جدولــي ..المستوى السادسسسسسس

[sho0ory]

السلام علييييكم



حآآبه اعرف اذا كانت المواد اللي اخترتهآآآ ضغط او لآآ

بحكم خبرات سابقه او بحكم انكم سمعتو عنهآآآ








تنظيم ايض <= مونزآ بس ولا ارشنآآآ معآهآآ


تحليليه <= دكتوره هاله سنبل معاها احد او لا

صح اسئلتها سهله في الموضوعات جربتها بس ابغا رايكم اللي اخذو معآهآ تحليلي


فيزيائيه <= سمعت دي الماده سهله كيف طريقتها حسابتات ولا نظريات ولا كيف

وكمان مين احسن دكتوره واهم شي تخاف الله

طاقه <= سمعت انها سهله مع ميسون وتشبه الكيمياء ياريت توضحو لي دي الماده ومن احسن دكتوره


وافكر اخذ تقافه و( سرطانيه او مصطلحآت )


ح يكون ضغط او لا

وشكرآآ لذوي الخبره وذوي المعلومآآآت

بالتوفيق
:)

[Pr!ncess]

المشاركة الأصلية كتبت بواسطة sho0ory السلام علييييكم

المشاركة الأصلية كتبت بواسطة sho0ory حآآبه اعرف اذا كانت المواد اللي اخترتهآآآ ضغط او لآآ بحكم خبرات سابقه او بحكم انكم سمعتو عنهآآآ

{ وعليكم السلآم , لأ مي ضغط بالعكس متوازن جدولك :) ~

تنظيم ايض <= مونزآ بس ولا ارشنآآآ معآهآآ

{ الاثنين ~

تحليليه <= دكتوره هاله سنبل معاها احد او لا صح اسئلتها سهله في الموضوعات جربتها بس ابغا رايكم اللي اخذو معآهآ تحليلي

{ لا جزيئيه ولا تحليليه تاخدي معاها
هي طيبه وآدميه تعاملها مو قليل أدب ولا شي
والمنهج سهل مرة وما يحتاج , بس لما تشرح ما افهم منها , ولما أقرأ المنهج بالبيت أفهم وأستوعب مضبوط
وبالنسبه لأسئلتها سهله , بس تنقصي كتير وتحاسب على السبلنج , وتنقصك درجات كتير بسببو توصل لـ درجتين !
ما تدي السلايدات وكانت بأول المحاضرات ما ترضى نكتب السلايدات بيدنا تقول افهمو معايا ما يحتاج تكتبو
وبعدين صارت تخلينا نكتب <- ثلث ساعه تقريبا بس نكتب السلايدات من كل محاضره
والمشكله المنهج من كتابين , واللي بالسلايدات مو موجود بالكتابين , التشابه بالعناوين لكن اللي تحت العناوين ما تلقيه بالكتاب
وعشان اكون صادقه أول باب تلقي كم حاجه في الكتاب لكن بعد كدا ولا شيء ولا حتى مرتب الكتاب وكله حايس على بعض ( آخر المحاضرات تديكم كم سلايد )
البنات من بعد الدوري الاول ما عاد يمسكوا الكتاب ولا يطالعوا فيه بس على اللي نكتبو معاها من السلايدات
من الدوري التاني وهي تقول نصكم راسبين , والدوري التاني ولا وحده جابت درجة كامله أعلى درجه 17 مدري 18 من الشعبتين
الفاينال مرة كان حلو وجابت 60 اختياري واسئلة بسيطه وبونص درجتين
وبرضو الدرجات مرررة معفنه , وهذا ردي على وحده من البنات , بس شوفي كيف السؤال تافه وكيف هي تعقدو
وبنات كتير رسبو وما تديكي درجة لو باقي لك حبه ع النجاح أو البلس , الله يسامحها ~

تخيلي يعني مثلا جابت سؤال فراغات الدوري الأول , تقول عشان نحمي أنفسنا باللاب من الخطر ايش لازم نلبس ؟ أنا كتبت safty materials , اللي هي أدوات السلامه , تقولي لأ غلط طيب فهميني ايش قصدك << بالله تترجم لشكل تاني غير الادوات السلامه وفيه بنات حطوا بس قلفز وأدتهم الدرجه , لا تعليق وأصلا الاجابه اللي تباها هي protective clothes !

