لا تحرمونا من أرآئكم =)

[حويزم]

سلام عليكم
كيف الحال عساكم بخير
أنا صراحة كان ودي أدخل هندسة بس الي شفته هنا في تحضيرية من تعقيد وحوسة وخصوصا في المواد العلمية مثل رياضيات والفيزياء وبقية المواد وغير كذا من التشديد الي سمعته في كلية الهندسة وتعقيد الي فيها والي جلس 6 سنين عشان تخرج ولي تخرج ومعدله عل حافه وأمور كثير غيرها فا صراحة شفت البديل إلي يناسبني والي ملت له اكثر بعد الهندسة هي كلية الإدارة والإقتصاد فا اش رايكم بكلية الإدارة والإقصاد وكيف راح يكون مستقبلها فا يليت إلي عنده خلفيه عن هل شيئ يلت ما يبخل عليا فا ابغا رايكم وشوركم
وسلام عليكم =)

[مَـزٍآج ..}..]

اولآ لآ تتخلى عن طموحكـ ..

ثآنياً صدقني التحضيري دايما يكون حوسسـه ومو منظم .. لكن إن شآء الله مجرد دخولك

لكلية معينه الأمور راح تكون مرتبة اكثـر .. انا اقولك كدآ عشان لآ تحكم على مستقبلك

على هالشئ .. وفيه شغله انك ذكرت انك سمعت انو في كلية الهندسه فيه تعقيد !!

هل راح تحدد مستقبلكـ على كلمه سمعت ؟

او انه فيه ناس تخرجت بعد سته سنين ومعدلهم واطي ..

طيب انا اعرف ناس تخرجوا من الهندسه وجوهم شركآت قويه وهم لسه في مقآعد الدرإأسه وتعآقدوا معآهم ..

انتبه تسمع للكلآم السلبي ترآ يؤثر على نفسيتكـ بشكل كبير وما تتصورهـ ..

مجرد نصيحه وإأصل على طموحك . . وحآول مره واثنين وعشرهـ ..بكره توصل للي تبغآه .. !!

[ابر ماس]

اذا طموحك من اول الهندسة فلا تتخلى عن طموحك وتغير رأيك عن كلية الهندسة
لمجرد كلام الناس او تجارب السنة التحضيرية ومثل ماقال أخونا مزاج السنة التحضيرية دايما مو منظمة
أما بالنسبة لكلية الاقتصاد والادارة فأبدا مو سيئة ومستقبلهامرة حلو لكن أرجع وأقول لمن تدخل التخصص
الي انت ترغبة صدقني رح تنجز وتبدع فيها مهما كانت الصعوبات ...
والله يكتبلك الي فيه الخير ...تمنياتي لك بالتوفيق..

[Ahmad-k-92]

اخووووووي نصيحه لوجه الله تعالى ,,
انا نفسي ادخل طب او هندسة طيران ..
صح معدلي نقص وتلخبطت وعلى فكرة انا من الرياض جاي وتركت اهلي كنت اقدر ارجع للرياض واقدم على سعود
بس صدقني تحديت نفسي مايأست . انشاء لله انتا خليك على طموح وربي يوفقك وربي ما ينسى احد ولاتنسى (( لاتقل يا ربي عندي هم كبير بل قول يا هم لي رب كبير )) واسعى على حلمك وربي بيوفقك ,,,,

[6flah]

يا خوي الادارة والاقتصاد حلوو للي يبيه ويحب هالتخصص مب لاحد خاف من التحضيري كذا حتى تحضيري مارح تعديه الا عالحافه ... لازم تكون عارف مستواك


يعني بالله بتدخل ادارة لانه اسهل ليش مين قالك انه في اشياء سهله في الدراسة كل شي يبغاله جهد وعلم واراده واذا كنت تتراجع من ابسط كلمة فانا اقولك انت ما دخلت الجامعه بالغلط ... حدد هدفك واتعب ... واذا ما تبي من البداية ليش تتعب نفسك بالدراسة ...

