ʢʡ֟.ماڪذبت أمـے...... يۄم قالت.....֟ʢʡ

[ROoOFaNA]

ماكذبت أمي عليّ .. يوم قالت ..


ياجنيني ...


لاتنام إلا متوضي ...
وصل .. لله ركعتين ..
واقرالك لو آيتين ..
وارفع يديك وتضرع .. بالدعاء ..
يشرق النور بجبينك ..
ماتجيك أحلام توحش ..
وماتقوم الصبح ..
مهموم .. وحزين ..






ماكذبت أمي عليّ .. يوم قالت ..


ياجنيني ...


لاتفرط في صلاتك ..
ولايغرك حب ذاتك ..
ولايبل الريق مسكر ..
حتى لو يبست لهاتك ..
ياجنيني ..
إحرص .. تصلى جماعه ..
وكل ساعه ..
راقب الله في حياتك ..









ماكذبت أمي عليّ .. يوم قالت ..


ياجنيني ...


لاتصير إنسان جارح ..
إضحك بوجه الجميع ..
عامل الناس بتسامح ..
لاتفرط في حقوقك ...
لاتجامل في النصائح ..
ولاتثور .. تصير فاضح ..
وإن لمست عيب صاحب ..
لاتنافق .. ولاتصارح ..
وإنتبه من هالنصيحه ..
لاتصير إنسان غامض ..
ولاتصير إنسان واضح






ماكذبت أمي عليّ .. يوم قالت ..


ياجنيني ...
إحذر .. أولادك ومالك ..
لاتجافيهم وتقسى ..
ولاتبالغ في دلالك ..
ربهم بالخير .. تربح
وعلم النفس القناعه ..
وعلم القلب الشجاعه ..
ولاتغطي العين وتحلم
وتخدع الرآي بخيالك ..









ماكذبت أمي عليّ .. يوم قالت ..


ياجنيني ...
إنتبه .. لاتبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..










ماكذبت أمي عليّ .. يوم قالت ..


ياجنيني ...


إن وعدتَ وعد .. فاصدق
إحذر تزل بلسانك ..
أو تقلل يوم شانك ..
عش عزيز النفس تسلم ..
حاجتك للناس .. علقم ..
لاتبين ضعف حالك ..
أو يغرك زود مالك ..
ولاتهين إنسان .. تندم ..









ماكذبت أمي عليّ .. يوم قالت ..


ياجنيني ...


خلك إنسان بكرامه ..
لاتغرك هالأمور ..
المناصب ..
والقصور ..
فكَّر بيوم القيامه ..
فكَّر إنك ماأنت خالد ..
رحلة الدنيا قصيره ..
تلقى نفسك في سلامه ..









ماكذبت أمي عليّ .. يوم قالت ..


ياجنيني ...


إحذر تصير البخيل ..
واحذر تبذر وتطّغى
واحذر تعيش بخساسه ..
أو ذليل ..
ولاتنام بيوم خالي ..
لاتنام بدون لاتفعل جميل ..
تلقى نفسك في معزه ..
تلقى روحك في شموخ ..
ياجنيني ..
عش أصيل ....
ومت أصيل ..








ماكذبت أمي عليّ .. يوم قالت ..


ياجنيني ...


كل ماسويتْ فيني ..
أو في أبوك ..
تبي تشوفه من عيالك ..
ياجنيني ..
بر فينا تلقى بِرك ..
ياعسى الله لايضرك ..
والله الله ..
لاتلين بضعف تعصر
وإلا تقسى بشر تكسر
ياجنيني
إصحى .. وإحذر
زوجتك تشكى وتكدر ..
لاتدقق في خطاها ..
وإنتبه تكشف غطاها ..
تسعد بنعمة وفاها ..
وتلقى منها مايسرك ...








ماكذبت أمي عليّ .. يوم قالت ..


ياجنيني ...


لاتمل هموم حملك ..
ولاتظن الناس مثلك ..
واصنع أمرك من يمينك ..
لاتدور من يعينك ..
بين ربعك .. ولاأهلك ..
لاتعامل باللي تكره ..
ولا تجارم وإلا تشره...
ياجنيني .. ..
هذي وصايا ..
لاتفرط في بعضها ..
ماتتوه الشمس عينك ..
أو تتوه الأرض رجلك ..
ياجنيني
ها لامانه
حاول تحمّلها طفلك !!
................
كلمات أعجبتني وأتمنى تعجبكم
منقوووووووول

[TIFA]

ROoOFaNA

[ROoOFaNA]

الشكر لله ثم لكي ولأعضاء المنتدى الرائعون
شكرررررررررررررررررررا لك

[ابو فراس المدني]

إبداع في الطرح

وننتظر جديدك

وتقبلي مروري
أبو فروسي

[ROoOFaNA]

المشاركة الأصلية كتبت بواسطة ابو فراس المدني إبداع في الطرح وننتظر جديدك وتقبلي مروري أبو فروسي

شكرا على المرور والرد ابو فراس
لا عدمناك ان شاء الله

[أنثى المفاجآت]

من لا يشكر الناس لا يشكره الله
وانا من كل قلبي اشكرك على النقل الرائع

[memoooo.]

رائع وابدااااااااااااااااع


ننتظر جديدك

[ROoOFaNA]

المشاركة الأصلية كتبت بواسطة أنثى المفاجآت من لا يشكر الناس لا يشكره الله وانا من كل قلبي اشكرك على النقل الرائع

الله يسلمك ياعيوني
و وجودك ومرورك اروع

[ROoOFaNA]

المشاركة الأصلية كتبت بواسطة memoooo.2008 رائع وابدااااااااااااااااع ننتظر جديدك

تسلمي على المرور والرد يا عيوني

[العالمي]

ياجنيني .. إحرص .. تصلى جماعه .. وكل ساعه .. راقب الله في حياتك ..

سلمت يداك ...غاااايه في الابدااااع

تقبلي مروري