مهم بخصوص مادة cpit470 لشطر الطلاب

[LOOOOOOLOOOOOO]

السلام عليكم

ابعرف من الطلاب مين بيدرسهم مادة 470 هل هو الدكتور أكبر ام الدكتور فؤاد؟
لانه اللي نازل عندنا اسمه بالاوديس الدكتور فؤاد


دمتم بخير

[SAUDI 2009]

والله في الاوديس موجود إسم أكبر بادوشاه

حقيقة أنتم محسودين إذا بيدرسكم الدكتور الخلوق فؤاد

[نانو بيبي]

المشاركة الأصلية كتبت بواسطة looooooloooooo السلام عليكم ابعرف من الطلاب مين بيدرسهم مادة 470 هل هو الدكتور أكبر ام الدكتور فؤاد؟ لانه اللي نازل عندنا اسمه بالاوديس الدكتور فؤاد دمتم بخير

ايوا دكتور فؤاد باذن الله راح يدرسنا ...يارب لك الحمد

[Shining Dragon]

الحقيقة الدكتور فؤاد لا يقارن بالدكتور أكبر بادوشاه مع احترامي لفؤاد، فالدكتور فؤاد يشرح بأسلوب القراءة من السلايدات وعدم التواصل مع الطلاب وسؤالهم ولا أي سؤال للتأكد من فهمهم، ولا أخفي عليكم بأن هذا الأمر يشعرك بالملل وصعوبة المذاكرة في الاختبار وكأنك لم تحضر المحاضرات، والعكس مع الدكتور أكبر فهو خبير إن صح التعبير في إيصال المعلومة وخبير في الشبكات.

[IT crazy]

المشاركة الأصلية كتبت بواسطة shining dragon الحقيقة الدكتور فؤاد لا يقارن بالدكتور أكبر بادوشاه مع احترامي لفؤاد، فالدكتور فؤاد يشرح بأسلوب القراءة من السلايدات وعدم التواصل مع الطلاب وسؤالهم ولا أي سؤال للتأكد من فهمهم، ولا أخفي عليكم بأن هذا الأمر يشعرك بالملل وصعوبة المذاكرة في الاختبار وكأنك لم تحضر المحاضرات، والعكس مع الدكتور أكبر فهو خبير إن صح التعبير في إيصال المعلومة وخبير في الشبكات.

رايك يحتررم،، بس اخاااااااالفك جداااااااااااااااااااااااا في الرأي بالعكس د - فؤاد جدااا متفاهم ومتواصل ويجيب ع كل الاسئلة واسئلته من اروع مايمكن واخلاقه جدا عالية الله يوفقه ويسعده دنيا واخرة، وياااارب لك الحمد انو درسنا 470 وع قولة زميلك نحن محسودين لانو ماسكنا ،، واذا ع المقارنه نحن كطالبات ابداااااا مانفكر نقارن دكتور فؤاد بأي دكتور بالجامعه وراضين فيه بنسبة 1000000000000000000000000000000000000%

[ملك بلا مملكه]

حظكم بالدكتور فواد

[Shining Dragon]

المشاركة الأصلية كتبت بواسطة it crazy رايك يحتررم،، بس اخاااااااالفك جداااااااااااااااااااااااا في الرأي بالعكس د - فؤاد جدااا متفاهم ومتواصل ويجيب ع كل الاسئلة واسئلته من اروع مايمكن واخلاقه جدا عالية الله يوفقه ويسعده دنيا واخرة، وياااارب لك الحمد انو درسنا 470 وع قولة زميلك نحن محسودين لانو ماسكنا ،، واذا ع المقارنه نحن كطالبات ابداااااا مانفكر نقارن دكتور فؤاد بأي دكتور بالجامعه وراضين فيه بنسبة 1000000000000000000000000000000000000%

أقدر مشاعرك الصادقة تجاه الدكتور القدير فؤاد، بس لو كتبت [جدا] من دون ما تكرري حرف المد [ا] كنت افهمها وكذلك مع النسبة تخيلت شخص يصرخ في وجهي، على أية حال

قلتِ أنه متفاهم، لكن أخالفك بعدة أمثلة واقعية :

