رسوم التوفل

memona · #1 18-01-2009, 11:47 PM

السلام عليكم ورحمة الله وبركاته
حين ابغاكم تصححون دي المعلومة لي لو سمحتم
انا ابغى اقدم على بديل التوفل بجامعة الملك عبد العزيز ويوم 22 / 1 راح يبدا تمام
طيب اقدم واخش على استمارة الترشيح واكمل كلها وبعدين ادفع الرسوم واستنى اسمي يترشح ولا بدايه كللللل شيء ادفع الرسوم بعدين اسوي استمارة الترشيح بعدين باقي الهوليله
يار يت احد عندو معلومات كفايه يقولي وشكرا

Lele · 19-01-2009, 12:05 AM

أنا أقولك يأختي أدخلي على الموقع وعبي إستمارة الترشيح

وبعد ماتعبي بياناتك أضغطي على زر سبميت وأطبعيها وبعد كذا روحي الجامعه وسددي الرسوم200 ريال من بنك الجامعه لانه يوم مارحت أسدد من بنك جمب البيت قالو ماعندهم الاوراق علي طول

روحي لبنك الجامعه وسلميهم الاوراق مع صوره من الهويه او دفتر العائله وجيبي معاكي صوره شخصيه ولاتنسي صوري الورق وسلميهم إياه

ونصيحه أقولها لكي ياختي من قلب يوم الاختبار أحفظي رقم القاعه وأسماء المراقبات عشان لو ضاعت ورقتك يعرفو يجيبوها

memona · 19-01-2009, 12:09 AM

الله يسعدك ويوفقك لو تشوفيني مصنمة قدام الجهاز على موقع الجامعه ولسه ما فتحوا رابط الترشيح ربنا يعين

Lele · 19-01-2009, 12:13 AM

علي فكره مافيه شيء أسمه أسمك يترشح انت إذا سلمتي الاوراق

راح تقول لك تجي يوم الاختبار يعني بأختصار من يوم تشوف اوراقك راح تقولك تم قبولك إن شاء الله

Lele · 19-01-2009, 12:15 AM

يابنتي روحي نامي.....علي فكره بعض الاحيان مايفتحو طلب الترشيح إلا بعد ما ياخروه كم يوم الاختبار غلي فات كان زي كذا

memona · 19-01-2009, 12:16 AM

طيب اخت لي لي انا لمن اسوي اوراقي في البنك اروح وين ؟؟؟ طفشتك !!

memona · 19-01-2009, 12:23 AM

بعدين اي بنك جامعة تقصدين !!!!؟؟؟؟ جوات المبنى نفسو اسمحيلي ترا انو مو من سكان جده عشان كدا ما اعرف

Lele · 19-01-2009, 12:24 AM

لاعادي لو تبغي أوديكي الجامعه واوديكي .... هههههههه
روحي المبني الثالث (إلي هو مبني الدراسات العليا) إلي قدام القبول والتسجيل تسلم قسيمة الايداع مناولة لوكالة عمادة الدراسات العليا بشطر الطالبات - وحدة القبول غرفة رقم (327) راح تلاحظي الغرفه في الدور الاول غرفه كبيره فيها كاونتر وكمان شوفي هذا الرابط فيه رقم الحساب إلي تودعي فيه والتعليمات
http://graduatestudies.kau.edu.sa/co...ng=AR&cid=2654

Lele · 19-01-2009, 12:36 AM

كتبت رد طويل وطاااااار

في فرع لبنك سامبا جوت الجامعه في قسم الطالبات هو قريب من المبني على كل حال لو مافهمتي من وصفي أسألي الامن

وإن شاء الله بنات المنتدي مايقصرو معاكي

انا في الخدمه

memona · 19-01-2009, 12:37 AM

ربنا يرزقك ياختي وينولك اللي ببالك لوتعرفي قديش افدتني لكن ربي يجازيكي احسن جزاء
اشكرك من قلبي

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

رسوم التوفل

ملتقى الماجستير العام و الدكتوراه