بخصوص طلب إجازة الإختبارات من العمل وليس الإفادة ؟؟

[التاجره الصغيره]

السلام عليكم ورحمة الله وبركاته

اخواني ،،

سؤالي هو لما اجي اقدم اجازتي لعملي قبل الإختبارات لازم ارفق جدول الاختبارات لهم ، وبالعادة ولما كنت بالسنة التحضيرية كان واضح يعني خمس مواد وخمس ايام وانتهت السالفة

لكن الحين المشكله انه الأختبارات تبدأ في تاريخ 5/ 2 / 1430 هـ
وانا اول اختبار لي في تاريخ 7 / 2 / 1430هـ

وتنتهي الاختبارات في تاريخ 23 / 2 / 1430 هـ
وانا اخر اختبار لي في تاريخ 19/ 2/ 1430 هـ


يعني مدة الاختبارات 3 اسابيع وانا عندي خمسة مواد بس ؟؟

الاسبوع الأول : الإثنين
الإسبوع الثاني : الأحد ، الإثنين ، الأربعاء
الإسبوع الثالث : السبت

وادارتي تحسب لي بالساعه يعني يوم بيومه ومو متفاهمين أبداً

وش العمل دلوني تكفووووووون ؟ وايش الطريقة في هالحالة

بإنتظار ردكم وشاكره لكم جزيل الشكر

والله يجزاكم خير ان شاءالله

[oJgJI pJLc]

اذا انتي بدائره حكومية ماعليكي منهم ارمي الجدول كامل مع الافادة انك تدرسين بالجامعة ومع السلامة

اما اذا انتي شركة هذي على مزاج الشركة

واذا انتي من اهل جده يختلف النظام

وتقبلي تحياتي

[مقلع بس عاقل]

الاختبارات مدتها اسبوعين فقط تأكدي اختي

[طاغي النظرة]

النظام واضح وصريح لكي يوم الإختبار واليوم الذي قبله للتحضير إجازة ، اما في حالة تتالي مادتين اي على يومين متتاليين فلكي يوم واحد قبلهما فقط إجازة.

[التاجره الصغيره]

يعني وش اسوي ؟؟؟؟؟؟؟؟؟؟؟ مارديتوا علي

عالم الوله يقول حكي


مقلع بس عاقل الاختبارات مدتها ثلاث اسابيع لنا وطابعه الجدول انا ومتأكده


طاغي النظره يعني وش السواة الحين بالضبط كيف اقدمها ؟؟

[العلم والعالم]

أنا مثل وضعكـ منذو 3 سنوات

وطريقة الإجازة هي أني أخذ إجازة إختبار لليوم اللي فيه إختبار واليوم اللي لا يوجد فيه إختبار أخذه إجازة من حسابي إما إجازة عادية إو إضطرارية أو بدون مرتب

الفصل ذا عندي 5 مواد على إسبوعين لذلكـ 5 أيام إجازة إختبارات و5 أيام إجازة عادية

[asth101]

ادخل على الأدوس واطبع الأفادة الخاصة بتكليف تأدية الاختبارات
وبعد الاختبارات بأسبوعين إلى ثلاثة اسابيع تطلعلك في الأدوس تأدية الأختبارات
بعدين اطبعها ويصدرلك مدير شؤون الموظفين بالعمل إجازة تأدية الأختبار

[التاجره الصغيره]

asth101

هلا وسهلا اخوي

للأسف انا طبعت الإفادة الخاصة بالإختبارات لكن طلع لي الجدول من 3/2 إلى تاريخ 17/ 2
وانا اخر اختبار لي في تاريخ 19 / 2

وش العمل

[ولد الشيوخ]

التاجره الصغيره اجازتك تبدا من يوم بدايه الاختبارات الافاده فيها انك كنتي في اختبارات من بدايه الاختبارات يعني بتكون مثلا من يوم 6/2/1430الى 17/2/1430

[التاجره الصغيره]

ولد الشيوخ

انا بأطبع الجدول وارفقه بالإجازه والله يعين

ولو اني ما ارتحت مدري شلون بيحسبونها لي