لكل طالبات الفيصليه اليكم ماحدث اليوم معي في جامعتنا الحبيبه ..

[أنامل مبدعة]

رحت صالة القبول وطلبت بطاقتي ,, سألتني الموظفه خلصتي مطابقه اوراقك وكل شيء؟
جاوبتها ,, ايوه طابقت من ايام المواعيد المحدده لكليه العلوم ,,



اعطيتها اسمي وبدأت تبحث عندها الظاهر في اوراق مو في كمبيوتر مالقيت شيء يخص بياناتي !!!

قالت لي ؛ اسمك مووو مووووجود

في هذه اللحظه طااح قلبي توقعت اني مثل طالب كتب هنا انهم قالو له ان رسالة القبول وصلته بالغلط !!

راحت الغرفه اللي جواا وطلعت بخفي حنين تعطيني ابتسامه بريئه وتقولي ملفك ضايع .. وااو .. الله يبشرك بالخير ^_^

راحت كلمت وحده .. البق بووس حقتهم < اظن انها كذا ..
وجات سألت انتي طابقتي اوراقك ,,؟
جاوبتها ,, نعم !!
سألتني البق بووس , , هل عندك اثبات انك طابقتي اوراقك ؟!

ليش انتم اصلا تعطون اثبات وقت المطابقه ؟ < رديت عليها وعلامة استفهام كبيره فوق راسي ,.

قالت طيب طيب مين الموظفه اللي طابقت اوراقك ,, اخذت لفه ع الموظفات بعيوني ^_^ ,, قلت لها ماهي موجوده ,,

اتسائل لو اشرت ع وحده منهم ,, كانت اش بتسوي ! بتسألها مثلا هذه البنت طابقت ولا لأ ؟ ولا بتقولها طللللعي ملف البنت !

واخذت مني السجل المدني حقي وراحت تواصل البحث عن الكنز ( ملفي ) ,, :)


بعد ماحسيت بوجع في رجولي من الوقفه جات تقول للموظفه الثانيه ملفها ضايع = يعني انها توشوشها هه ,, المهم طلبت بطاقتي الجامعيه ..

قالت البق بوس لموظفه ثالثه فين البطايق ؟ قالت : طيب بدور عليها !! وراحت لدرج تدور ولقو بطااقتي الحمدلله !!! مو ضايعه *___*

طيب اعطيني ياها ؟

لآ مارح نسلمك البطاقه لآنك مقبوله في الفيصليه تستلميها من الفيصليه !

ليش تحبوو كثرة المشاوير والتعب ؟ = قلت كذا في نفسي طبعا فقط ... هههه

قلت لها بكتب لك تعهد بإستلامها واني مسؤله عنها وخلاص ,, قاالت ,, والللللللله ما اعطيييييكي ,,

تآخذيها من الفيصليه .. مع انها للعلم ماسكتها في يدها ههههه !

...
طيب الله يعين ,, نرووح الفيصليه بس متى انتم راح ترسلوها هناك ,, عشان مانروح هناك ويقولون ماعندنا شيء ! روحو السليمانيه ,,,,

قالت لي : مادري ,, شوفي يمكن يتصلو عليكم ولا ماادري راجعيهم < ضحكت بقوه في نفسي هههه قال يتصلو قاال ,, ...

قلت لها كآخر محاوله ,, في بنات في المنتدى ذكروا انهم استلموها من هنا !

طالعت في الموظفه اللي جنبها وقالت انتو سلمتو بطايق الفيصليه ,,, قالت ,,لا !!


وفي الاخير خرجت بالرقم الجامعي والحمدلله اني طلعت بشيء ع الاقل ,,

الله يعطيهم العافيه الموظفات بصراحه تعبو ف البحث عن ملفي اللي ضيعوه !

مو غريب عليكي ياجامعتي الحبيبه اي شيء وسلامتكم ,,,