طالبات كلية التصاميم والفنون ؛ أتمنى مساعدتكم ليا ؟؟

[منولة جده]

السلام عليكم ورحمة الله وبركاته

أنا طالبة انتساب حاولت أتصل اليوم الصباح على وكيلة كلية التصاميم والفنون د. أنهار
لكن ما ترد ..

أنا أبغى أحول انتظام في هاذي الكلية وطلبي إنو وحده منكم تسأل د. أنهار هل في مقاعد شاغرة ولا لأ ؟؟

وشكــــراً

[dr.yaz]

up
up
وانا كمان نفسي احول انتظام ع دي الكليه
ويا ليت تخبرونا كم المعدل المطلوب؟

[عزة نفسي_تكفيني]

وعليكم السلام ورحمة الله وبركاته

حبيبتي هذي مسئوليه العمادهـ روحي راجعيهم

وقولي انكـ تبين التصاميم والفنون

اتوقع انه فيه مقاعد وان شاءالله يكون فيه

وهذا ايميل دكتورهـ انهار ان شاءالله ترد عليكي

asindi1@kau.edu.sa

[منولة جده]

المعدل المطلوب لـ هاذي الكلية ما أعرف بالضبط لكن يقولوا تقبل معدلات من 3 وفوق
مع إنو طالبات الانتظام بعد السنةالتحضيرية اللي معدلاتهم نازلة من 2 وفوق
قبلوهم فيها لكن احنا انتساب ما نعرف كيف الوضع إن شاء الله نتحول :)

عزة نفسي ..

شكراً لتجاوبك بس أنا أرسلت لها أكثر من رسالة لكن ما ترد :(

[الشاعرة الحنونة]

حبيت أفيدكم

بالنسبة لكلية التصاميم والفنون

أنا كانت من اختياري.

وأمس كنا هناك أنا وزميلتي عشان نحول لـ ديكور داخلي

فرحنا عند وكيلة الكلية الدكتورة أنهار جزاها الله خير تجاوبت معانا وتعاملها كان جداً راقي

المهم قالت قسم الديكور الداخلي راح يفتح التيرم الجاي يعني تقريباً على السنة الجديدة

لأنه الكلية تنقسم اتنين ( الاقتصاد المنزلي): تغذية، نسيج ، تصميم داخلي

والكلية الثانية ( كلية التربية الفنية ) : فن ورسم ونحت .... الخ

وعلى حد علمي أنهم يقبلوا معدلات من 3 يعني ماهم طالبين معدلات عالية

لأنه مثل ماقالت الأخت اللي قبل ان اللي جايبين معدلات مش ولا بد ينقلوهم هناك

وعشان تآخذوا فكرة أكثر يمديكم تروحوا للكلية وتسألوا بنفسكم

والله يوفقكم لكل خير ويسهل لنا أمرنا أنا وصديقتي وكل البنات

[منولة جده]

الشاعرة الحنونة
الله يعطيك الصحة والعافية

[Snow White2020]

حبيبتي إذا تبي تكلمي دكتورة أنهار سندي لازم تجي الكلية لأنها مررره مشغوله ما أتوقع بترد لا ايميل ولا جوال وبالنسبة للمعدلات أنا أشوف كثير جايبين 2 ويقولوا انقبلوا يعني ما بيطلبوا الكلية معدلات عالية القسم الوحيد إللي كانوا يطلبوا له معدل التغذيه وخلاص بيقفلوه.