اذا انت تبي تدخل ادارة عشان تتميز فيه فانا مؤيده لك حلوه الادارة ... واذا كنت بتدخله عشان درجات بتجيبها وبس فبقولك انت مو بالثانوي ... لازم تتعب لازم تطيح لازم تمر عليك لحظات تحس فيها انك تايه بس تتخلى عن هدف او بالاصح تهرب ليه !!!


وبعدين لييش تصدق كلام الي يقولون لك تعقيد وما تعقيد صدقني الي يسمع كلام الناس ما يعيش الا وراهم ... يعني تبي تقولي انك تاثرت بكلام ناس قالولك الهندسة صعبه ولا الاختبار كان صعب من غيير حتى ما تشوف رايك الشخصي بحالك ... كذا بس سمعت وخفت !! فانت وش عرفك بمستويات الي كلموك !! شطار .؟. مهملين .؟. يسيدي حتى لو دكاترة محد رح يقولك خلك احسن مني ...

... انا ما افهم ف الهندسة بس اذا كانت ارادتك من زمان وفيها مميزات اكثر من الادارة والاقتصاد ... ولاحظ كلمة اكثر .. لان اغلب الناس بيدخلو ادارة واذا تبي تتميز لازم تكون احسن من الكل ...

باختصار اذا كنت حاب الهندسة بس تعب التحضيري غيرلك رايك فالطبع يغلب التطبع ... رح ترجع لعقلك بعد التحضيري ... وصدقني رح تندم ... والي يقولك الهندسة صعبه فبالنسبة له مو لك وبعدين عادي كلما كان الشي صعب فمن صالحك انك تتجاوزه ولا ما كان في شي اصلا اسمه نجاح وفشل ... اما الادارة ان كنت اقتنعت بفكر احد غيرك وحبيت تطبقه فلازم تعرف ان مستقبلك اولى بفكرك انت لانك انت الي رح تعيشه ... واذا كانت نابعه من ارادتك فبرضه حلوه الادارة ومستقبلها حلو ...



آآسفه عالاطالة بس حبيت افيدك برايي ... والاستخارة فيها الخيرة ... استشير ربك بالاول ثم نفسك وبعدين اسمع كلام الناس ... موفق اخي ...

[king good]

روح التخصص اللي تتمناه يا اخوي
بس حبيت اسالكم اللي ينقبل في كلية الهندسه في شمال جده وبعد سنه يبغى يحول الفرع الرئيسي يقدر

[حويزم]

مشكوورين أخواني والله يعطيكم ألف عافية ماقصرتوا
وإن شاء الله كل واحد فيكم يدخل التخصص إلي يبغاه وإلي يطمح له
وأنا أخترت الإدارة بعد الهندسة مو لأجل أجيب درجات عالية أو عشان أتخرج بمعدل عالي
أخترتها لأنه يمكن شفتها أنسب تخصص ولي ملت له بعد الهندسة
وأعيد وكرر يعطيكم العافيه على مشورتكم وعلى أرائكم وعلى تشجيعكم لي
والله يكثر من أمثالكم =)

[Bloody Soul]

أنا على سبيل المثال أبغى الطب وبشدة رغم ان مستواي حالياً ما يسمح
وفي نفس الوقت أحب علم الارض ><"

يعني مدري وش فيه !

[حبيبتو]

اخوي نصيحة لاتدخل ادارة واقتصاد
والله اعرف واحد من اقاربي تخرج من دا القسم وللحيييين جالس في البيت كل مايقدم مايلقى وضيفة
اخر شي راح بعثة برا
يعني مااااالو مجال ابدن
خلك ع الهندسة واستعن بالله
وربي يختار لك اللي فيه خير لك
دعواتي لك

[حويزم]

مشكووورين حبايبي على كلامكم
وبحط هندسة وبعدها ادارة لكن اذا لا سمح الله ماقبلوني في الهندسة مالها إلا الإدارة عاد وش نسوي الشكوى لله =(