مع اقتراب قفل التسكييين =|

[bayan sait]

يا جماعة بس احتاج كلام يريحني =( مو قادرة اذاكر كيمياء بالي كلوو مع التسكين و التخصصات و الهرجة دي كلها

دحين الحمد لله احس اذا حطيت طب بشري رغبة اولى بإذن الله تكون نسبة القبول مرتفعة عشان المواد اللي طالبينها في الطب تقريباً كلها A+ أنا احب العلاج الطبيعي و الطب البشري بس العلاج اكتر صح الطب حلو و كل شي و مرتبتو الوظيفية اعلى و مره محتااره طب بشري و علاج طبيعي و اللي عرفتو من كتيير ان الطب لازم الواحد يحبو و يكون مررره راغب في عشان يتحمل اشياء كتير عشانو و يكمل لآخر المشوار و استخرت اكتر من مرة و لسا محتارة للحظة الاخيرة
i think i need a help

[طارق الحارثي]

خذيها مني

تتعبين في الطب وتطلع عينك .. وتصيرة دكتورة ..,
احسن من انك تتعبي وتتطلع عينك وتصير اخصائية

وجهة نظظر
وصدقيني اذا دخلتي علاج طبيعي ... في نسبة كبيرة انك تندمي انك فوتي الحاجة الكبيرة الي هي الطب

[MeeNo92]

شوفي يا قمر

أنا عندي زي تقدري تقولي قاعدة ماشية عليها

إنو الإنسان اذا بيسوي الشي اللي يحبو, راح يقدر يبدع في


إذا إنتي شايفة انو انتي حابة العلاج الطبيعي وطبيعتو اكثر, فبرأيي أنا حطي علاج طبيعي

أشوف ناس كثير كذة, يكونو مثلا يحبو الكيميا والا الفيزيا ومررررة نفسهم فيها بس يقولو لا مالها مستقبل

الواحد يصنع مستقبلو بنفسو , يقدرو يتخصصو فيزيا والا أييي تخصص نفسهم في ويكملو ابحااث فيلو ويطلعو أحسن من اللي دخل طب والا اي كلية صحية

انتي طبعا استخيري..

بس انا عن نفسي ما يعجبني انو الواحد يدخل تخصص بس عشانو اسما حلو والا عشان وظيفة ..

يقعد الواحد طول عمرو يشتغل في حاجة ماهي عاجبتو, شي ماهو حلو

وجهة نظر.. ~

[الدكتور المحتار]

بعد الكلام اللي قالتو مينو
مافي كلام


ادخلي التخصص الي انتي تحسي انك تبدعي فييه اكتر



موفقه

[بيشووو،،]

بصرآحة انا افضل انك تدخلي الشي اللي انتي تحبيه ..

عشان تبدعي وتتميزي فيه ..


العلآج الطبيعي مررررررة حلو وممتعة دراستو ..



ولو مستقبل .. مو شرط اللي يدخل الطب هوا التوب .. في ناس بتتخرج بمقبول..


اهم شي انو طب يعني ...!!


وكلها مجالات صحية وانسانية ...


~طبعا استخيري والله يختارلك اللي في الخير يآرب....

[مكعباات عبودي]

الله يكتب لك اللي فيه الخير

[فتى تثليث]

المشاركة الأصلية كتبت بواسطة طارق الحارثي خذيها مني تتعبين في الطب وتطلع عينك .. وتصيرة دكتورة .., احسن من انك تتعبي وتتطلع عينك وتصير اخصائية وجهة نظظر وصدقيني اذا دخلتي علاج طبيعي ... في نسبة كبيرة انك تندمي انك فوتي الحاجة الكبيرة الي هي الطب

صح ممكن تدخل الطب وتطلع عينها وتصير دكتورة وتلعن اليوم الي دخلت فيه طب لانها دخلته بدون رغبة ..
اولا وآخراً الرغبة اهم شئ ..الرغبة وحب التخصص عاملين من عوامل النجاح .. والله الواحد تمر عليه ايام صعبه بس الي يصبره انه يحب تخصصه ..
شوفي اختي حطي التخصص الي يعجبك وتشوفين نفسك فيه ..
والله يوفقك وتقبلي مروري...

[BlackX]

صح إنو مره مهم تدرسي الشي الي تحبيه عشين تبدعي فيه ..

بس إنتي قولتي تحبي الإتنين بس العلاج أكتر

بما إنك تحبي الاتنين يعني حتبدعي فيهم كلهم لانك تحبيهم .. لو فكرتي من ناحيه عمليه اكتر

الطب ليه مستقبل مضمون إن شاء الله 100%

وأسالي أمك وأبوكِ إذا محتاره مره الي يشوفو الأحسن ليكي بيكون فيه خير إن شاء الله .. موفقه

[سماء صافية]

اول شي انا حآآآبه اقولك حاجه انو سالفة والله مو قادره اذاكر كيمياء بالي مع التسكين بس ياعسسل لازم تذاكري وتجيبي ‏a+‎لانو كل التخصصات الطبيه تقريبا طالبه الكمستري كذا....

ثاني شي انا اشووف انك تدخلي اللي تحبيه اكتر ومن قال انو الاخصائي مالو مستقبل بالعكس تقريبا هوا والطبيب واحد...
ومثل ماقالوا انتي تصنعي مستقبلك بنفسك مو تخصصك يصنعك<<اتمنى فهمت عليا ^_^

[ننو!]

انا زيكـ محتاره بس مره الطب بعيد عني =)

محتاره بين علوم وادآره واقتصآد

< احس العلوم لها مستقبل وومكن امشي فيها واحس اني ح ابدع في الادآرهـ

بس ماني قادره اقتنع اني اهم شي ابدع وخلاص

ايش الفايدهـ ابدع واسنتر في البيت كآني ماسويت شي


=(