ايش رايكم بلعبه Gta

[maryam]

السلام عليكم......



هذا الموضوع كتبته للي يعرفوا ذي اللعبه و حتى للي ما يعرفوها...

انا عرفت دي اللعبه من اخويا الصغير بالصدفه يوم جاء قلي طلعيلي الكلمات السريه حقتها من النت و لما فتحت

الصفحه انصدمت من معاني الكلمات السريه اللي يبغاها اغلبها تفتحلوا في اللعبه اشياء بطاله (****).....

و طبعا الأخ مو داري عن شي و إلا يبغاها طبعا مستحيل أشرح له الموقف..

المهم انو دي الحاجات وصلت حتى لألعاب الأطفال يعني بالقوه يبو يخربوا عقول اطفالنا مع إنو هذه الألعاب بره

تكون ممنوعه و ما يبيعوها إلا لسن معين ..

حابه أعرف رايكم بالموضوع إذا يستحق هذي الجديه ولا أنا مكبرته...


وسلامي للجميع..

[dr_love]

بصراحة اللعبة دي ارهابية رقم 1
قال احنا ارهابين وهم الي بيعلمو الاطفال الارهاب على اصوله

حتى يعلمو الاطفال كيف يعاكس البنات وزي ماقلتي مريوم
بعضها يخلي البنات معجبين بك
بس هذي اللعبة هينة
والله في كم لعبة من جد يبغالها منع لانه فيها اشياء جدا بطالة
وبعضها يكون في نادي ليلي ومع الراقصات
واللي عن الالهة ومدري ايه من جد اشياء خطيرة على الاطفال
بس مستغرب فين وزارة التجارة والاعلام
اذكر ايام كنا صغار كنا نسمع الالعاب دي ممنوعة ومستحيل تدخل هنا اما دي الايام الممنوع والغير ممنوع تلاقيه في السوق
الله يحفظنا يارب

[خالد]

ما ازيد عن كلام دكتور لوف

اللعبة هذي جاء في اوبرا موضوع عنها تعرفو ليش ؟؟

لأنو تم رفع دعوى قضائية ضد الشركة

لأنه في أمريكا هناك طفل قام بقتل ثلاثة من رجال الشرطة داخل مركز للشرطة بعد ماتأثر بهذه اللعبة

ولما سألوه لماذا ؟

كان الجواب "هذه هي الحياة"

طبعا ً اللعبة اجرامية من الدرجة الأولى
فكرتها أن هناك نقر راجع للبلد بعد ما اشتغل في الخارج وجمع فلوس
تجي الشرطة الفاسدة بعد ماوصل لموطنه وتاخذ فلوسه وتبدأ المهمات اللي يسويها طبعا ً أهمها هي قتل رجال الشرطة والاستيلاء والسرقة والقتل والاغتيال والتفجير كأنك تشوف حياة النقر في امريكا

طبعا ً المهمات اجرامية جدا ً وفيها لقطات مخلة بالأداب

هذا الجزء الخامس على ما اعتقد
وبرضو الاجزاء اللي قبلها نفس الشيء

وعلى فكرة
ترا قربت اختم اللعبة

[maryam]

صح صح يا خالد بتختم اللعبه ...

بدري عليك انا من زماااااااان ختمتها>>>>>>>.>>>>>> امزح بس لا تصدق انا مرررررره ما العب سوني...

dr.love والله صحيح كلامك ..بس ابغاك تقلي اسماء الالعاب الى رايحه فيها عشان اعمل هيئه على اخويه...

[Dr. Medo]

معليش على المداخلة البسيطة بس مكتوب على اللعبه انها للكبار.... يعني في امريكا و بلدان برا ما بيبيعوها غير لمن يشوفوا الآي دي و يكون العمر اكبر من العمر اللي مكتوب عليها (انا قبل كذا سارتلي هذي الحكاية كنت في فرنسا و ما رضيوا يبيعيلوا لعبه the getaway لأنه عمري كان اقل من 18 وقتها و قعدت نفسي فيها 6 شهور لغاية ما جيت السعودية و اشتريتها) لكن هنا البياعيين الله يصلحهم ما همهم الا كسب الفلوس و بيبيعوها لمن هب و دب..... الحقيقة الغلط من البياعيين أولا و ثانيا من الأهل اللي ما بيهتموا و لا بيشوفوا اصلا ايش محتوى الالعاب اللي بيلعبوا فيها اولادهم.... و بس هذا اللي عندي :)

[wizard]

والله يا مريم انا لعبت اللعبه دى مع ولد عمي مرررررررررره فله

بس اكيد ما اعطينا السي دي لاخوانى الصغار

الله يفترهم

ما سابونا في حالنا ولا حيعملو

[maryam]

تسلم dr.medo على المداخله صراحه معاك حق من ناحية البياعين الى ما يهتموا الى بالفلوس ..

وشكرا wizardعلى تعليقك ..( ؛

[alol]

انا برضو لعبتها هيا مرة جيييييييدة بس افكارها هدامة

و خصوصا للاطفال اللي لسى ما يفرقو بين الصح و الغلط

ان شاء الله ربنا يرد كيدهم في نحرهم و يحمي اولادنا من هدي المصايب

بس تعرفو كمان هدي مسؤولية الاهل ان يختارو العاب اطفالهم و افلام الكرتون اللي يتفرجوها

و انا شفت قبل فترة فيلم كرتون بصراحة هو من فرنسا بس فيلم كرتون حتى اطفالهم بيتفرجوه البنت فيها زي ما خلقها ربي

و احنا ما صدقنا الهبل دا طبعا كان موقف مع اخواني لا احسد عليه و راح اخويا الكبير سجل فوقه الشريط

[ليدر أستوديو هبقات]

الحمد لله يعني موا أنا الإرهابي

الحمد لله الحمد لله الحمد لله

ههههههههههههههههههههههههههه

[متفائل بحذر]

اللعبه هذي انا استفيد منها في حاله واحده .. تفريغ الغضب ..

علما ان هذي الطريقه غير مضره بالبيئه .. يعني احسن ما اكسر مزهريه ولا صحن .. ولا اضرب اخوي الصغير ..هههههه