الحذف والاضافه...؟؟

[NANA-YG]

مساء/صباح .. الورد عالجميع
بما ان الحذف والاضافه عالابوب..
حابه اعرف افضل الاستاذات في هذي المواد..
مالية شركات..
متوسطه 1..
تكاليف 1..
تجارة الكترونية..
وافضل مادة اختياريه ومع مين اخذها..
وبالتوفيق للجميع...

[tiiito0o]

اقدر افيدك بالماليه بس افضل وحده سحر مهران وبعدها نسمه لكن لاتفكري حتى انك تاخذي مع خديجه حريري
ابداااااااااا ابدااااااااا سببتلي عقده هالادميه كرهتني باادارة الاعمال

[MERoOo]

محاسبة متوسطه
شوفي يا عسل متوسطة أخذتها مع د : سحر الجبروني ..
أسلوبها في التعامل مررررة يجنن والشرح حلو وحتى إختباراتها هوا النصفي اللي أغلب البنات خبصوا فيه ..
وكان تقسيم الدرجات 25 دوري أول 30 نصفي 40 نهائي 5 واجبات ومشاركة ..
وصحبتي أخذتها مع د : عيشة تقول كويسه برضوا في دي المادة ..
بس خلي بالك المادة كلامها مررررة كثير وتطفش الله يعينك عليها : ) ..

محاسبة تكاليف
أكيد بدون تفكير روحي مع أ : ريم صقر ..
المادة أنا شايفتها مررررة حلوة وممتعة مع أ : ريم مع أي أستاذة تانية مو حلوة..
وصحبتي أخذت مع د : عيشة تقول مرررررة مو كويسة في دي المادة أتوقع الدوري التاني كان مرررة طويل والوقت ماكفاهم ..

مالية شركات
أخذتها مع د : سحر مهران ..
الإختبارات والشرح كلوا تمام معاها ..
بس شكلها ماتعطي في المشاركة كامل لأحد عشان دايم البنات ينخسفوا معاها في الدرجة النهائية ..

تجارة إلكترونية
هآخذها دا السمستر ان شاء الله ولسه مو عارفة مع مين !!

بالنسبة للإختياري أنا أخذت تسويق بس ما أنصحك فيه ..
وأخذت استثمار فيه بنات كتير يقولوا حلو بس أنا ماعجبني ..

يقولوا مادة أخلاقيات عمل حلوة بس أنا ما أخذتها ..
موفقة ياربي ~

[NANA-YG]

tiiito0o...MERo0o

شكرا عالرد..

.. واتمنالكم التوفيق ^_^

[NANA-YG]

مين الأفضل لـ متوسطه ..نهال الجندي أو عيشة عوض..

[NANA-YG]

للرفع

[NANA-YG]

بنات حابة اسألكم عن مادة محاسبة مالية متقدمة لأنو نزلتلي في الجدول وابغى اعرف افضل استاذة وكيف الماده

او اغيرها بمادة اختياريه (استثمار)

بليز ردو قبل ما يبدأ الحذف والاضافة

[hadoly]

نهال افضل من عيشه

[NANA-YG]

^^^
تسلمي ياعسل وربي يوفقك ..بس كثير يقولو نهال شرحها حلو واسئلتها مو مره وتخسف الدرجات..
ويقولو عن عيشه ان شرحها مو حلو بس اسئلتها سهله << حيروني عاد ان شاءالله تتيسر