كـَآان وِدِّكْ بالفْرآق! أَبْشِرْ ..{عَسَى عُمْرَكْ طَوِيل ,,

[الدُنيا مدرسة]

.
’,
’,
من بغى الفرقا .. لقى له عذر وأسباب ودليل!
خل عنك العذر والأسباب دام الحب ضآاع !

كان ودك بالفراق ابشر عسى عمرك طويل
لاتردد وأنت لك كلمه ولك أمرٍ مطاع

لي عليك انك تبت بكلمه تشفي الغليل
ولك علي إني لأوقف

وقفة الرجل الشجاع

لاتجاملني مخافة قال مدري خوف قيل
عمر هرج الناس مايسمن ولا يغني جياع !

كان قصدك سر حبك أوعدك لأصبح بخيل
واحمل أسرارك معي للموت قدر المستطاع

بس قلها .. قل ما احبك .. وابشر بصبرٍ جميل
لاتحسب إني مثل من طبعهم لوي الذراع !

صاحبك ماهو كذا .. ياصاحب القد النحيل
صاحبك طبعه غريب وغربته غربة اطباع ~

فالهوى مـــــــــــــــــآ يقبل الحل الوســـط ولا القلـــــــيل
مثل ماهو لا شرا يشري , اليامن باع باااااع

ثابتٍ لو هي تميل الأرض حدره مايميل
يدري إن الفقر ماهو عيب والدنيا متاع

ماعشق لذة حياته كثر عشق المستحيل
ولا كره حتى مماته كثر كره الانصياع

كم تعلم من شديد البدو وش معنى الرحـــــــــــــــــــــــــيل
وكم تعلم من غروب الشمس وش معنى الوداع

وكم تعلم من سحاب الصيف وش معنى الحصيل
وكم تعلم من ليال البرد وش معنى الضيـــــــــــــــآآآآع

إيه .. أنا هذا .. طريقي موحش وصعب وطويل
وانت لآ منك تعبت.. العالم فجوجه وســـــــــــــــاع

اعتبرني في بداية سكتك عــــــــــــــآابر سبيل
ورح وأنا قلبي معك من وين وجهت الشراع

يكفي إني لا ذكرت بسالفة عشاق قيل
عاشر أحبابه شجاع وفارق أحبابه شجاع


’,
’,
.

.
.
...............// مما رآق لي~
. ( فهد المـــسآعد ) ~
.
.