فيزيائيه <= سمعت دي الماده سهله كيف طريقتها حسابتات ولا نظريات ولا كيف

وكمان مين احسن دكتوره واهم شي تخاف الله

{ مرة حلوة وسهله مع دكتورة جيهان ما في غيرها يديها
ايوا شوية حسابات وشوية اجهزة داخله بالفيزياء , وفيه كم حاجه عدت عليكي بالكمياء حق التحضيري ~

طاقه <= سمعت انها سهله مع ميسون وتشبه الكيمياء ياريت توضحو لي دي الماده ومن احسن دكتوره

{ مرة سهله وحلوة الماده ومافي غير دكتورة ميسون يديها
المنهج شبترين مرة قصير وحلو وبدايتو يشبه كتير الفيزيائيه
أنا اخدت الفيزيائيه والطاقه مع بعض والاتنين كانوا يساعدوا بعض بالفهم ~

وافكر اخذ تقافه و( سرطانيه او مصطلحآت )

{ خدي سرطانيه أفضل , لأن المصطلحات يبالها حفظ وكمان مصطلحات تديها برضو دكتورة ميسون
ولو اخدتيها مع الطاقه حيكون عندك دايما الطاقه والمصطلحات في نفس اليوم بالاختبارات , ودايما يكون يوم الاثنين ~

[sho0ory]

شكرا الله يسعدك
بس مافهمت يعني تحليلي ماخذو ولا اخذو مع غيرها

وكيف اذاكر دي الماده

[Pr!ncess]

{ العفو
هوا مافي غيرها يدي تحليلي يعني بتاخديه غصب , إلا لو اعتزلت على كلامها
المنهج ذاكريه من الملازم اللي من البنات , لأن إحنا أخدنا الملازم من بنات السنوات اللي قبلنا كانوا يكتبوا معاها مرة أفادتنا وسهلت علينا وريحتنا
خدي اسئلتها من البنات برضو يمكن تجيب زيها , انا ما أنصحك نهائي بيها والله كنا نذاكر من قلبنا ونتعب ع الفاضي
وكمان ماده بأربع ساعات يعني مو لعبه ~

[الشيمآء]

^
التحليلية كتابين :/ !!
الله يعين , كأني بدات أشيل هم دي المادة :"(

[Pr!ncess]

{ مو كتابين , بس من كتابين يعني ملزمتين كبيره ع الفاضي
والله ولا شيء من الملزمتين فتحنآ ع الفاضي اشتريناها
وهي بنفسها تقول أجيب اسئلتي من السلايدات ~

[الشيمآء]

آهــا ..
الله يسهل يارب :) ~

[miss.NeNo]

ووووومتى تفكرر تعتززل ،، ؟!

بنززلها السسمستر الجااي :"(

ومن فين نجيب الاسئلة والملازم حقة السسنوات اللي فاتت ،،؟!

ياررب ماتمسسك الممادة ،،

[Pr!ncess]

{ مدري عنهآ قالت لنا بتعتزل خلاص بعد كدآ بسببنا :p
أديكي الملازم مو مشكله أقابلك بأي يوم وتصوروها بينكم <- دآ لو لا سمح الله رجعت الدكتورة عن كلامها ومسكت التحليلي
يومتها أديني خبر ولكل حادث حديث ~

[دافئ الإحساس]

شووري

ترا جدولك حلو ومافيلو شي وعجبني برضو

لكن انا كمستوى سادس يعني زيك قررت ع هادا الجدول


فيزيائية

تنظيم ايض

جزيئية

عقاقير

سمووم

ثقافة


ازا لاحزتي

3 مواد اجبارية

مادتين اختياية

مادة عامة

وبس