قروب طلاب وطالبات مادة إدارة أعمال بالإنجليزي ... أرجوا التفاعل

[nejoud boss]

بسم الله الرحمن الرحيم

أولا : نبغى نجمع أكبر قدر من الطلاب و الطالبات اللي بيدرسوا مادة إدراة أعمال بالانجلش الترم هذا أو اللي سبق وإنهم أخذوها علشان نستفيد ونفيد بعضنا..

ثانيا : الفكرة من الموضوع إننا نبغى نخلي الصفحة هادي مرجع لنا جميعا ونكتب فيها الأشياء اللي بيقولوا عليها الاستاذات والاساتذه انها مهمه علشان نجمعها كلها لأنوا بالنهاية الاختبار النهائي موحد وكمان الملخصات الاختبارات التجريبية وأيضا مناقشة اللي بيصعب على أي أحد فينا بالمحاظرة .
وأيضا أي مصطلح أو رمز موفاهمينه علشان نستفيد من خبرات بعض ..

رجاء من جميع الطلاب والطالبات انوا يذكرلنا اسم الاستاذ أو الأستاذة اللي بيدرسوا أوك ..


وأنا حبدأ أنا آخذ المادة مع أستاذة نهى الحربي شرحها مقبول بترجملنا أول بأول وشكلها طيوووبة وكمان قالت إنو أهم شي لازم نحفظه أول بأول المصطلحات الاساسية وترجمتها ..

أرجو التفاعل لأن المادة شوي دسمة ونحتاج نساعد بعض...

[محمد22]

بيب اول واحد خايف من الماده

[أحمد المبدع]

انا معاكم إن شاء الله

والله اول محاضرة خوفتني من المادة كثير

انا ادرسها عند الدكتور صالح باجبع

:)

[a.89]

اللي يعرف كيف تجي أسالة المادة لو سمحتو يساعدني..........وكيف أقدر الاقي ملخصات هاني عرب

[ȜȤǾǾȤ]

ياأخ ..
يمنع وضع روابط لمواقع أخرى
وهذا النظام العام للمنتديات
http://www.skaau.com/home/se.htm

[الماسه]

انا اخذت المادة الترم الماضي

والحمدلله نجحت ... بس تعبت منها كثيرررررررررررررررررررررررررر

الله يكون في العون .. الترم هذا عندي ادارة موارد بشرية بالانجليزي

[المنافح]

هلا انا معكم في المادة

بس ما أظن أكون معاكم في المناقشة لظروف الانتساب

[@فرفورة الامورة@]

انا كنت معاكي و اليوم حزفت المادة(:

[الاموره]

انا الماده الوحيده اللي اخدت فيهاfff

بس ما اقول غير حسبي الله عاللي كان السبب

وياليت البنات يقولولنا مين الاستازه اللي بتدرس هالماده الغثيثه دا الترم

[ملكة الورود]

انا دا الترم نزلي الماده بس متتردده اخليه ولا احذفه
طبعا انا انتساب ،، والبنات بيقولوا انهم يساعدو في الانتساب وانا كتييير خايفه من الماده
وماني عارفه مين احسن وحده تعطي دي الماده ،،