مادة القراءة ( 1 ) والكتابة ( 1 ) سهلة ولا لاء ؟

[glitter]

أنا اختبرت اختبار القبول حق الإنجلش وانقبلت مشروط
وانضافتلي هاذي المادتين للجدول ( القراءة 1 ) و ( الكتابة 1 )
فياريت أعرف منكم هل هاذي المادتين سهلة ولا لاء ؟
مين أحسن أستاذة للقراءة 1 ؟ وللكتابة 1 ؟
وأنا دحين اللي تدرسني القراءة 1 : إيمان بوترعة
و الكتابة 2 : هاجر موسى
فهل هم ممتازين في الشرح ولا لاء ؟ عشان أغيرهم ...

[nour al3mr]

بإذن لله يكونوا تمام

امس ايمان تتوقع من الطالبة تكون اجوبتها خالية من الاخطـآء الاملائية و النحوية

و مس هاجر جديدة لسه مانعرف عنها

ربي يوفقك وشدي حيلك عشان تتثبتي بالتخصص

[entsab girl]

اهليين giltter
اتمنى انك تفيديني بما انك انتظام ومستوى ثالث
انا اهم شي عندي المادتين هادي القراءه 1والكتابه1
متى موعد المحاضره ? وفي اي مبنى ? رقم القاعه? والايام?
الله يعطيكي العافيه . . اتمنى انك تفيدني

[glitter]

شكرا يا نور ... وإن شا الله أقدر أعدي المادتين بإذن الله ... مع إني خايفة شوية لأنو الكلاسات اللي باحضرها حقت الإنجليزي ( الريدنج والرايتنج ) بلاقي بنات كثير آخذين فيها f وإذا قدروا يعدوها أخذوها في السبعينات والثمانينات ... وخاصة مع إيمان بوترعة ... وهذا اللي مخوفني لأنو ما أبغى ينزل معدلي بسرعة من البداية من أول مادتين ...

[glitter]

اليوم حضرت أول محاضرة لها وكانت رائعة في شرحها وأسلوبها بس الله يستر عالنتايج وأروح أتفاجأ ...

[glitter]

entsab girl

.... انت من البنات اللي انقبلو على طول ؟ ولا اختبرتي اختبار القبول وانقبلتي قبول تام ؟ ولا انقبلتي مشروط ؟ عشان أعرف بس ...
أنا مواعيد الريدنج عندي سبت وإثنين وربوع مع أستاذة إيمان بوترعة في المبنى الرابع غرفة 1419 من الساعة 8 _ 8 و 50 دقيقة ... والرايتنج مع أستاذة هاجر موسى في المبنى 43 غرفة 15 من السعة 12 - 12 و 50 دقيقة ..
أستاذة إيمان بالنسبة لي حضرتها أول محاضرة الربوع لأنو المادتين ما انضافت عندي إلا الإثنين .. وأنا أشوف شرحها كويس بس بطيئة وأعطت واجب ...
أستاذة هاجر حضرت الإثنين بس ما رحت المحاضرة برضو عشان الجدول واليوم ما جات ...
والأستاذتين حضروا البنات من يوم الإثنين ولساعهم في البداية ما بدأوو .. عشان البنات قالولي

[entsab girl]

الله يسعدك في الدارييين ويوفقك ان شاء الله
انا الحمدلله انقبلت على طول . .
بس فيه شي ابغى اسأل عنو في الريدينق من الساعه كم ألى كم بالزبط
والرايتنق متى الايام والمواعيد بالزبط
والمنهج تغير ولا نفسو كولج
وشكرا والله يعطيكي العافيه

[Ayob]

سهلة جدا بس احرص على كتاب المدرس اللي فيه الأجوبة

[التفاحه المجتهده]

لا لا ايمان لا انا مادرست معاها جاتنا في الدراما فتره الين رجعت دكتور مائسه من السفر
مره تشرح بهدووو والكلاس نايم وعندك صديقتي تخرج ورسبتها مرتين ابدا ماتراعي :(
للأسف ماعندي قائمه الشعب عشان اقولك مين افضل بس لو فيه هيفاء الروقي
ابرار مجددي الاء المحمدي خذي معاهم
اما الرايتنغ برضو نفس الاسماء لو موجودين خذي معاهم

[التفاحه المجتهده]

وصلت ليا قائمة الشعب
رايتنغ خذي مع الاء المحمدي بسررررررعه
وريدنغ الله يعين ايمان ولا شادن