ما التخصصات المتاحة لكلية الاقتصاد والاداره ؟ (عنوان مخالف تم التعديل)

[فصول السنه]

صباحكمـ / ومسائكمـ سكر

على طول وبدون مقدمات بالنسبه لتسجيل الماستر القادم في شهر 3

احد عنده خلفيه ايش هيه التخصصات بالنسبه لكلية الاقتصاد والاداره ورجاء خاص اللي فاهم ومجرب او سامع ينصحنا بتخصص تمام عشان عندي مشكلة التردد والحيره بشكل مو طبيعي
واخاف اطب ومااحد يسمي عليا طبعا فاهمين المقصود

ولا اوصيكم ابغى اعرف مدى صعوبة المواد وسهولتها وايش ممكن اواجه عقبه تحول ماستري جحيم وادخل في معمعه مالها اخر لاني اغرق في شبر ميه على قولهم

ومشكورين مقدما

[شواطئ البحر]

هذي التخصصات المتاحة للطالبات:
إدارة الأعمال
الإدارة العامة
المحاسبة
الإقتصاد

وهنا الشروط فقط أختاري التخصص المطلوب واختاري الشروط وشوفي اللي يناسبك من خلال الأطلاع
ع الخطة الدراسية.

[فصول السنه]

الله يعطيك العافيه

بس اقصد الواحد يشوف اسم الماده ويقول ماشاء الله باين سمحه وتنشرب بس ندرسها توقف بحلقنا لا بتطلع ولا بتنزل فهمتي علي هذ اللي ينخاف منه