حبيباتي الموظفات في فرع الجامعة في رابغ والمقدمات على وظايف الاعاة في رابغ

[في غاية النعومة]

حبيباتي الموظفات في فرع الجامعة في رابغ الساكنات في جدة...

أنا الحمد لله جاتني رسالة على جوالي بخصوص ترشيحي لدخول الاختبار والمقابلة الشخصية

لوظايف كلية العلوم الاداب......... وبصراحة في أمور أبغى أعرف فيها راسي من رجليه

قبل ماأتهور وأروح المقابلة على الفاضي وبعدين ماأقدر أوافق على الوظيفة لو كتبها الله من نصيبي

وهي مشكلة الطرررررررريق الطويل 150 كيلو ...هذا غير اللفلفة في أحياء جدة لو الروحة مع

باص.. أنا قرأت في مواضيع قديمة للمعيدات المقبولات في رابغ انهم كانوا بيروحوا مع باص

النواف وبيطلعوا قبل الفجر يعني الباص بيمر على احياء جدة في ساعات الليل المتأخرة والناس نائمة

>>> خايفة هههه

كأنهم مدرسات في التعليم العام الي يبدأ دوامهم 7 ...المفروض الوصول للكلية يكون على 9 يعني

التحرك من جدة الساعة 7 وربع ..بحيث انه الباص يمشي والشمس طلعت والناس صحيت ويكون

تجمع الموظفات على الخط السريع عشان مايظطروا يطلعوا من بيوتهم بدري ويجلسوا يلفوا جدة

كلها في الليل......بصراحة شئ متعب

الغرض من الشرح الطويل هذا كلة ..أنه أنا حابة أعرف طريقة موظفات رابغ الي ساكنين في جدة

في التقليل من طول الطريق ؟؟؟ وكمان ايش الماصلات الي بتروحوا معاها غير النواف؟؟؟

لأنه أنا بابا سأل شركة السعادة فقالوا ماعندهم مانع يودوا بس بشرط اكتمال عدد معين....

معليش على كثرة الاستفسارات بس لو مأعرف أنكم متعاونات ماسألت ...وتذكروا أن بكل معلومة

تقوليها وتساعدي فيها الناس بحسنة....والله يسعدكم ويحقق أمالكم وأحلامكم ياااااااارب

[أنامل مبدعة]

والله سبقتيني بالموضوع

انا كان بودي طرح موضوع عن اعاده رابغ ويكون تجمع للي بيدخلو المقابله .... ولآي شخص سبق وجرب مقابلات او امتحان وظيفه معيد ...... و كل استفساراتي تخص طريقه اسئله الامتحان للعام الماضي وكيفيه المقابله


صح نشيل هم المشوار لكن خلي الوظيفه تجي وبعد كذا الله ييسر امور السياره والطريق ,,,,


الله يوفقك

[في غاية النعومة]

يسلمووووووو أنامل مبدعة على ردك....

لكن مستغربة من موظفات رابغ لية مافية تعاون؟؟؟؟ :(((

و مستغربة كمان من المتقدمات حديثا...معقولة مافكرتوا في الطريق وكيف راح تدبروا

لنفسكم مواصلات....؟؟؟!!!! أنا عارفة أغلبكم بيقول نتوظف أول

صح انو لسى ماتوظفنا بس هذي أمور لازم الواحد يفكر فيها من بدري ...لأنه يكون الواحد مرتاح هذا شرط

أساسي لقبول الوظيفة ...>> بالنسبة لية

اذا كانت الوظيفة عناء فماني مجبورة عليها ..<< هذا رأي

[Rana 79]

هلا قلبي

بالنسبة لي خلاص كافي مشاوير تعبت من مشاوير مكة جدة الطائف جدة

لو ربي كتبها لي بنقل رابغ :) وش حلاتها رابغ ديرة سنعة واهلها طيبين حيل مجربتهم
بس الشي الوحيد اللي شايلة همه المدارس لاني ابغا مدارس قوية لوراعيني حلوة وراعين :)) بس خلاص انعديت من اهل الطائف ههههه

انا اتصلت اليوم وردت علي موظفة وقالت ان مافي سكن صراحة شلت هم بس الله يخلي الايجار

تمنياتي لكي بالتوفيق

[في غاية النعومة]

المشاركة الأصلية كتبت بواسطة rana 79 هلا قلبي بالنسبة لي خلاص كافي مشاوير تعبت من مشاوير مكة جدة الطائف جدة لو ربي كتبها لي بنقل رابغ :) وش حلاتها رابغ ديرة سنعة واهلها طيبين حيل مجربتهم بس الشي الوحيد اللي شايلة همه المدارس لاني ابغا مدارس قوية لوراعيني حلوة وراعين :)) بس خلاص انعديت من اهل الطائف ههههه انا اتصلت اليوم وردت علي موظفة وقالت ان مافي سكن صراحة شلت هم بس الله يخلي الايجار تمنياتي لكي بالتوفيق

يسلمووووووو رانيا على الرد...

والله يوفقك حبيبتي وتلقي سكن مناسب في رابغ..

أما أنا الله يعيني لو انقبلت مافية الا مشاوير :(((

[دلوعه غير]

أهليييين بنوووتات
ربنا يكتب الخير لنا كلنا ياارب

أنا الى دحين مو عارفه ايش حسوي بالزبط يوم الأحد في المشوااار :)

بس اذا انقبلت ان شاء الله ووافقت أشتغل هناك فأكيد حروح وأرجع

بنوتات عندكم خلفية كيف حيكون الامتحان
يعني تخصص والا اسئلة عامة؟

[امرأة بقلب طفل]

انا سألت في الجامعة قالولي الاختبار زي القدرات والتحصيلي كل الي درستيه

[في غاية النعومة]

المشاركة الأصلية كتبت بواسطة دلوعه غير أهليييين بنوووتات ربنا يكتب الخير لنا كلنا ياارب أنا الى دحين مو عارفه ايش حسوي بالزبط يوم الأحد في المشوااار :) بس اذا انقبلت ان شاء الله ووافقت أشتغل هناك فأكيد حروح وأرجع بنوتات عندكم خلفية كيف حيكون الامتحان يعني تخصص والا اسئلة عامة؟

هلا دلوعة غير....

الله يسهلك أمورك ياااااارب..

اي والله صادقة حتى انا شايلة هم مشوار الاحد فما بالك بعد كذا كل يوم..:((

الله يوفقنا جميعاا

[في غاية النعومة]

المشاركة الأصلية كتبت بواسطة امرأة بقلب طفل انا سألت في الجامعة قالولي الاختبار زي القدرات والتحصيلي كل الي درستيه

يسلمووووووو امرأه بقلب طفل...على الرد

لكن ماقلتيلنا كيف حتكون مواصلاتك؟؟

[ن ه ى]

صراحه حزنت عليكم شايفتكم شايلين هم الله يعينكم يارب بعدين شوفو انا مالي بالوظيفه بس انا من سكان رابغ انتم تعالو وابشرو بسعدكم السكن والمواصلات علي
<< ههههههههههه تراني راعية فزعه