1- اعرف طلاب مجتهدين يطعلوا له بعد كل اختبار بسبب سؤال غير واضح أو خطأ والنتيجة أنهم يرجعوا زي ما طلعوا من دون حاجة! وأنا متأكد أن الحق مع الطلاب فهم يحفظوا المنهج حفظ ماشاء الله عليهم
2- مستحيل يجاوبك على سؤال واحد في الاختبار، وأنا أشوف بعيني في القاعة محاولات الدوافير لسؤالهم عن أمر غير واضح،

فهو غير متفاهم

أتفق معك أنه يجاوب على كل الأسئلة، فهذه ميزة جميلة فيه لكنه ما يسألك أثناء المحاضرة هذا اللي أقصده، وبالنسبة لأسئلته في الاختبار، فهي تعتمد على الحفظ التام ولا مجال للتفكير فقط التنقيب في الذاكرة يقود إلى النجاح، ناهيك عن وجود بعض الأسئلة غير الواضحة والتي تنتج من النسخ المباشر من السلايد لورقة الامتحان وجعل النص البديهي سؤالاً مربكاً في الصح والخطأ!

وأخلاقه بالتأكيد عالية مثل أي دكتور عندنا في الكلية فهم كلهم آباء، أعتقد الوضع مختلف نوعاً ما عندكم لذلك وصفتيه بهذه الصفة

على أية حال ومن جديد، ردي طويل لكنه رسالة لكل شخص يحاول يقيم دكتور، فالتقييم يكون بالمنطق والأدلة وليس بالعاطفة حتى لا تغطي على العيوب، وردي هذا ليس لك فقط بل لكل طالب يقرأه مستقبلاً فالبشر قد تتغير قراراتهم بمعرفة صفة واحدة ذكرت بدون مجاملة مقارنة بكل الصفات الأخرى. ويبقى القرار بيد الطالب..

[IT crazy]

المشاركة الأصلية كتبت بواسطة shining dragon

و ردي حيكون اطوول بكثير من ردك
اعتذر إذا ضايقتك حركة التكرار وابد ما كان مقصدي اللي أنت تخيلته ياليت تفسر وتتخيل الأشياء بايجابية أكثر
صح أنا قلت انه متفاهم ومازلت أقول انه متفاهم ،، ومسألة الأمثلة أي أمثله تواجهني بالدنيا عندي تحفظ عليها لسببين

1- انو مافي إنسان بالدنيا كامل ،،ولكل إنسان مثل ماله ايجابيات له سلبيات بس الاختلاف انو في ناس ايجابياتهم تطغى ع سلبياتهم وفي العكس
2- الناس زي القمر لهم جانب مشرق ولهم جانب مظلم فلما أجي احكم ع أي شخص لازم أشوف الجانب المشرق قبل الجانب المظلم عشان لا اظلمه ولا أجحف حقه

مسالة انو ما يسألكم في المحاضرة ،،فطبيعي السكوت علامة الرضا يعني انتم سكتوا وبكذا وصلتوا للدكتور رسالة غير مباشرة إنكم فاهمين ،، مو شرط يجلس يسأل كل سلايد اذا فاهمين او لا !! المفروض الطالب اذا مو فاهم يسأل لين يفهم يعني هو يعلم وش في نفوسكم !!هوا ايش يعرفه فلازم انتم اللي تبادرون

أخلاقه عاليه اتفق معاك ،،بس جملة انه مثله مثل أي دكتور ذي اختلف معاك ،، من أصعب المواضيع انك تجمع أو تقارن شخص بأي شخص بالدنيا، وانا اول رد لي لما قارنت بينه وبين د- اكبر قلت لك ابد ما اقارن ومساله المقارنه ملغية من قاموسي ، ولو بتجلس تقارن حتتعب في حياتك، لازم نرضى بالناس اللي حولينا ونتكيف معاهم عشان نعيش بسلام،، يعني انت ترضى احد يقارنك بأصحابك او اولاد جيرانكم او اقاربك !!؟ ابدا ماترضى وبالعكس تحز بخاطرك وأمكن توصل انك تكره الشخص اللي تقارنت فيه ،لانو لكل انسان شخصية وله كيانه وله اسلوبه وذا اللي يميز البشر ع بعضها مثل اصابع يدك ،، ممكن انك تقول عيوب او سلبيات في الشخص بس ابدااا مو ممكن انك تقارنه بأنسان ثاني ،، واهون ع الواحد انه ينقال لها عيوبه وسلبياته ولا انه يتقارن بأنسان ثاني،،

