مواضيع بحث وتدريب

[بربر]

هاااااااااااااي بنات محاسبه تخرج
انا باخد بحث وتدريب مع د. صفيه حموده
ومني عارفه في ايش اكتب موضوع عن ايش ؟؟؟
ياريت تفيدوني بمواضيعكم وكل جديد
يسلمو

[BoBy]

التقرير بيكون متعلق في تدريبك يعني انتي شوفي في التدريب على ايش بيدربوكي واكتبي عنو
وأما البحث اختاري موضوع تلاقي فيه دراسات سابقة مناسبة وحديثة يعني ماتكون مره قديمه وشوفي مواضيع الدراسات في مجلة الجامعة عشان تعرفي تختاري

[بربر]

ابغى مواضيع اكتبولي هيا
فر راسي من كثر مادور
مالقيت موضوع يستاهل او فيلو مراجع كثيره
كل يلي الاقيه بحوث جاهزة تكون لشخص واحد
طفشششششششششششت

[BoBy]

البحث اصلاً ماحتستفيدي كتير من النت الاهم الدوريات والمجلات حتلاقي فيها اكتر
زي ما قولتلك شوفي مجلة الجامعة وابدأي دوري في دراسات اخر عدد وخذي الاعداد بالترتيب من اخر عدد وبعدين اللي قبلو وهكذا ...
وشوفي ايش اللي يعجبك ويكون فيه دراسات
انا زيك ماخده عند صفيه السمستر اللي فات وكدا عملت وكان موضوعي في المراجعه وشوفي كمان استشيريها يمكن تقترحلك اي موضوع يكون عاجبها لانو افتكر اقترحت لبنت تعملها عن المراجعه البيئيه
او انتي شوفي كم موضوع من اللي انكتب عنها في الدراسات واستشيريها تكتبي عن ايش احسن
مجلة الجامعه يا تلاقيها في المكتبة يا في موقع الجامعه تصفحي الاعداد وشوفي العناوين واللي يعجبك حمليه عندك عالجهاز
وبالنسبه للتقرير قوليلي ايش الاشياء اللي بيدربوكي عليها لو كنتي بديتي تدريب عشان اعرف اقولك عن ايش ينفع تكتبي

[بربر]

مررره مشكوره يابوبي
انتي الوحيده يلي عايشه في دا المنتدى هع
التدريب لسه مابداتو
لمن ابدا حجي اقلك لا تخافي
ماعندي غيرك هع
وكلامك على البحث مشوااار مجله واعداد و دراسات ومكتبه حوووسه
انا لو بيدي انقشو كلو من النت واسلمو مو فاضيه ادور كسل
شوفي ايش لقيت في النت
1- محاسبة الموارد البشريه
2-اثر التجاره الالكترونيه على تطوير انظمة المعلومات المحاسبية
3- المحاسبة الاداريه في مجال الرقابه وتقييم الاداء
4- المحاسبة عن الاجور
5- دور حوكمه الشركات في تحقيق جوده المعلومات المحاسبيه
6- نظم العمليات والانتاج في المنشآت الخدميه
حروح بكره لدكتوره صفيه واوريها وخير إن شاء الله

[BoBy]

المشاركة الأصلية كتبت بواسطة بربر مررره مشكوره يابوبي انتي الوحيده يلي عايشه في دا المنتدى هع التدريب لسه مابداتو لمن ابدا حجي اقلك لا تخافي ماعندي غيرك هع وكلامك على البحث مشوااار مجله واعداد و دراسات ومكتبه حوووسه انا لو بيدي انقشو كلو من النت واسلمو مو فاضيه ادور كسل شوفي ايش لقيت في النت 1- محاسبة الموارد البشريه 2-اثر التجاره الالكترونيه على تطوير انظمة المعلومات المحاسبية 3- المحاسبة الاداريه في مجال الرقابه وتقييم الاداء 4- المحاسبة عن الاجور 5- دور حوكمه الشركات في تحقيق جوده المعلومات المحاسبيه 6- نظم العمليات والانتاج في المنشآت الخدميه حروح بكره لدكتوره صفيه واوريها وخير إن شاء الله

العفووو حبيبتي
ههههههه عادي يا عسوله اي سؤال انا في الخدمه
صدقيني لما تعمليه انتي بنفسك يكون احسن حتى في المناقشه يكون عندك معلومات لانك قريتي اكثر من دراسه واخدتي معلومات كامله عن الشي اللي حتكتبيه واكيد طبعا مانستغني عن النت لازم ننقش منو كم حاجه
وبالنسبه للمواضيع اللي قولتيها حلوه وفي موضوعين افتكر لما كنت ادور على دراسات في مجلة الجامعه شفت كم دراسه فيهم اللي هو التجارة الالكترونيه و حوكمة الشركات
وشوفي اسهلك بدل ماتروحي المكتبه وتتعبي نفسك تصفحيها على موقع الجامعه وشوفي اللي يناسبك منها
هذا الرابط http://www.kau.edu.sa/AccessPage.asp...www.kau.edu.sa
ادخلي واتصفحي عناوين دراسات كل عدد وخدي اللي تتعلق بالموضوع اللي حتختاريه