الطب لغير السعوديين والتحويل لكلية ابن سينا.. (مخآلف تم تعديله)

[sarona11]

بالله عليكم ابغى فزعتكم...ساعدوني
الموضوع هو
إنو نفسي أدخل طب
بما اني غير سعودية وجامعة الملك عبدالعزيز ما تقبل الغير سعوديين للطب
فانا قررت احول لكلية ابن سيناء
بس أنا سمعت إنو كلية ابن سيناء غير معتمدة ،لإنو كمان أول دفعة تتخرج هي العام
وكمان
المشكلة اللي حصلت للطلاب سنة الإمتياز (إنهم كانومجبورين يدفعوا مبالغ من أجل الحصول على سنة الإمتياز بدال ما هم يعطوهم رواتب)

يعني احس إنو الكلية مالها سمعة تشجع الواحد يلتحقها، وغير كذا ضياع للسنين والمال.
(معليش طولت معاكم بس مالي غيركم بعد الله سبحانه وتعالى)

السؤال:
هل ألتحق لكلية ابن سيناء ولا لا؟
وهل المعلومات اللي ذكرتها صحيحة؟؟
وكيف دراستهم جيدة أم لا؟

أبغى مساعدتكم ومعلوماتكم

وعذرا على الإطالة وجزاكم الله خيرا

[6flah]

اهلا اختي سارونه

لا تسمعي الا من مصادر موثوقة عشان ما تتعبي ...

كلية ابن سينا تم اعتمادها حديثا بناء على كلام اساتذة بيدرسوا في جامعة الملك عبدالعزيز ويقولو ازا في مجال احد يدخل هالكلية فهي فرصة ممتازة ....

اما من ناحية طلاب الامتياز فوالله ما عندي علم بس ما قد سمعتها هالمعلومة حاولي تتاكدي ...

اما دراستهم فعلى حسب قدراتك ورغبتك انتي .. لا تصدقيي احد مستواه متدني يقولك صعبة ولا احد مستواه عالي يقولك دراستهم مو ذاك الشي في النهاية هي مجرد كلية تعطيكي معلومات زيها زي غيرها وانتي الي تحددي مستقبلك ...


بالتوفيق خيتوو

[محمد بن عيضه]

أختي اذا أمك سعودية أعتقد ممكن تتلتحقي بكلية الطب بجامعة الملك عبدالعزيز
وبالنسبة لكلية ابن سينا فحسب اللي اسمعه انها كلية ممتازة

[روووني]

ابن سينا ممتااااااازه جدا بعد عزوز وازا تبغي تستفسري اكتر ادخلي منتداهم

[sarona11]

والله ماقصرتوا يا بنات
جزاكم الله خيرا