ولو جينا ع أسلوب المقارنة بينه وبين غيره اوكي حمشي معاك وأقارن من غير ذكر أسماء ولو إني ضد فكرة المقارنه ،،بس عشان اثبت لك إن جملة أخلاقه مثله مثل أي دكتور عندكم بالكلية انها جملة مو حقانية في الحكم،، في دكتور ماعرفنا درجاتنا الا في الاوديس من 100 كيف توزعت وكيف صارت الله العالم ,, فيه دكتور نطالبه باوراقنا نراجعها ولا حياة لمن تنادي ،، فيه دكتور يضيع وقت المحاضرة في التريقه اللي مالها داعي ولا كأننا في اكادمية تعليم أي نعم الواحد يمزح بس في حدود،،فيه دكتور لما يحط اسئلة الاختبار مااعرف ايش يحس فيه وهو يكتب الاسئله هل هو فرد عضلات!! او شطارة لما يحط اسئله تعجيزيه ،،ويا ليته من زين الشرح عشان نقول معاه حق ،بالعكس يكون شرحه بوادي واسئلته بوادي ،،فيه دكتور نرسل له مرة ومرتين وعشرين مرة في مشكله معينه او موضوع معين في الماده ولاحياة لمن تنادي مو لازم يرد ع الايميل ع الاقل يقول الموضوع حق الرساله المرسله في المحاضرة ونناقشه،،وفيه دكتور ماني عارفه كم في نظره مدة الاختبار لما يحط 7 او 10 صفحات اختبار ويلا جاوبو ع كل الصفحات في ذي المده ،ع الاقل احترم وقتك وحط اسئله ع قد الوقت ،يعني نشيل هم الوقت اكثر من الاختبار نفسه... وغيرهم كثيييير ومواقف اكثر,, فهذي في رأيك تسمى أخلاق !!!!؟؟ لا والله ابدا ما تسمى أخلاق ،،ولو بقييمهم بمواقفهم ، كان تحت الصفر احط لهم التقييم، يعني بالسااالب ، بس كمان ارجع واقول مافي انسان كامل، عشان كذا انا ما اصدرت حكم عليهم انهم مو متفاهمين وماعندهم رقي في التعامل لانو بكذا حظلمهم ،، والوضع ياسيدي ما يختلف بينا وبينكم ،مثل انو فيه دكاترة ماشاء الله عليهم التوووب فيه دكتورات ماشاء الله عليهم التووب وينحطون ع الراس

بس د-فؤاد مقارنة فيهم مافيه ولاصفه من اللي انا كتبتها عن الباقين مو معنى كلامي انو مافيه سلبيات مافي احد معصوم ،،وكونه ينسخ من السلايد فوالله تعتبر نقطة ايجابيه بالنسبة لي لسبب واحد عالاقل عنده امانه علمية واحترم نفسه ونسخ من منهجه وسلايداته اللي حضرته شرح منها ووضحها لنا ،،مو مثل غيره من الدكاترة يلطش الاسئله مدري من أي رابط ،،وبعضها ماتمد للمنهج بصلة وبعضها خير شر ماتطرق لها ولا شرحها وذا اسمه اختبار مو فرد عضلات فالواحد يتق الله لما يجي يحط اسئله ويتق الله لما يتعامل مع طلبه

وانا ع أي حال احترم وجهة نظرك ورايك،، واتفق معاك في التقييم انو الشخص يقييم ويحكم بعقله وبالمنطق،، واضيف لما يجي يحكم او يقييم شخص ياليت يحكم عليه من جميع الاشيا ،ومن وجهة نظره ومن تجربته ،، مو من وجهة نظر الاخرين والمواقف اللي صارت معاهم وتجاربهم،،و مو ع حسب كم موقف يقوم يصدر حكم ع الشخص،، لانو نحن بندرس 19 اسبوع فلازم احكم ع المده كلها من اول محاضرة لين اخر محاضرة ولازم يحصل خلل خلال هالمدة لانه مافيه احد كامل بس نقييم بالطابع العام

ورأي وكلامي في د-فؤاد انتهى ،لانو شهادتي فيه مجروحة ولو بتكلم كل مرة ماراح أوفيه حقه ،وغيره كثير من الدكاترة والدكتورات شهادتي فيهم مجروحة والله يكثر من أمثالهم

[IT crazy]

واسفه looooooloooooo خرجت عن موضوعك واستفسارك *_*

[LOOOOOOLOOOOOO]

لاعادي خذي راحتك
كلامك صح 100%