ساعدوني في مذاكرة المهارات اللغوية؟(عنوان مبهم تم تعديله)

[اما عاد انا بدرس]

حيالله كلن بأسمه

يالربع وش الحل في اللغة العربية الي هي (المهارات الغويه)

اذ فتحت المذكره جتني حموضه مع اكتئاب
والله يازين الرضيات عندها
احد عنده حل .. او رقم مدرس .. المهم وشلون نفهمها
الاختبارات قربت ومابعد سويت شي في هالماده

فزعتكم لاهنتم
اخوكم مزنوء :(

[عبابو]

ذكرتني بحالتي في الفصل الأول

يجيني اكتئاب منها واقول يازين المواد الثانيه

بس شد حيلك فيها وتحملها وجب مدرس لاتجيب العيد مثلي

[اما عاد انا بدرس]

افا جبت العيد فيها

اجل شكلي ابجمع ارقام المدرسين الي ملزقه على البقالات وادق عليهم :)
الله يستر ونعدي هالترم على خير

اذا احد عنده مدرس مجرب لايبخل علينا

[صدى القمم1]

ادخل دورة سنترا مفيدة جدا احسن لك من تضيع الوقت بين المدرسين

[بدري عليك]

لامدرسين ولا ملخص للعربي ولا شي عندك القاعده افهمها واحفظ على كل قاعده مثال لانه راح تجي زي كذا انا كنت خايفه منه زيك وشلت همه واخذت ملخص وسهل علي شوي ورجعت للكتاب طبقت عالامثله احسه صار سهل لاحد يخوفك ويقولك صعب وربي كنت شايله همه والحين الحمدلله احس اني فاهمه نصه باقي لي قليل واختمه وبكمل بنفس الطريقه الامثله اللي تجيك بالاحمر حطها قدام القاعده او حتى الشرح اللي يجيك تحت حاول تفهمه والله يوفقك يارب

[اما عاد انا بدرس]

المشاركة الأصلية كتبت بواسطة صدى القمم1 ادخل دورة سنترا مفيدة جدا احسن لك من تضيع الوقت بين المدرسين

السنترا لازم تسجل بدري .. واتوقع انها انتهت والله اعلم

يعطيتس العافيه

[اما عاد انا بدرس]

المشاركة الأصلية كتبت بواسطة بدري عليك لامدرسين ولا ملخص للعربي ولا شي عندك القاعده افهمها واحفظ على كل قاعده مثال لانه راح تجي زي كذا انا كنت خايفه منه زيك وشلت همه واخذت ملخص وسهل علي شوي ورجعت للكتاب طبقت عالامثله احسه صار سهل لاحد يخوفك ويقولك صعب وربي كنت شايله همه والحين الحمدلله احس اني فاهمه نصه باقي لي قليل واختمه وبكمل بنفس الطريقه الامثله اللي تجيك بالاحمر حطها قدام القاعده او حتى الشرح اللي يجيك تحت حاول تفهمه والله يوفقك يارب

انا عندي استعداد اني ادرس وافهم
بس فالبداية ابي احد يمسكني اول الخط
وبعدها ماعندي مشكله ..
على العمومز من وين اقدر اشتري الكتاب ؟
من جرير ولا من العبيكان .... الخ

يعطيتس العافيه خيتوا

[بدري عليك]

انا والله كنت شايفته صعب وملخبط والبنات خوفوني منه بس لما اخذت الملخص حسيته سهل لي هو صرت لما امسك الكتاب افهم وش فيه مو زي اول اتنح ولا ادري من وين ابدا

الكتاب اخذته من خوارزم

[اما عاد انا بدرس]

اما التتنيح لابد منه :)

الكتاب اخذته من خوارزم

وينها فيه هالمكتبه
من جد اول مره اسمع فيها !

[اما عاد انا بدرس]

سويت بحث عن المكتبه صارت في جده :(

ياليت احد الاخوان او الاخوات الي فالرياض وسبق ان اشتراء كتب
يعلمنا من اي مكتبة لاهنتم