خطط كل طالبة بالاجازة

[ركن المشاعر]

السلام عليكم ورحمة الله وبركاته

كيفكم يا حلوين,,


على اساس اننا مخلصين دراسة وبعد دوخة الامتحانات اش خطط كل وحدة تسوي باجازتها عشان نستفيد من خطط بعض وله تروح الاجازة بقلة صنعة
ادري انو مكان الموضوع مو هنا بس برضو اللي نسوي شيء يعتبر تربوي ويفيد طالبات بنفس العمر ونفس النشاط
ياليت تتفاعلو معايا وكل وحده تدخل تقول اش حتسوي
اجااااازة سعيدة ومفيدة

[مجنونه وجنوني عاجبني]

اخطط اني انجح < باللهيَ

والله انتظر نتايج المواد البقية تطلع ومسافرين لعند اعمامي

وعاد اجازة وحوسه وزواجات ويوووووووووووووووووووووووووه

الله ينجحني وتصير اجازة سعيده يارب

واتمنى اني اخذ دورات تصميمية للصور والمواقع . احب اكون خبيره بهالمجال

اخذ دورس ف النت بس احسها غير كافيه .. ابغى اتعلم اكثر

..

اتمنى لك اجازه سعيده :$

[الملاك الأبيض]

مرحبا اختي ركن المشاعر موضوعك حلو وقيم جدا وممكن نستفيد من افكار بعض انو وحدة تسرق افكار التانية وتطبقها خخخ والكل يستفيد >> ويابخت من نفع واستنفع

امم بالنسبة لي اتوووقع هاي السنة ماراح يكون في سفر لاي مكان وراح نبقى في جدة البهية . ولكن انا عادة احب اقضي وقتي بالقراءة سواء كتب عربي او اجنبي وانا الحمد لله حضرت كم رواية عشان هذا الموضوع .

امم رواية مرتفعات ويذرينق ورواية الدارة فوق التل . وطبعا رواية الف ليلة وليلة بالعربي مرررررة حمااااس وتخلي الواحد يندمج مع القصص . خخخ

وطبعا باذن الله اتصفح بعض المواقع حتى انمي لغتي الانقلش اكثر لانو مانستغني عن العلم والاستزادة في بحوره

جعلنا الله ممن ينفعهم بعلمه ويعلمهم بما ينفع . آمييييييييين

وبس هذي كل خططي وماذا عنك ياركن المشاعر ؟

[ركن المشاعر]

جنوني
حلوة فكرتك بالنسبة للدورة حق التصميم شيء حلو بس فين تلاقيها هذي ؟
وان شاء الله تطلع كل درجات بنجاح ونفرح بك الجميع

[ركن المشاعر]

الملاك الابيض فكرتك حلوة
بس طفشنا من الكتب نبغا شيء ثاني
انا والله مرة اقول بروح نادي ومرة اقول بدخل معهد فرنسي مو عارفة اش براسي بالضبط عشان كذا فتحت الموضوع وناخذ افكار ونسرقها من بعض على قولتك ههههه

[LAURA H]

حلو موضوعك اختي ركن المشاعر واللي عجبني اكتر انه نسرق الافكار من بعض..

أنا عن نفسي حابة أخد الروايات والقصص المطلوبة مننا السمستر الجاي وراح اقرأها وافصفصها لانه زي مانتي عارفة لازم نيجي المحاضرات واحنا خلاص فاهميييييييين كل شي,, صحيح انه ملينا من الكتب والمزاكرة بس مافي بديل غير دا الشي ولا لا؟؟!!

[مجنونه وجنوني عاجبني]

المشاركة الأصلية كتبت بواسطة ركن المشاعر جنوني حلوة فكرتك بالنسبة للدورة حق التصميم شيء حلو بس فين تلاقيها هذي ؟ وان شاء الله تطلع كل درجات بنجاح ونفرح بك الجميع

في المعهد السعودي البريطاني سمعت انه فيه الدوره ذي

ولسه ادور واشوف الانسب ولو لقيت شي حقولك ..

[مجنونه وجنوني عاجبني]

المشاركة الأصلية كتبت بواسطة laura h حلو موضوعك اختي ركن المشاعر واللي عجبني اكتر انه نسرق الافكار من بعض.. أنا عن نفسي حابة أخد الروايات والقصص المطلوبة مننا السمستر الجاي وراح اقرأها وافصفصها لانه زي مانتي عارفة لازم نيجي المحاضرات واحنا خلاص فاهميييييييين كل شي,, صحيح انه ملينا من الكتب والمزاكرة بس مافي بديل غير دا الشي ولا لا؟؟!!

الله يسعدك يا شيخه .. احوبها دي البنت هههههههههههههههههههههه

سيبي الدراسه شويا .. وصفي ذهنك لين على نهاية العطله قومي اقريها اول اقل شي على نصها

مو من بدايتها .. عطلي يا بنت احسنلك

[LAURA H]

ياااااااا عسل انتي مييييييييين قالك من اول الاجازة اني بزاكر.. قالوا لك عني مو بشر ولا ايششششش؟؟!!

أصلا كل سنه اقول نفس الكلام وبعدين مااسوي ولا شي
بس هذه السنه قررت من جد لازم اقرا القصص بس مو من اول الاجازة يعني كدا بعد رمضاان>>> لا يا شيخة ايش بقيتي؟؟!!