مواد الكيمياء لـ بنات الاحياء ..❀

[bishoo]

السلآم عليكم ورحمة الله وبركاته ..❀
بنات انا حابة أسأل عن مواد الكيمياء اللي ناخدها في الاحياء
كيمياء عضوي - وكيمياء حيوي - معمل 281 - كيمياء عامة 202
صح كدا ؟
وليش المواد هادي مهي طالعتلي في الخطة الدراسية للقسم ؟
كمان انا باقيتلي دي المواد الـ 4 ولازم اخدهم الترمين الجية .. إيش الترتيب اللي تنصحوني به ؟
آخد إيش مع إيش ؟ ومع مين من الدكتورات " مهمة دي النقطة " ؟
ياليت البنات اللي أخدو أي وحدة من دي المواد يفيدوني بخبرتهم فأي شي .. لأني مرة خايفة منهم ومااحب الكيمياء

والله يوفق الجميع

[ام رونزا]

وعليكم السلام ياألبو
ازا انتي زيي بيو فاللي سمعتو انو كيميا عضوي راح تنحزف من عندنا <<والله اعلم
واللي راح يكون معانا من مواد الكيميا هيا <<كيميا حيوي +معمل كيميا 281 +كيميا202
لكن مااقدر افيدك بالاساتزه ياعسل لانو لسا ماخدت دي المواد

[bishoo]

إيوة أنا زيك =))
طيب مررة شكرا على كدا بلآش افكر اخدها دحين خليها لـ بعدين لو ماانحذفت ^^"
شكرا ياعسل وياليت الباقين يفيدوني كمان

[لحنـ الصمت]

اتوقع انو كميآء 202 مو بالخطه حق الاحياء

تآكدوو

وعضوي سمعت نفس الشي انها حتنحذف

[bishoo]

لحن الصمت .. كلآمك صح انا مو شايفتها في الخطة !
شكلو مو معانا .. شكلي راح اخد الحيوي ..
بس مين تعرف دكتورة كيميا حيوي كويسة ؟

[لحنـ الصمت]

اذا انتي احياء

مافي الا صفاء تعطي كميا حيوي

[bishoo]

من جد ؟! طيب كيف شرحها و أسلوبها ؟
ومررة شكرا

[همسه،،]

وعليكم السلاام

معمل الكيمياء 281 اخذتها مع الاستاذه فاطمه الشريفي
طيوبه واسلوبها رائع في الشرح وتفهمي معها

اما بالنسبه لكيمياء حيوي مع الاستاذه صفاء
فهي تعتمد ع السلايدات يعني الكتاب مو مهم
وتترجم الكلمات مع شرحها

توزيع الدرجات:
الدوري الاول 15
الدوري الثاني 15
الهومورك 5 درجات
النهائي 40

[bishoo]

شكرا همسة .. الله يديكي العافية =))