رسالة تقول سدد ! طيب كيف !؟

[محمد ابو جواد]

السلام عليكم ورحمة الله وبركاته

حقيقة أشكر كل مُشرف ومراقب وكل عضو في هذا الصرح الشامخ
الذي استفدت منه كثيراً ، وحقيقة أقولها .. كنت متردد في كذا أمر ، لكن بفضل الله ثم تواجدي في هذا الموقع كزائر هي من جددت أملي في ما كنت اريد الوصول عليه ..

ليس هذا موضوعي !! ..

موضوعي هو إني حكمل إنتساب
والحمد لله قددمت وعمل كل شي إلين أرسلولي رسالة بـ التسديد
ماعندي مشكلة في كُل شي !؟ رحت بسدد عن طريق صرافة الراجحي
والطريقة المعروفه ما يحتاج اكررها .. لكن تجيني رسالة تقول فيها ( نأسف لا يمكن إتمام الدفع في هذا الوقت ) .. طيّب ليش !؟ ..

الكلام هذا من يوم الأربعاء في الصبآح ..

طيب الخميس والجمعه نفس الشي ، قلت يمكن دوامات ومشيتها إنهاه ( دوامات هههه )

جا السبت ورحت لـ الجامعه وقالولي روح لـ البنك قلت لهم طيب هذا الي صار
قالولي طيب شييكت اليوم ( أي السبت ) قلت لا ، وقالولي طيب شييك !

أوكـ .. رحت وشييكت ونفس الأمر ( نأسف لا يمكن إتمام الدفع في هذا الوقت ) ..
قلت خليني أشوف أقرب فرع لـ الراجحي !؟
وعلى اقرب فرع واستفسر ورد عليه موظف وقال لي ( حبيبي مافعلوا ارقام الطلب )

صراحة حسيت إنه يتكلم لجل التصريف !! لـ أنه لا فتح الكمبيوتر ولا شي

قلت مالي غير أروح بنك ثآني ، والوجهه كآنت لـ ( بنك الأهلي ) لكن اللفه أجبرتني إني أتذكر فرع بنك ( الرياض ) رحت عندهم وقالولي لازم رقم حساب قلت ماعندي الرياض ..
وأرسلني موظف لـ شخص محترم وجاب استمارة تسديد وكتب البيانات وطلب توقيعي وكل شي في السليم ، وقال ( معك الفلوس ؟ ) قلت إيه معي ! ..

وأخذت رقم وانتظرت لين جا دوري وجيت عنده وعطيته الفلوس ولا شوي يقول لي رقم الطلب ما تحدث
يهوووووووه 11 يوم مرت ولا في أي شغل !؟ إيش ذنبي وذنب غيري طيّب !!

والله يا إنها قافله معايه ، وصلنا لـ 2012 وأخطآء 2000 موجودة إلى الآن

طلبتكم !

وش السواة ..

[محمد ابو جواد]

سحبتكم أليييييييييييييييمة

[سنوات الأمل]

صحيح صارت معانا الترم الي فات رقم الطلب مايتفعل بسهوله
اتصل على الجامعه عشان يتفعل رقم الطلب

[*الأمل البعيد*]

حياااااك اخووووي بيننا هلااا بك والله ـ لا والله مو سحبة ولا شيء ههههههه تعرف خلك شاطر في هذه الأشياء الأعضاء يختاروا عنوان الموضوع قبل الدخول لازم تختار عنوان ملفت للموضوع >> حزنت يوم قلت سحبة اليييييمة ـ المهم نرجع لموضوووعك لازم تتواصل مع الجامعة هم راح يعطوك الإفادة المؤكدة ـ ولا تيأس من اولها انتبه ـ موفق يارب

[محمد ابو جواد]

المشاركة الأصلية كتبت بواسطة سنوات الأمل صحيح صارت معانا الترم الي فات رقم الطلب مايتفعل بسهوله اتصل على الجامعه عشان يتفعل رقم الطلب

صراحة أفكر أروح عندهم بكرة
لـ أن الثقة معدومة عندي نهائياً
لكن خوفي يقول روح البنك ، ممكن اسوي حاجة مش كويسة

[محمد ابو جواد]

المشاركة الأصلية كتبت بواسطة *الأمل البعيد* حياااااك اخووووي بيننا هلااا بك والله ـ لا والله مو سحبة ولا شيء ههههههه تعرف خلك شاطر في هذه الأشياء الأعضاء يختاروا عنوان الموضوع قبل الدخول لازم تختار عنوان ملفت للموضوع >> حزنت يوم قلت سحبة اليييييمة ـ المهم نرجع لموضوووعك لازم تتواصل مع الجامعة هم راح يعطوك الإفادة المؤكدة ـ ولا تيأس من اولها انتبه ـ موفق يارب

الله يبقيك أختي ..
مايهمني عنوان الموضوع لـ أني ما أحب اني أجيبها بـ لفّه
طبيعي صريييييييح ومرات اجيبها كاش والله يستر بس ..

والله ماني يآئس ولا شي ، بس مقهور من المشورهـ
يعني تخيل من 9 الصبح وانا احوس احوس مارجعت غير الساعه 12 الظهر
ومن بنك لبنك من بعد الظهر لين 2 ونص 3 إلا ..

، ، ،

ولا رحت الجامعه اروح وين !؟
والله حوسه من جد

[*الأمل البعيد*]

الله يعينك احتسب الأجر عسى يكووون خير لك يارب ـ حمد الله حنا البنات مانسوق سيارة ولا شيء ^_~ اجل روح للجامعة في تسديد عن طريق فرع الجامعة نفسه على مااعتقد

[محمد ابو جواد]

المشاركة الأصلية كتبت بواسطة *الأمل البعيد* الله يعينك احتسب الأجر عسى يكووون خير لك يارب ـ حمد الله حنا البنات مانسوق سيارة ولا شيء ^_~ اجل روح للجامعة في تسديد عن طريق فرع الجامعة نفسه على مااعتقد

والله ما أشيل هم المشورة ولا شي ، بس المشكله في التحطيم
ولا اذا على المشورة ياما أكلناها كثيييييييير

[jojy1991]

بالتوفيق اخوي

[خآرج النص]

بشر اخوي وش صار معك !!

اليوم 7/2 واخر يوم للسداد9/2 وحالي من حالك
نأسف لايمكن اتمام الدفع في هذا الوقت