتعدل الامور الايام الجايه

وأهم شي اننا نسوي اللي علينا والباقي على ربنا


تحياتي لكم

[الأشواق]

يؤيؤيؤيؤ

الله يوفقكم ويعينكم

والله مشاكل الله يستر ايش راح يقولون لنا

[مدرسة الحب]

على قولتهم الي كدا اولها ينعاف تاليهااااااااااااااا
الله يبشرك بالخير يا اخ تسالوني......................
اقلها انت عندك سياااااااااره متى ما ضاق حالك شغل وامش.....بس احنا؟؟

[تسألوني]

الاشواق

باذن الله مايصير لكم زي ماصار معنا

وان شاء الله بنحاول اننا نطلع بشي مفيد



مدرسة الحب

اي خير الله يسلمك

وماعليك كلها فترة ويسمحون لكم بالسواقه وتسحبون على الدورة متى مابغيتوا لووووووووول

امنياتي للجميع بالتوفيق


تحياتي