طالبات المستوى الثالث اللي ماسددوا الرسوم ( استفسار بسيط )

[miss-busy]

السلام عليكم ورحمة الله وبركاته

أخواتي الله يسعدكم اللي لسه ما سددت الرسوم ممكن تقولولي نزل لكم جدول ولا لأ ؟؟

فتح معاكم الحذف والإضافة ولا لأ ؟؟

أحتاج جواب من كل الطالبات اللي ما سددوا الرسوم " انتساب طبعاً "

لما تفتحوا الأودس وتدخلوا على الجدول الدراسي أو على الحذف والإضافة يطلع لكم جملة ( طالب غير مسدد )

الله يسعدكم ردوا

كل وحده تشيك عالأودس وتقول لي

أنتظركم

[؛؛وجود؛؛]

عليكم السلام

اهلين عزيزتي يسعد صباحك
طبعا الجداول ماراح تنزل لحد
ماتتصلي فيهم وتطلبي منهم هالشي

لسى انا مسكره منهم ومسوين لي كل الاجراءت بدقايق
اعطيك الرقم حاليا اتصلي فيهم قبل الزحمه
026952000
التحويله
26716
وسوي جدولك
عطيها رقمك الجامعي وبلغيها شو حابه تضيفي
وطمنيني

[miss-busy]

الله يسعد قلبك يارب

بس هم راح يسوولي كل شي حتى لو كنت ماني مسددة ؟؟

لأن اللي أعرفه انك لازم تسددي عشان ينزل جدولك وتقدري تحذفي وتضيفي

انتي سددتي ولا لسه ؟؟

[؛؛وجود؛؛]

حبيبتي السداد وقته ينتهي بشهر 12
يعني لاتخافين ابدا
انا مسدده صح لكن ماله علاقه لاتخافين
انتظرك
ماراح اطلع لحد مااتطمن عليك

[miss-busy]

الله يسعدك ويسعد قلبك زي ما أسعدتيني في هذا الصباح

أنا أفتح الأودس لكن ماني قادرة أوصل لشي

كل ما أفتح الجدول ولا الحذف والإضافة تطلع لي جملة طالب غير مسدد وما أقدر أشوف شي ولا أوصل لشي

أخاف أتصل عليهم يقولولي طيب انتي لسه ماسددتي كيف تبينا نسوي لك جدولك

[؛؛وجود؛؛]

امين عزيزتي ولك بالمثل

الغريب بالموضوع انها تطلع معاك هذي الرساله
لكن ولايهمك مو مشكله
انتي جربي اتصلي فيهم
ولو قالوا لك حاجه قولي كل صاحباتي ماسددوا
وانتوا نزلتوا جداولهم في هذي الفتره

جربي اتصلي الحين راح يردوا على طول

[miss-busy]

حبيبتي وجود الله يخليك يارب ويكثر من أمثالك

ماقصرتي

أبى أراجع نفسي في المواد اللي لازم أنزلها هذا الترم وبس أعتمد راح أدق عليهم ان شالله

لأني متردده في كم ماده وماني حابة أتسرع

تسلمي يا غالية وربي يجزاك خير ان شالله

^^

[؛؛وجود؛؛]

اوكي عزيزتي
القسم هنا فيه نفس التساؤلات ممكن انها تفيدك
وممكن لو حبيتي تدخلي الموضوع المثبت للمستجدين
للاخت سكون الورد

ونصيحه مني
المواد خذيها سهله ومو متعمقه فيهم
بحكم انها تخصص خذي الموضوع بخطوات
يعني ماتدخلي بالعميق في المواد اللي تكون مشبعه
افضل لك عشان تلمي بالتخصص اكثر
وتستوعبيه على رووواق

واذا احتجتي اي حاجه
مايردك شي كلنا اخوات :)

[miss-busy]

الله يخليك لي يارب ما أستغنى عنك

والله مدري كيف أشكرك يا عسل أخت عزيزة وصديقة مكسب ما شالله عليك وعلى روحك الحلوة

نصايحك راح أمشي عليها أكيد ومشكورة يا قلبي

من جد خليتي صباحي في هذا اليوم مميز وسعيد

شكراً لك من الأعماق .. شكراً بحجم سعادتي في هذا اليوم

موفقة يارب والله لا يحرمنا منك

[سمر الحربي]

نفس المشكله ..(( بس انا اخذت اعفاء الترم اللي راح ))..
ومعدلي اعلى من المطلووب يعني الاعفاء مستمر بس المشكله مانزل ليا الجدوووول والله مررره محتاره ...
والمشكله اني مو فجده..