غاسل ٍ كفـي مـن مصافحـة بعـض اليديـن .. وقافـل ٍ بوجيـه أهلها صناديـق البـريـد ~

[عروقي شماليه]

غاسل ٍ كفـي مـن مصافحـة بعـض اليديـن ..
وقافـل ٍ بوجيـه أهلها صناديـق البـريـد ~

وشايف ٍ شي ٍ لي أعوام مالـي فيـه عيـن ,.
وقاطـع ٍ خيـط الهقـاوي بسكيـن الوكـيـد ~

وخالص ٍ من طيـب ضـن ٍ موهقنـي سنيـن ..
وظاهر لي عقب عرف العـرب عقـل ٍ جديـد ~

وطايح ٍ من عيني ارجال عنـدي كـان ويـن ..
وحاقـر ٍ منهـو يقـيـس الأوادم بالرصـيـد ~

ومحتمي ٍ من غدر الأصحاب في حصن ٍ حصين ..
ولابس ٍ لرماح الأقراب ثـوب ٍ مـن حديـد ~

وماضي ٍ منـي علـى اللـي تمشينـي يميـن ..
ما تجي منهو قريـب ٍ والـى احتجتـه بعيـد ~

المواقـف تشخـل النـاس والطيّـب يبـيـن ..
كل عـام يطيـح تسعـه ويصفـا لـي وحيـد ~

اشهد أن خيـر المـدارس تجـارب الأولين ..
واشهد ان راي التجارب هو الـراي السديـد ~

واشهد انـي للبـلاوي علـى الدنيـا مديـن ..
كـل مـا راجعـت نفسـي طلعـت المستفيـد ~

وانت ياللي عقبك الزين بيـن البيـض شيـن ..
مستحيل يطوفك الشعر وانـت اصـل القصيـد ~

القصيـده فـي عيونـي بدونـك مـا تزيـن ..
لازم ان اجيـب طاريـك يـا ملـح النشـيـد ~

انت ياللي مـن بطيـن الفـؤاد الـى الاذيـن ..
والله ان حبـك مـع الوقـت ما ينقص يزيـد ~

في غيابك لـك محبـه ولـك شـوق وونيـن ..
وفي حضورك شف عيوني كلامـي مـا يفيـد ~

اقهـر الضيقة بذكـراك مـن حيـن لحيـن ..
وانثر دموعي على الوصل مـن عيـد ٍ لعيـد ~

لك غلا ً سبحـان ربـي ملـى الدنيـا حنيـن ..
ولك وفا ً سبحان ربـي مكـن فالكـون غيـد ~

شف مكانك فـي مكـان ٍ عـن العالـم دفيـن ..
في مكان ٍ مـن ورى مثـل عيـدان الجريـد ~

مكرم ٍ حبـك ولـه فالحشا سمـن وسميـن ..
يقدع من الحـال واصـب لـه بـن الوريـد ~

افتضحت مـن الهواجيـس بـك فالمسلميـن ..
كل من سولف علي قلت له وش قلت؟ ..عيـد ~

الهوى سجن العشاشيـق وأنا لـك سجيـن ..
وودي ان سجني مؤبـد ولـي حـارس وقيـد ~

عزتي لي مـن فراقـك عسـى ربـي يعيـن ..
ادري انه فـي طريقـي ولـو وصلـك مديـد ~

صابر ٍ غصبا ورى الخشم لو جرحـي مكيـن ,
ودي افعـل لكـن الله يفـعـل مــا يـريـد ~



للشـآعر/محمد بن فطيس المـري

[سنفورة موت]

مررة يسلموو ياعسل جوناان صراحة صراحة شاعر راقي

والله صادق كلامه درر

[مدااااااااااوي2010]

وخالص ٍ من طيـب ضـن ٍ موهقنـي سنيـن ..
وظاهر لي عقب عرف العـرب عقـل ٍ جديـد ~

[موت اهواك]

غاسل ٍ كفـي مـن مصافحـة بعـض اليديـن ..
وقافـل ٍ بوجيـه أهلها صناديـق البـريـد ~

.. صــح لســـآآآآن شـــاعرنـــا ..

.. كلمـــاااات غــالبــا ما اتخذتـ محلـــهـــا بهـــالـزمـــــن ..

.. يسلمـــووو ع النقــــــل الــرااااااااائع ..

.. يعطييييييييييييييييكـ أإأإلـــــــف عاااااافيـــــــــهـ ..

.. دمتــــــــي .

[الدكتور المحتار]

كلام جدا روعه